JEREMÍAS 52:9 - Wuj Pa K'ubultzij

⁹ I aj Caldea xkichap b'i ajawinel, te'uri xkik'am b'i chwach i ajawinel aj Babilonia chi o pa Ribla, che i ulew Hamat. Chila i ma Nabucodonosor xu'at tzij xaq lik xuya utojb'alil che ma Sedequías.

JEREMÍAS 52:9 Referans Kwoze

JEREMÍAS 39:5

Xwiri i achiyab' chi je yij che i ch'oj aj Caldea xeterej b'i chkij, xekimaja ma Sedequías chwa ta'aj re i Jericó. Xkichapo, te'uri xkik'am b'i chwach i ajawinel ma Nabucodonosor chi o pa Ribla, che i ulew Hamat. Chila ma Nabucodonosor xu'an i atb'al tzij. Xuwor pkiqul i rak'al ma Sedequías chila Ribla lik chwach ire x-an wi chke, xaq keje ile xu'an chke konojel i winaq chi nimaq ki'ij je aj Judá.

NÚMEROS 13:21

Are uri xe'e achiyab' chrilik i ulew le, lik xkitaqej na'al upam i tinimit, xkijeq li pa tz'inilik jyub' chaqij Zin chila pa wiqab', xkitanb'a rilik k'a Rehob, chila pa moxab' chutzal i okb'al re i Hamat.

2 Reyes 25:6

I aj Caldea xkichap i ajawinel ma Sedequías, te'uri xkik'am b'i chwach i ajawinel aj Babilonia, chi o te chila pa tinimit Ribla, chi ukwenta ulew Hamat. Chila ma Nabucodonosor xub'ij wach utojb'alil kya' che ma Sedequías.

JOSUÉ 13:5

xaq k'amaja kamaj kan kulew i je aj Giblita, xaq ronojel i jyub' Líbano chila prelb'al ij, kjeqan li uchi' pa Baal-gad chila chi raqan jyub' Hermón kupon k'a pa okb'al re i Hamat.

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

SEGUNDO LIBRO DE CR%D3NICAS 8:3

Te'uri x-e chu'anik ch'oj chkij i winaq aj Hamat chi ukwenta i tinimit Soba, xaq xuk'am kan i tinimit le.

2 Reyes 23:33

I ma faraón, chi ma Necao, xuya ti che ma Joacaz chi krajawinik, xumina prexil pa tinimit Ribla chi o chupam ulew Hamat, man keje ile krajawin ti pa tinimit Jerusalén. I ma Necao le xeutaq i tinimit chutojik alkawal chi are oxwinaq wajxaqlajujmo' (7,260) pexu saq-o'oj xaq oxlajuj oxwinaq (73) pexu an-o'oj.

1 Reyes 8:65

Che taq i ij le, i ma Salomón xu'an jun nima'ij junam ku' konojel aj Israel, lik je k'i xemoltajik, k'unnaq kichi' che i okb'al che i tinimit Hamat, uponnaq k'a chi raqana Egipto; xki'an i nima'ij ke i mujb'al re es, ile xuch'ij wuqub' ij kojb'al u'ij i Qajwal Dios. Xaq xki'an jun chik nima'ij chi xuch'ij chik wuqub' ij, ke'eloq chi kajlajuj ij xuch'ij ronojel i nima'ij le.

NÚMEROS 34:11

kel chik uchi' ulew chila pa Sefam, kupon k'a pa Ribla prelb'al ij che Aín, te'uri kqaj b'i prelb'al ij che i semelik ya chi Cineret ub'i.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

Lamentaciones 4:20

Lik xtzaq prexil i jun chi u'ulum i Ajwal, chi are kuya te'eq quxlab' re qak'aslemal, are i ajawinel chi xqab'ij te'eq chiwe: “Chi lik che umujal kojtotaj wi chkixol i tinimit.”

Ezequiel 11:10

Kixkam ni rumal i ch'ich' chi k'ulala o uware. Yin kin-at ni tzij piwi yix chuchi' taq ulew re Israel, te'uri kiwetamaj na chi Yin in Ajwal.

Ezequiel 23:24

Kek'un ni chu'anik ch'oj chawij ru' k'iyal taq ch'ich' xaq k'iyal taq achiyab' chi je yij che i ch'oj; lik xaipa kkisutij ni awij, achiyab' le lik kuk'am kich'ojb'al, tob'al kijolom xaq i tob'al ib', i yin lik kinya ni chke chi kki'at tzij pawi, ike kki'at ni tzij pawi pacha kub'ij i ki'atb'al tzij.