JEREMÍAS 52:6 - Wuj Pa K'ubultzij

⁶ Che i b'elejeb' ij, re ukaj ik', che i junab' le xk'iyar i wa'jal pa tinimit, i winaq lik nti chik o ku' re kkitijo.

JEREMÍAS 52:6 Referans Kwoze

JEREMÍAS 39:2

Che i b'elejeb' ij, che ukaj ik', che julajuj junab' re rajawinik ma Sedequías, i achiyab' chi je ajch'oj chkij, xe'ok b'i pa tinimit.

ISAÍAS 3:1

¡Lik chita ub'e! I Ajwal chi ronojel ktiki che, kresaj ni tinimit Jerusalén xaq i Judá pi'ab', xaq ronojel ni'pa i b'eyomal xaq ronojel ni'pa iwa xaq iya'.

JEREMÍAS 38:9

—Nim laj ajawinel, i achiyab' le lik utz ti xki'an che ma Jeremías. Man xkimin chupam jun k'otom chaqij, xaq chila kkam ni rumal i numik man nti chik wa re trigo pa nim laj tinimit.

2 Reyes 25:3

Che i b'elejeb' ij re ukaj ik', che i junab' le, lik mas i numik xpe pa nim laj tinimit, i winaq lik nti chik o ku' re kkitijo.

ZACARÍAS 8:19

“I umayixik wa'im re utz'onoxik che i Ajwal re i ukaj ik', re ujo' ik', re uwuq ik', xaq re i ulajuj ik' lik keu'on na re kikotemal, chi lik nima'ij re kikotemal re umuq uxikin i ma Judá. ¡Yix lik k'ax china i saq laj tzij xaq i chomb'al ib'!”

Ezequiel 14:21

Yin in Ajwal, kinb'ij: Lik mas xib'in ib' ru', are kintaq b'i chrij i tinimit Jerusalén kajib' utojb'alil kimak, chi are iri: Ch'oj, wa'jal, itzel laj taq chikop xaq i yob'il chi keukamsaj i winaq xaq i chikop.

Ezequiel 7:15

Chisaq o i ch'oj, pa ja o yob'il xaq numik. Ni'pa i je o pa taq es kekam ni rumal i ch'oj, ni'pa i je o pa tinimit kekam ni rumal numik xaq rumal i yob'il.

Lamentaciones 5:10

I qatz'umalil lik kjuluwik pacha jun orno, rumal i a' tew chqij chi are i numik k-anaw chqe.

JEREMÍAS 25:10

Kin-an ni chke chi chkixol ike le ktataj ti chik i b'ix re i nima'ij xaq nti chik kikotemal, xaq ktataj ti chik i b'ix re k'ulankil, xaq uch'awb'al i ka' re i ke'em, xaq k-iltaj ti chik i a' re i tzuk'b'al.

JEREMÍAS 21:9

I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.

JEREMÍAS 19:9

Kin-an na chi i winaq kkitij ni kak'al alab'om xaq i altom, xaq lik kkitij ni kib' chkiwach rumal i b'isb'al laj wa'jal chi xemin chupam kumal i je ajch'oj chkij, man xetz'apix chupam i kitinimit.

JEREMÍAS 15:2

Xaq we kkitz'onoj chawe ipa ke'e wi, chab'ij iri chke pink'exel yin: Ni'pa i ch'iktal chik kij chi kekam rumal itzel laj taq yob'il, lik rumal uri itzel laj taq yob'il le kekamik; xaq ni'pa ch'iktal chik kij chi kekam pa nimaq taq ch'oj; lik pa nimaq taq ch'oj uri kekam wi, ni'pa ch'iktal chik kij chi kekam rumal i wa'jal; lik rumal i wa'jal uri kekamik, ni'pa ch'iktal chik kij chi ke'elsax b'i pa cho'ab' chwach kulew, lik pa cho'ab' uri ke'elsax b'ik chwach kulew.

Deuteronomio 32:24

Kekam ni rumal numik xaq rumal i a' tew chkij; jun nim laj yob'il kekamsaw na. Keintaq nu b'i jalajuj itzel taq chikop chkij xaq i b'enen laj taq kumatz.

LEVÍTICO 26:26

Xaq kin-an ni chiwe chi kixu'on ti wach i kitijo, man lajuj ixoqib' kkicha'saj ni i wa re trigo chupam jun orno, xaq kkiya ni iwe yix xwiri lik kixnoj taj.

JEREMÍAS 37:21

Are uri i ajawinel, chi ma Sedequías, xub'ij chi ma Jeremías kkanaj prexil chwaja ipa je o wi ajchajinelab' xaq ij ij kkik'am b'i jun ukaxlanwa chi kek'am chila che i b'e ke i aj-anol kaxlanwa. Keje iri x-antaj na tz'aqat lik o kaxlanwa pa tinimit le. Keje uri ile chi ma Jeremías xkanaj kan chwaja ipa je o wi i ajchajinelab'.

Lamentaciones 1:11

Konojel i uwinaq lik ke'o'ik, xaq lik ketijin chutzukuxik wach kkitijo; xkiya kib'eyomal chwach i kiwa re kkitijo re kek'asi na. ¡Ajwal, chawila pe intzaqik puyej! ¡Chawila tob'al inwach chupam i k'ax chi in o wi!

Ezequiel 5:16

Yin kin-an na chi kpe i numik piwi yix, pacha i ch'ab' chi kekamsanik. Qatzij, kin-an ni chiwe kpe i k'ax piwi sachb'al iwach, numik xaq i wa'jal.

Ezequiel 14:13

We jun nim laj tinimit kmakun chinwach Yin xaq kkojon ti chwe, Yin lik kinyak ni in-ab' puwi re yab'al utojb'alil umak, xaq kinya ti chik che ni'pa i rajwaxik re kutijo; kintaq na li wa'jal puwi ire, xaq kin-an na chi kekam i winaq xaq i chikop.

Ezequiel 31:1

Che i nab'e ij re urox ik' che i junab' julajuj, i Ajwal xlapan wu' i xub'ij chwe: