JEREMÍAS 52:4 - Wuj Pa K'ubultzij

⁴ Che i lajuj ij re i lajuj ik' re i ub'elej junab' che i rajawinik ma Sedequías, i ajawinel ma Nabucodonosor xumaj b'i ub'e junam ku' konojel achiyab' chi je yij che i ch'oj, xe'e chu'anik ch'oj chrij i Jerusalén, lik xkisutij rij. Xe'uxlan pan chwach, xaq chrij chwach xki'an ral taq cholchol yoch re kelb'al b'ik are kki'an ch'oj chkij.

JEREMÍAS 52:4 Referans Kwoze

JEREMÍAS 39:1

Che ulajuj ik' re i ub'elej junab' re rajawinik ma Sedequías chila Judá, ma Nabucodonosor, ajawinel re Babilonia, junam ku' i achiyab' chi je yij che i ch'oj, xe'e chu'anik ch'oj chkij aj Jerusalén xaq xkisutij rij.

ZACARÍAS 8:19

“I umayixik wa'im re utz'onoxik che i Ajwal re i ukaj ik', re ujo' ik', re uwuq ik', xaq re i ulajuj ik' lik keu'on na re kikotemal, chi lik nima'ij re kikotemal re umuq uxikin i ma Judá. ¡Yix lik k'ax china i saq laj tzij xaq i chomb'al ib'!”

JEREMÍAS 52:7

Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.

JEREMÍAS 32:24

Rumali wo'or i aj Caldea, ki'anom elb'al b'ik anb'al ch'oj chrij i nim laj tinimit. I nimaq taq ch'oj, wa'jal, xaq i itzel laj taq yob'il, kki'an na chi ronojel i nim laj tinimit ktzaq pki'ab' i je ajch'oj chkij. Ajwal, Yet kawilo chi ktijin u'antajik ronojel ni'pa i ab'im.

Lucas 21:20

Are kiwilo chi sutim chik rij i tinimit Jerusalén kumal i achiyab' chi je yij che i ch'oj, chiwetamaj uri chi juntir kwulijsax na.

Lucas 19:43

Ya kuriq i ij chi kitij ni uyej. I ajch'oj chiwij kkikoj ni tapial chrij itinimit man keje ile nti chik ipa kixel wi. Te'uri kkisutij ni iwij re kki'anb'ej ch'oj chiwij.

Ezequiel 21:22

Che u'ab' wiqab'im xel wi ch'ab' chi kuk'ut pa Jerusalén, ile ke'eloq chi ku'an ch'oj chrij ru' ch'ojb'al xaq taqanik che i kamsanik, sik'inik re i ch'oj, keuwulijsaj uchija, kyijb'ax jun elb'al b'ik keje ile kkisutij rij ronojel.

ISAÍAS 29:3

Keintaq nu b'i inwinaq chi je yij che i ch'oj man kkisutij awij, kinsutij ni awij ru' jun ko laj koral, xaq kinyak ni tak'taq ja anb'al ch'oj chawij.

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

Ezequiel 26:8

Lik ru' uware ch'ich' chi k'ulala o uware keukamsaj ral taq atinimit chi naj je o wi che i mar; kuyak ni jun tapial chawij chawach, kuyak ni k'iyal taq anb'al re anb'al ch'oj chawij, xaq keutaq b'i i achiyab' chi je yij che i ch'oj chawij, lik kuk'am b'i kitob'al kib'.

Ezequiel 33:21

Che ujo' ij re ulajuj ik' re i kab'lajuj junab' re qelsaxik b'ik pa cho'ab' chwach qulew, jun achi chi anmajnaq li pa Jerusalén, xk'unik i xulap chwe chi i tinimit xtzaq pki'ab' i ajch'oj chrij.

Ezequiel 40:1

Che i ij lajuj re i ik', chi are i ij re i k'ak' junab', i Ajwal xuya u'ab' pinwi, i che jun k'utik rib' pinwach xinu'atsaj che i jyub' Israel. Ya ktz'aqat i jo'ob' juwinaq (25) junab' chi xojk'am b'i pa Babilonia, xaq o chik kajlajuj junab' che are xchaptaj i tinimit Jerusalén. Che i jyub' Israel, i Ajwal xinuya puwi jun jyub' lik naj uwi; i chila loq, xintzun b'i pa wiqab', ipa xwil wi uk'iyal taq nimaq ja chi pacha ktzun jun tinimit.

JEREMÍAS 4:17

Kkisutij ni rij i Judá pacha uchajixik ulew re i tikanb'al, man xuyak rib' chu'anik ch'oj chrij i Ajwal. Yin in Ajwal, xinb'iw ile.

Ezequiel 21:27

Ronojel kin-an che chi kewulijik, wulijnaq chik xaq kwulij mas. Xwiri iri xwi k-antaj na are kk'un i jun chi intaqom li Yin, chi inya'om chuqul chi ku'an i atb'al tzij.