JEREMÍAS 6:21 - Wuj Pa K'ubultzij

²¹ Rumali i Ajwal kub'ij: “Kin-an ni che i tinimit le kutakij nu b'i rib' xaq ktzaq na, qajawxelab' xaq alk'uwalxelab', winaq chi ix o naqaj xaq i amiy, xaqjun kamik kki'ano.”

JEREMÍAS 6:21 Referans Kwoze

ISAÍAS 8:14

Ire pacha jun tzaqsab'al chiwe yix, are ni pacha jun ab'aj chi kitakij iwib' che; chi keutzaqsaj ni keb' ajawinelab' ke aj Israel, are ni pacha jun tzaqsab'al ipa ketzaq wi i winaq re i tinimit Jerusalén.

Ezequiel 3:20

Xaq we xuk'ulmaj chi jun utz laj winaq, suk'ul uk'aslemal, kuya kan i utz laj uk'aslemal i ku'an i utz taj, xaq yin kin-an che chi ktzaq pa k'ax; we yet kab'ij ti usuk' che, kkam na. Yin kinkoj ti pajil ni'pa i utz chi u'anom, lik kkam ni rumal umak, xwiri chaqul yet kinya wi ukamik.

JEREMÍAS 13:16

Chikojo u'ij Iwajwal Dios, tz'aqat k'amaja kukoj li equm, man moqxa kitakij taq iwaqan chwi taq jyub' xib'in ib', tz'aqat k'amaja ku'an tz'intz'ik equm, are k'amaja ku'an tz'intz'ik muj che, i yix le saq te'eq iwoy-em.

1 Pédro 2:8

Xaq xub'ij: “I ab'aj le, je o ni winaq kkitakij kaqan che; xaq ketzaq na.” Ike kkitakij ni kaqan man kekojon ti che i lo'laj tzij, ile lik are kmajaw chke.

Romanos 11:9

Xaq xub'ij i mam David ujer: I nimaq taq kiwa'im chi kki'ano churiqa uchak chke chapb'al ke, churiqa uchak chke tzaqsab'al ke, xaq re petsab'al i k'ax pkiwi.

Romanos 9:33

Keje iri tz'ib'tal chupam uwuj i Dios: Kintaq b'i jun pa tinimit Sion chi ke'el chke i winaq pacha jun ab'aj pa kkitakij wi i kaqan, jun ab'aj chi ketzaq ni rumal. Xwiri, pachin kukub'a uk'ux che kril ni uri chi saqil wach i xroy-ej che.

Ezequiel 5:10

Chaxol yet o ni qajawxelab' chi kekitij kak'al, xaq o ni i alk'uwalxelab' kekitij i kiqajaw. Kinya ni utojb'alil pawi, xaq ni'pa kek'asi na keinkichersaj nu b'i chwach ronojel i jyub' ta'aj.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 18:21

¡Xwiri wo'or cha'ana che i kak'al kekam ni rumal i numik we ntaj ru' ch'ich' chi k'ulala o uware, chemalkanij ni kan kixoqil, xaq kekanaj ni kan keje ile, nti chik kak'al! ¡Xaq i itzel laj yob'il cheukamsaj ni achiyab' xaq i alab'om chetzaq ni pa taq es re i ch'oj!

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

LEVÍTICO 26:37

Kixa' ni iwib' chiwach pacha taq kix-anmaj chwach jun nim laj ch'oj tupu nti jun kix-oqtawik; mijun chiwe yix kutak'b'a rib' chkiwach je ajch'oj chiwij.

JEREMÍAS 8:12

¡Lik utz te'eq wetene kixk'ix jub'i' chu'anik i b'iroxik le chi kinch'ij ti rilik Yin! Xwiri keje ti ile ki'ano, yix lik kixk'ix ti pich' che, ¡Lik iweta'am tene chik wach taq i k'ixb'alil! Rumali, are kinya utojb'alil chiwe, kitakij ni iwaqan xaq kixtzaq na pacha kki'an i jub'an chik. Yin in Ajwal, xinb'iw ile.

JEREMÍAS 13:14

Te'uri keinpaxij na pacha upaxixik i xar, to' chkiwach ike kki'an kib', qajawxelab' ku' kak'al, xaq i chuchxelab' ku' kak'al. Lik kwil ti tob'al kiwach, kinsach ni kiwach, mixat jub'i' kwil tob'al kiwach xaq mixat jub'i' k'ax taq kuna ink'ux. Yin in Ajwal, xinb'iw ile.

JEREMÍAS 18:23

Xwiri yet, Ajwal, aweta'am ronojel ni'pa kich'ob'om u'anik kamsab'al we. ¡Lik makuy i mak atzalal chi ki'anom. Xaq lik msach i kimak chak'ux! ¡Cha'ana chke chi ketzaq chawach xaq chaya utojb'alil chke ru' awoywal!

ISAÍAS 8:15

Lik je k'i kkitakij ni kaqan, ketzaq na xaq kekam na; lik je k'i ketzaq ni chupam i tzaqsab'al le xaq kech'api ni kan chila.”