JEREMÍAS 52:7 - Wuj Pa K'ubultzij

⁷ Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.

JEREMÍAS 52:7 Referans Kwoze

JEREMÍAS 51:32

I ajch'oj chrij xk'iji che ik'awb'al chke i raqana, xunak' a' chke i k'ijib'al re tob'al ib', i achiyab' chi je yij che i ch'oj lik xkixij kib'.

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

JEREMÍAS 49:26

Che i ij le kekanaj ni kan i kak'al chi je alab'om xaq altom, lik je jab'ernaq ni kan pa taq b'e, xaq konojel i kajch'oj chi are i achiyab' chi je yij che i ch'oj, kekam na. Yin in Ajwal, chi ronojel kintiki che, xinb'iw ile.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

JEREMÍAS 39:2

Che i b'elejeb' ij, che ukaj ik', che julajuj junab' re rajawinik ma Sedequías, i achiyab' chi je ajch'oj chkij, xe'ok b'i pa tinimit.

Ezequiel 12:12

I aj-atzil ke ike xaq kuk'am nu b'i ub'itaq re chwi uteleb', are kok equm kel nu b'i che i tel chi kki'an ni che i tapial. Xaq uch'uqum upalaj kel nu b'ik man mijun kril upalaj xaq mitene ire kril ti i tinimit.

Ezequiel 33:21

Che ujo' ij re ulajuj ik' re i kab'lajuj junab' re qelsaxik b'ik pa cho'ab' chwach qulew, jun achi chi anmajnaq li pa Jerusalén, xk'unik i xulap chwe chi i tinimit xtzaq pki'ab' i ajch'oj chrij.

AMÓS 4:3

Itususem iwib' kixel nu b'i pa taq ch'ut b'e, i kixk'aq ni chila che i jyub' Hermón.” I Ajwal xub'ij ile.

JEREMÍAS 6:5

¡Chqa'ana ch'oji chkij cha'ab', xaq chqawulijsaj i kitak' taq ja!”

Ezequiel 12:4

Lik pa'ij chkiwach konojel, kawesaj b'i ub'itaq awe pacha taq are katelsax b'i pa cho'ab' chwach awulew; che uqajb'al ij katel b'ik xaq chkiwach konojel katel nu b'ik pacha taq katelsax b'i pa cho'ab' chwach awulew.