JEREMÍAS 51:7 - Wuj Pa K'ubultzij

⁷ I tinimit Babilonia are te'eq jun tu'b'al an-o'oj pin-ab' Yin chi lik ke'u'ab'arsaj konojel winaq chwach i jyub' ta'aj. I nimaq taq tinimit kkitu' te'eq uwa'al uva muqb'am le xaq lik ksach kinojb'al.

JEREMÍAS 51:7 Referans Kwoze

Apocalipsis 14:8

Xk'un chik jun ángel chrij i jun le, i xub'ij: “¡Ya xqaj u'ij i nim laj tinimit chi ajch'oj chrij i Dios, chi are i tinimit Babilonia! ¡Ya xsachsax uwach i tinimit le chi xuk'ut chke konojel i nimaq taq tinimit chu'anik kimak xaq che i kojonik chke i tiox chi xaril je antalik.” Xub'ij i ángel.

Apocalipsis 17:4

I ixoq le lik uwiqom rib' ru' u'u' chi k'iyal taq utzunb'al, o i kaq che; xaq o i kaqkoj che pacha kaqxar. Xaq lik uwiqom rib' ru' b'iroxik chi an-o'oj, chomiq taq ab'aj xaq i perla. Xaq o jun tu'b'al pu'ab', lik an-o'oj. Xwiri i tu'b'al le, nojnaq che i utz taj, xaq che i ch'am taj chi petnaq che uch'akik umer chwach uch'akul.

Apocalipsis 18:3

Konojel i tinimit re uwach i jyub' ta'aj xe'ab'ar che i uwa'al uva muqb'am chi usujum i tinimit le chke; i uwa'al uva muqb'am le xa are i utz ti laj taq rayijb'al re i tinimit. I ajawinelab' re uwach i jyub' ta'aj ki'anom i utz taj chwach i Dios ru' i tinimit le; keje pacha achiyab' chi kki'an i utz taj ru' jun ixoq chi kuch'ak umer chwach uch'akul. I je ajk'ay re uwach i jyub' ta'aj lik xeb'eyomarik rumal uk'iyal urayijb'al i tinimit Babilonia.” Keje ile xub'ij i ángel chwe.

Apocalipsis 17:2

I je ajawinelab' re uwach i jyub' ta'aj ki'anom i utz taj chwach i Dios rumal i tinimit le; xe'eloq pacha kki'an i achiyab' ru' jun ixoq chi kuch'ak umer chwach uch'akul. Ni'pa i winaq re uwach i jyub' ta'aj ki'anom i utz taj junam ru' i tinimit le; xe'eloq pacha xe'ab'ar che i uwa'al uva muqb'am chi uya'om ire chke.” Keje ile xub'ij i ángel chwe.

Daniel 2:32

I ujolom i k'exwach le lik re an-o'oj saqil; i uwach uk'ux xaq i uteleb' lik saq-o'oj; i upam xaq uwi taq ra' lik anch'ich';

Apocalipsis 19:2

man Ire lik pusuk' ku'at tzij, lik saq laj tzij u'atik ku'ano. Suk'ul i u'anom, man uya'om i nim laj tinimit pa tojpen, chi xeunawsaj ronojel uwach i jyub' ta'aj che i utz taj. I Dios xuya i tinimit le pa tojpen man xeukamsaj i je rajpatan Ire.” Keje ile xesik'in chub'ixkil.

Apocalipsis 18:23

Lik ronojel ij ktzun ti chik i a' re i kantil awu', xaq ktataj ti chik jun nima'ij re i k'ulankil. Man i awajlo'onelab' xaq awajk'ayinelab' lik nim te'eq ki'ij chwach i jyub' ta'aj, xaq xeat'or i winaq re ronojel i nimaq taq tinimit rumal i itz chi xakoj chkij.”

Daniel 2:38

xaq i rajawinik pkiwi konojel i k'ijib'al chi je o winaq chwach, chikop, xaq i tz'ikin; Ire lik uya'om ronojel pa'ab' yet, Nim laj Winaq, chi at are i jolomaj an-o'oj.

JEREMÍAS 50:38

¡I ch'oj chkij raqana: Chechaqijoq! Man i tinimit Babilonia lik are jun tinimit chi k'i utiox je olik chi xaril je antalik, i rumal ile xsach uno'oj.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

ISAÍAS 14:4

kab'ij ni chomalil tziji re uyo'yaxik i ajawinel re Babilonia, ¡Chiwila pe k'a ipa xeuk'isa wi i krajawin te'eq! ¡Chiwila pe k'a ipa xuk'isa wi i jun chi kukoj u'ij!

JEREMÍAS 13:13

Are uri yet kala' ni uwach chke: I Ajwal kub'ij: Kein-ab'arsaj konojel ni'pa je jeqel che i nim laj tinimiti, ajawinelab' chi kekub'i pukub'ib'al ma David chi o u'ij, ajsujul sipon, profeta xaq konojel ni'pa je jeqel pa Jerusalén.

Ezequiel 23:42

Xtataj i sik' ke uk'iyal taq winaq chi ketijin chu'anik nima'ij; je are i winaq chi je petnaq pa tz'inilik jyub' chaqij, chi kekiwiq ixoqib' ru' i wiqb'al re uqul ki'ab' xaq chomiq taq koron re jolomaj.