JEREMÍAS 51:6 - Wuj Pa K'ubultzij

⁶ ¡Chix-anmaj pa Babilonia! ¡Pachin ktiki che chuto rib'! ¡Mixkam taq rumal umak ire le! Iri lik are u'oril i woywal re u'anik uk'exel che, lik kinya ni utojb'alil pacha kmajaw che.

JEREMÍAS 51:6 Referans Kwoze

JEREMÍAS 50:8

¡Chixel chila Babilonia, lik chix-anmajoq chixel che kitinimit aj Caldea! ¡Chixel b'ik pacha taq ix aj-ok'al utzam chke taq i chij!

JEREMÍAS 50:28

I winaq chi xe'anmaj li pa Babilonia xeupon k'a pa Sion xaq kkilapo wach x-on i Ajwal, chi qa-Dios, chi xuya utojb'alil che i tinimit Babilonia, chi lik kmajaw che rumal i xu'an che i rachoch i Ajwal.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

JEREMÍAS 51:45

Intinimit, chat-el chila. ¡Lik chkijujunal chkito kik'aslemal chwach i nim laj woywal!

JEREMÍAS 25:14

Ketzaq ni pki'ab' nimaq taq tinimit xaq pki'ab' i ajawinelab' chi lik ko kiwach, keje ni uya'ik utojb'alil ile kin-an pkiwi, pacha kmajaw chke rumal i kimak.”

NÚMEROS 16:26

Are uri ma Moisés xub'ij chke aj Israel: —Chixel chila ipa o wi jub'an ja wu'wik k'ul ke i je utz ti laj taq winaq le, xaq miyin ub'itaq ke chke, man we kiyino, kixkam ni rumal kimak ike.

Apocalipsis 16:19

I nim laj tinimit lik xraqch'ijik, xu'on oxib' tant. Ronojel i tinimit chwach i jyub' ta'aj xewulijik. I Dios xk'un chuk'ux uk'iyal makunik re i nim laj tinimit Babilonia; nim i roywal che, rumali, lik nim i tojpen xupetsaj puwi.

1 Timotéo 5:22

We kawaj kakoj jun che upatan chi ajk'amol utzam chke i jutzob'aj re i Dios, matk'achir la chu'anik; kok'ilal chawila pachin i utz chke. Man we kakoj la jun, moqxa ke'eloq xa ajmak laj winaq, xaq chaqul yet uri o wi umak ire. Rumali mattzaq chupam i utz taj.

JEREMÍAS 51:50

Yix, chi xixtotaj chwach i kamik, chix-anmajoq, lik mixtak'i che i anem, tupu are k'a naj chik ix o wi, chich'ob'o i Ajwal xaq chk'un chik'ux i tinimit Jerusalén.

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

JEREMÍAS 51:9

Ya xqakoj kunb'al che i tinimit Babilonia, xwiri lik xkuntaj taj. ¡Chiya kanoq! Jo'; chojel b'i chi, chqajujunal jo pqatinimit, man i kamik chi x-anik kupon k'a chikaj, kwalijik kupon k'a pa taq sutz'.

JEREMÍAS 50:31

I Ajwal chi ronojel ktiki che kub'ij: “Nim laj tinimit chi ka'an nim che awib', yin lik inya'om ti inwach awu'; lik ya xuriq i ij, xaq u'oril re kinya utojb'alil pawi.

ISAÍAS 48:20

Chixel pa tinimit Babilonia, chix-anmaj chkiwach aj Caldea. Chiya utzijol i tzijoniki ru' sik' re kikotemal, chiya retamaxik k'a chuchi' taq i jyub' ta'aj. Chib'ij: “¡I Ajwal ukirom ma Jacob chi rajpatan”!

JEREMÍAS 46:10

Iri are u'ij i Ajwal chi ronojel ktiki che, i iji are ku'anb'ej uk'exel i utz taj chke i rajch'oj chrij. I ch'ich' chi k'ulala o uware o pu'ab' i Ajwal i ku'an ni sokonik chke konojel ni'pa i keuriqo, lik k'a ko'on ni kaq rumal i uk'iyal kik'. Rumali i Ajwal chi ronojel ktiki che ku'an jun nim laj kamik che i tinimit moxab' chunaqaj i raqana Éufrates.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 25:16

Are kkitu' ile kkijeq ni xab'ik rumal, xaq ke'on ni pacha ch'uj rumal i nim laj ch'oj chi kintaq b'i yin chke.”

Proverbios 13:20

Jun we kerachi'ilaj i o kino'oj, kuriq ni uri uno'oj, xwiri i jun we kerachi'ilaj i je b'uy laj taq winaq, ktzaq ni uri chupam i utz taj.

Deuteronomio 32:43

¡Nimaq taq tinimit, chixkikot ru' utinimit i Dios,! Ire ku'an ni uk'exel chke ajch'oj chi xekamsaw i je rajpatan, lik ku'an ni uk'exel chke ajch'oj chkij xaq kukuy ni kimak utinimit chila ipa je o wi pa kulew.

Deuteronomio 32:41

are kin-an uware inch'ich', are kinjeq u'anik i atb'al tzij, are uri kin-an ni uk'exel chke ajch'oj chwij, xaq kinya ni utojb'alil chke i tzel kinkilo.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

ISAÍAS 63:4

Yin xinch'ob'o chi kuriqa ni jun ij kin-an i suk'ul laj atb'al tzij; i ya xuriq i ij chi keinkir intinimit.

JEREMÍAS 48:6

¡Chix-anmajoq! ¡Jun we ktiki'ik, chuto rib'! ¡Chi'ana che iwib' pacha i lokej pa tz'inilik jyub' chaqij!

JEREMÍAS 51:36

I Ajwal kub'ij: “Yin kin-an ni atb'al tzij chawe, kin-an ni uk'exel chke i ajch'oj chawij. Lik keinchaqijsaj i raqana xaq i ralaxb'al taq ya re i tinimit Babilonia,

JEREMÍAS 51:56

Xek'un chusachsaxik uwach i tinimit Babilonia; xaq chkichapik i achiyab' chi je yij che i ch'oj xaq lik xki'an ch'aqa taq che i k'aqb'al kich'ab'. Man i Ajwal lik are jun Dios chi lik chkijujunal kuya utojb'alil chke pacha kmajawik.

Lamentaciones 3:64

Ajwal, chaya utojb'alil chke, chaya chke pacha kmajaw che i kki'ano.

Salmos 94:1

¡Chak'utu awib', Ajwal Dios, chi at Dios re u'anik uk'exel chke i winaq chi kki'an i utz taj!