JEREMÍAS 6:12 - Wuj Pa K'ubultzij

¹² I kachoch, kulew, xaq i kixoqil ke'ax ni pki'ab' jub'an chik. Man kinyak ni in-ab' chuya'ik i tojb'alil pkiwi konojel i je jeqel pa tinimit le. Yin in Ajwal, xinb'iw ile.

JEREMÍAS 6:12 Referans Kwoze

JEREMÍAS 8:10

Rumali, kinjach ni kixoqil chke i jub'an chik achiyab', xaq i kulew kinya ni chke jub'an chik. Man konojel che ch'utiq che nimaq, xwi kkich'ob' utzukuxik i ch'akanik ru' ela'; i profeta xaq ajsujul sipon, konojel is je t'oronel.

ISAÍAS 5:25

Rumali i Ajwal xpe roywal che utinimit xaq xuyak u'ab' chikaj yab'al utojb'alil chke. I nimaq taq jyub' lik xeyikyatik, i kib'aqil i kamnaq xech'eter b'ik pacha tz'il k'aqtal kan pa taq b'e. Xwiri i roywal i Ajwal lik ik'awnaq taj, lik k'a kuch'ach'a usachik kiwach.

SOFONÍAS 1:13

Rumali i kib'eyomal kel-ax nu b'i chke xaq ni'pa i kachoch ksachsax ni kiwach. Kkiyak ni ja, xwiri kejeqi ti chupam; kkitik ni uva, xwiri kkitu' ti uwa'al uva muqb'am che.

Lamentaciones 5:11

Pa Sion xaq pa taq tinimit Judá, ixoqib' xaq ak'alab' altom lik xqajsax ki'ij man xechap pa cho'ab'.

Lamentaciones 5:3

Oj are i ak'alab' chi nti chik qaqajaw; i qachuch xekanaj kanoq pacha je malkanib'.

Lamentaciones 3:3

lik k'iyal taq mul che jalajuj taq or, kuya i tojb'alil pinwi yin.

Lamentaciones 2:8

I Ajwal lik xuch'ob' uwulijsaxik i tapial re i chom laj tinimit Sion. Lik xuch'ob' u'anik i wulijsanik i xu'ano lik kuxlan taj. Uwach taq xan xaq i tapial lik je uya'om pa b'is, lik junam xetzaq pulew.

JEREMÍAS 38:22

Konojel ni'pa ixoqib' chi kekanaj pa nim laj rachoch i ajawinel aj Judá lik ke'elsax na loq xaq kejach ni pki'ab' i je atzil re i ajawinel aj Babilonia, xaq ike kkib'ij na: “Konojel i je ramiy ajawinel chi lik je utz xkit'oro xaq lik xetiki che; xkiya che chi raqan lik xmuqtaj b'i chupam i xo'ol xaq lik xko'taj kanoq.”

ISAÍAS 10:4

We kqajsax ti i'ij xaq we kixk'am tu b'i prexil, kixtzaq ni ku' ni'pa i kekamsaxik. Xwiri i roywal i Ajwal lik ik'awnaq taj, Ire k'a kuch'ach'a usachik iwach.

ISAÍAS 9:21

I ma Manasés kusachsaj ni uwach ma Efraín, xaq i ma Efraín kusachsaj ni uwach ma Manasés; xaq chekeb' ke'e chrij ma Judá. Xwiri i roywal i Ajwal lik ik'awnaq taj, Ire k'a kuch'ach'a usachik kiwach.

ISAÍAS 9:17

Rumali i Ajwal xril ti tob'al kiwach i alab'om xaq i altom xaq xuya ti rutzil uk'ux chke i ak'alab' chi nti chik kiqajaw kichuch xaq chke ixoqib' malkanib'. Man konojel i winaq lik je itzel laj taq winaq chik, xaqmanal kki'ano xaq xaqmanal kkib'ij. Xwiri i roywal i Ajwal lik ik'awnaq taj, Ire k'a kuch'ach'a usachik kiwach.

ISAÍAS 9:12

Xepe aj Siria prelb'al ij xaq xepe aj Filistea puqajb'al ij. Lik xa juk'apaj xki'an b'i chke aj Israel. Xwiri i roywal i Ajwal lik ik'awnaq taj, Ire lik k'a kuch'ach'a u'anik k'ax chke.

PRIMER LIBRO DE CR%D3NICAS 21:16

I ma David are xtaqen an chikaj, are uri xrilo chi i ángel re i Ajwal o chuxol i kaj xaq ulew, rok'am jun ch'ich' chi o uware k'ulala pu'ab' chi ktijin chuk'utik b'i i tinimit Jerusalén. Are uri ma David xaq i aj-atzil re i tinimit kikojom ki'u' as, xexuki'ik xaq xkiqajsaj kipalaj k'a chwach ulew.

JEREMÍAS 7:20

Rumali Yin, chi in Ajwal, lik qatzij kinb'ij chiwe chi kwesaj ronojel woywal che i k'ijib'al le xaq chke i winaq, xaq kwesaj ni woywal chke i konojel i chikop, chke i che' pa taq es xaq che ronojel i tikon. Keje na pacha jun a' chi lik kchup taj.

JEREMÍAS 15:6

Yet xinawo'taj kanoq, xaya kan uchel awij chwe. Yin in Ajwal, xinb'iw ile. Rumali Yin, lik in kosnaq chik che unimal ink'ux, xinyak in-ab' chuya'ik utojb'alil pawi, lik xinsach awach.

JEREMÍAS 21:5

Xaq lik yin na kin-an ni ch'oj chiwij yix, ru' i nim laj cho'ab' xaq ru' nim laj oywal.

JEREMÍAS 38:23

I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

Ezequiel 35:3

Chab'ij che: Iri are kub'ij i Ajwal: Yin lik kinsaqij chawe chi lik in ajch'oj chawij, jyub' Seír, xaq kinya ni utojb'alil amak, kin-an ni jun tz'inilik jyub' chawe chi xaq wulijnaq.

Miqueas 2:4

Che taq i ij le kixb'ixax ni ru' i b'ix re o'ej. Kb'ix ni chiwe: Lik xsachsax qawach qonojel; i qatinimit, are i Ajwal rajaw, lik jalwachim i rajaw xaq lik mijun k-atiwik; ni'pa taq qulew lik jachtal chkiwach i je ajch'akanel chqij.”

SOFONÍAS 1:4

“Kinrip nu b'i in-ab' chrij i tinimit Judá xaq chkij konojel i je jeqel pa tinimit Jerusalén. Kinchup nu b'i uwach che i k'ijib'ali ronojel ni'pa kkuxtaw ub'i i saqil ti laj dios Baal, xaq keje ile kin-an chke i kib'i i je ajsujul sipon.

Lamentaciones 5:2

Ronojel wach o te'eq qu' wo'or is o pki'ab' aj naj; wo'or i qachoch o pki'ab' i winaq chi qeta'am ti kiwach.

Ezequiel 7:24

Yin kin-an na chi kek'un itzel laj taq winaq xaq kki'an ni ke che ni'pa i ja chi o pa tinimit. Kinqajsaj ni ki'ij ni'pa i nimaq ki'ij, kin-an ni che kk'ijib'al chi lik o u'ij kumal ike, kqaj u'ij.