JEREMÍAS 6:5 - Wuj Pa K'ubultzij

⁵ ¡Chqa'ana ch'oji chkij cha'ab', xaq chqawulijsaj i kitak' taq ja!”

JEREMÍAS 6:5 Referans Kwoze

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

ISAÍAS 32:14

I nim laj rachoch i ajawinel ko'tax ni kanoq; i tinimit chi lik nim kek'is b'i uwinaq, kkanaj na pacha jun tz'inilik jyub' chaqij; i ukowib'al i tinimit ko'tax ni kanoq ronojel ij saq, chila na kejeqi wi i axna aj pa taq es xaq lik kekikotik, chila na kewa wi i jalajuj taq chikop.

ZACARÍAS 11:1

¡Tinimit Líbano, chajaqa uchija, i a' chuk'ata nu b'i ache' re chakalte'!

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

Oseas 8:14

I tinimit Israel kuyak ni nimaq taq ja ke ajawinelab', xwiri ksach ni chuk'ux i aj-anol re. I tinimit Judá kuyak ni nimaq taq tinimit chi lik sutim rij ru' tapial, xwiri yin kin-an ni chke chi kejar ni pa 'a i kk'is nu b'i kiwach i nimaq taq ja ke ajawinelab'.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

Salmos 48:3

I Dios o chila pa nimaq taq kachoch i ajawinelab' pa tinimit Jerusalén; i Dios uk'utum rib' pacha jun tob'al ib' chi nti xib'in ib' che.

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

ABDÍAS 1:1

I Ajwal xuya i tzijonik puwach ma Abdías. Qatom jun tzijonik re i Ajwal; jun ajb'il tzij enaq b'i pa nimaq taq tinimit, chub'ixkil: “¡Chixwalijoq! ¡Jo pa ch'oj chrij i tinimit Edom!” I Ajwal Dios kub'ij che i Edom:

JEREMÍAS 52:7

Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.