JEREMÍAS 52:8 - Wuj Pa K'ubultzij

⁸ Xwiri i achiyab' chi je yij che i ch'oj aj Caldea xeterej b'i chrij i ajawinel ma Sedequías, k'a chwa ta'aj Jericó xekimaja wi. Konojel i achiyab' chi je yij che i ch'oj chi je re ma Sedequías xko'taj kanoq xaq xkikichersaj b'i kib'.

JEREMÍAS 52:8 Referans Kwoze

JEREMÍAS 38:23

I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

JEREMÍAS 34:21

Xaq kin-an na chi ma Sedequías, chi ajawinel re i tinimit Judá, xaq i je rajpatanib' ketzaq ni pki'ab' i ajch'oj chi kekamsanik, xaq ktzaq ni pki'ab' i achiyab' chi je yij che i ch'oj re i ajawinel aj pa Babilonia, chi wo'or nti ch'oj kki'an chkij.

JEREMÍAS 32:4

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 39:5

Xwiri i achiyab' chi je yij che i ch'oj aj Caldea xeterej b'i chkij, xekimaja ma Sedequías chwa ta'aj re i Jericó. Xkichapo, te'uri xkik'am b'i chwach i ajawinel ma Nabucodonosor chi o pa Ribla, che i ulew Hamat. Chila ma Nabucodonosor xu'an i atb'al tzij. Xuwor pkiqul i rak'al ma Sedequías chila Ribla lik chwach ire x-an wi chke, xaq keje ile xu'an chke konojel i winaq chi nimaq ki'ij je aj Judá.

JEREMÍAS 37:18

I ma Jeremías xutz'onoj che i ajawinel ma Sedequías: —¿Wach inmak chawe, wach inmak chke awajpatanib' xaq wach inmak che i tinimit man xinimin taq prexil?

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.