JEREMÍAS 6:23 - Wuj Pa K'ubultzij

²³ Kiyijb'am kib' ru' kich'ojb'al chi are i ch'ab' xaq i che' jutz utzam; je are i utz ti laj taq winaq lik kkil ti pich' tob'al wachij, i kisik' lik keje pacha uch'awb'al i mar, xaq je annaq rij taq kaway. Lik je yijil chu'anik ch'oj chrij i tinimit Sion.”

JEREMÍAS 6:23 Referans Kwoze

ISAÍAS 13:18

Ru' kich'ab' kkiqajsaj ni k'ojolab' xaq i apojib'. Lik kkil ti tob'al kiwach i je noch' chi k'ate je alaxnaq xaq i ak'alab'.

JEREMÍAS 50:42

Lik kiwiqom li kib' ru' i k'aqb'al ch'ab' xaq ru' i che' chi ch'ich' utzam; lik je k'an, lik nti k'axnab'al kik'ux, i kich'ab'al lik keje pacha i rojojik re i mar, xaq lik je annaq rij taq kaway. Lik je yijil chu'anik i ch'oj chrij i tinimit Babilonia.

JEREMÍAS 30:14

Konojel ni'pa i qus katkilo xatsach chkik'ux, keb'ison ti chik chawe. Man yin xin-an k'ax chiwe pacha taq yin in jun ajch'oj chiwij, xinya i k'ax laj utojb'alil chiwe rumal i k'iyal taq imak, xaq i k'iyal taq mak atzalal,

JEREMÍAS 5:16

Konojel ike le je aj-anol ch'oj chi lik ko kiwach, xaq i kich'ojb'al ke'eloq are i kamik.

JEREMÍAS 4:29

Are kesik'in i winaq chi je ajrij taq kaway xaq i je ajk'aqol ch'ab', konojel i winaq ke'elmajik kkuwaj kib' pa taq es, xaq ke'el b'i puwi i nimaq taq ab'aj, ronojel ni'pa i nimaq taq tinimit lik xetali kanoq, lik nti chik winaq xek'iji kan chila.

JEREMÍAS 4:13

Chiwila pe', i ajch'oj chiwij ktijin kitejeb'ik pacha jun sutz', i kich'ich' re anb'al ch'oj lik keje pacha jun nim laj jab' tew upam, xaq i kikaway mas kkich'ij b'e chkiwach i kotxik. ¡To' qawach yoj, man wo'or kqariq i tojb'al re!

ISAÍAS 19:4

Xwiri yin kinya ni i tinimit Egipto pu'ab' i rajaw jun chak chi lik k'an, jun ajawinel chi lik k'an ku'at ni tzij pkiwi.” Keje ile kub'ij i Ajwal chi ronojel ktiki che.

Deuteronomio 28:49

K'a che jun nim laj tinimit chi lik mas naj o wi chwach i jyub' ta'aj, i Ajwal kuk'aq na li jun tinimit chawij yet chi lik juntir kk'unik pacha jun xik krupupik chi xaq kata ti ub'e kich'ab'al;

ISAÍAS 10:32

Lik wo'or che i iji ktak'i i ajmajanel pa Nob; kuya i k'utb'al re i jeqb'al ch'oj chrij i tinimit Sion, chila tzam jyub' re Jerusalén.

ISAÍAS 17:12

¡Chita kich'awb'al k'iyal taq tinimit chi lik keje pacha uch'awb'al i mar! Are ch'awb'al ile chi kki'an i nimaq taq tinimit pacha uch'awb'al i nim laj ya re i raqana.

JEREMÍAS 6:4

I je ajch'oj chkij kkib'ij: “¡Chiyijb'a iwib' chu'anik ch'oj chkij, chixpetoq chqa'ana ch'oj chkij are tik'il ij! Xwiri, ¡To' qawach yoj! Man ya xqaj i ij xaq ya knajtir i a'ab' chqe.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

Ezequiel 21:31

lik kwo'taj ni pawi i nim laj woywal chi pacha jun k'atanik a' chi lik xib'in ib' ru'; katinya ni pki'ab' i winaq chi ne te utz chi xaq je ajkamsanel.

JEREMÍAS 4:16

Su' chisaqij chke i nimaq taq tinimit, xaq che i tinimit Jerusalén, chi che jun tinimit naj kek'un wi i je ajch'oj chkij. Kesik'in chu'anik ch'oj chkij i nimaq taq tinimit Judá.

JEREMÍAS 8:16

¡Ya kk'un ajch'oj chqij! ¡Ya ktataj chik i kuxlab' i kaway pkitzam k'a chila pa Dan! Are kyirir i kaway kyikyat ronojel ulew. Xek'un chusachik uwach i tinimit xaq ronojel ni'pa o chupam, konojel i nimaq taq tinimit xaq konojel ni'pa je jeqel chwach.”

JEREMÍAS 25:32

I Ajwal, chi ronojel ktiki che, kub'ij: I k'ax laj yob'il uterb'elem rib' kupon pa jun nim laj tinimit, kik'aw che jun chik. Jun nim laj tew jab' kwalij ni k'a xe taq kaj ulew.

JEREMÍAS 50:41

Lik k'a naj che i ulew pa moxab', jun nim laj tinimit chi ronojel ktiki che, xaq lik je k'iyal taq rajawinelab' kkiyijb'a kib' re kepe pa ch'oj.