JEREMÍAS 51:60 - Wuj Pa K'ubultzij

⁶⁰ I ma Jeremías utz'ib'am te'eq jun tzijonik chupam jun wuj chrij ronojel i k'ax chi kpe puwi i tinimit Babilonia, chi are ronojel ni'pa tzib'tal chrij i tinimit.

JEREMÍAS 51:60 Referans Kwoze

JEREMÍAS 36:32

Are uri ma Jeremías xuk'am chik jun b'orom tz'um, xaq xuya che ma Baruc chi rajtz'ib', xutz'ib'aj ronojel wach xub'ij ire che, ke'eloq chi kutz'ib'aj ronojel wach utz'ib'am te'eq chupam i b'orom tz'um chi xuk'at ma ajawinel Joacim. Ma Jeremías xuya b'i uwi i tzij chi laj xaqjun ke'eloq.

ISAÍAS 30:8

Chatpet wo'or xaq cholatz'ib'aj chwach jun tz'alam xaq chupam jun b'orom tz'um man kkanaj kan chila ronojel ij saq pacha jun kuxtab'al chi ksach ti uwach.

Apocalipsis 1:19

Chatz'ib'aj ut, wach kattijin chrilik; kin-aljinsaj ni chawe wach ktijin u'anik wo'or, xaq wach i kpe na.

Apocalipsis 1:11

I ch'awb'al le keje iri xub'ij: Chatz'ib'aj chwach jun wuj wach i kawilo, te'uri chataqa b'i ku' i wuqub' tzob'ajil re i Dios pa ulew Asia: Chataqa b'i chke i je o pa tinimit Éfeso, pa tinimit Esmirna, pa tinimit Pérgamo, pa tinimit Tiatira, pa tinimit Sardis, pa tinimit Filadelfia, xaq pa tinimit Laodicea;” xub'ij chwe.

Daniel 12:4

Xwiri yet, ma Daniel, chak'olo i tzij le ani'al xaq chatz'apij i wuj k'a kuriqa ni k'isb'al ij. Je k'i ni winaq kepe jewa xaq ke'e jela, re kkitzukuj uk'iyarsab'al kinojb'al.

JEREMÍAS 51:61

Xaq xub'ij che ma Seraías: “Are katupon pa tinimit Babilonia, lik chariqa u'anik are kawajlaj ronojel i tzijoniki.

JEREMÍAS 51:1

I Ajwal kub'ij: Kintaq nu b'i jun nim laj tew re kuk'is kiwach aj Babilonia xaq aj Caldea.