Biblia Todo Logo
Bib sou entènèt

- Piblisite -




JEREMÍAS 6:4 - Wuj Pa K'ubultzij

4 I je ajch'oj chkij kkib'ij: “¡Chiyijb'a iwib' chu'anik ch'oj chkij, chixpetoq chqa'ana ch'oj chkij are tik'il ij! Xwiri, ¡To' qawach yoj! Man ya xqaj i ij xaq ya knajtir i a'ab' chqe.

Gade chapit la Kopi




JEREMÍAS 6:4
14 Referans Kwoze  

Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.


I tinimit Gaza kkanaj na lik tz'inilik jyub', xaq i Ascalón lik nti chik winaq chwach; lik pa'ij ke'elsax nu b'i i je jeqel pa Asdod, i je aj Ecrón lik ke'elsax nu b'i pkitinimit.


Chitzijoj iri chke i nimaq taq tinimit: ¡Chisaqij i lo'laj ch'oj! ¡Cheisik'ij i ko kiwach! ¡Chepetoq xaq chekich'aka i je aj-anol taq ch'oj!


Xik'aw i sa'ij, xk'is i molonik, xaq yoj oj elsam ti chwach i kamik.


¡I je ajch'oj chkij lik che'okoq xaq chkisacha uwach ronojel i tikon chi o chila pa tikb'al uva, xwiri lik ronojel taj kkisach uwach. ¡Chki'oqij u'ab' taq i uva, man ile tikb'al ti chik in-uva!


Tz'aqat kuriqa i ij xaq are k-anmaj i muj, chattzalij loq k'axnab'al ink'ux; cha'ana che awib' pacha jun kej, pacha jun ral kej ch'utin pa taq es re i jyub' chi siwan xaq ab'aj upam.


Kiyijb'am kib' ru' kich'ojb'al chi are i ch'ab' xaq i che' jutz utzam; je are i utz ti laj taq winaq lik kkil ti pich' tob'al wachij, i kisik' lik keje pacha uch'awb'al i mar, xaq je annaq rij taq kaway. Lik je yijil chu'anik ch'oj chrij i tinimit Sion.”


I chuchxelab' chi je k'i kak'al to' ketzaq chik pa taq ulew xaq to' kk'is chik kuxlab'; lik kek'ix che xaq kqaj ki'ij, i saq re i pa'ij lik pacha equm kkil ike. We o jujun kek'asi kanoq, kin-an ni chke chi je are ajch'oj chkij chi kekamsaw na. Yin, chi in Ajwal, lik kin-an na wach i xinb'ij.


I Ajwal xuya i tzijonik puwach ma Abdías. Qatom jun tzijonik re i Ajwal; jun ajb'il tzij enaq b'i pa nimaq taq tinimit, chub'ixkil: “¡Chixwalijoq! ¡Jo pa ch'oj chrij i tinimit Edom!” I Ajwal Dios kub'ij che i Edom:


keje pacha jun winaq chi o pa k'ax rumal i rajaw uchak chi lik kraj ire wetene o pan chi muj, xaq keje pacha jun ajchak chi lik roy-em chik i rajil.


Intinimit arewi keb'in che i b'e chi utz taj, i je ajmakib' are i profeta chi xa kekit'oro, chi kkiya utzijol i chomb'al ib' chke i ketzuquwik, xwiri kkisaqij i ch'oj chkij i ketzuquw taj. I Ajwal kub'ij chke i profeta le:


Swiv nou:

Piblisite


Piblisite