JEREMÍAS 51:51 - Wuj Pa K'ubultzij

⁵¹ Yix kib'ij: “Kqana i k'ixb'alil are kqata wach i utz ti laj taq tzij chi kkib'ij chqij. I uqajsaxik qa'ij k-aljin che i qapalaj, man i winaq aj naj je oknaq chupam i k'ijib'al chi lik ch'am prachoch i Dios.”

JEREMÍAS 51:51 Referans Kwoze

Lamentaciones 1:10

I ajch'oj lik u'anom re che i b'eyomal pa tinimit Jerusalén. I tinimit lik xeril i winaq chi kkikoj ki'ij i jub'an chik dios, lik ko kiwach xe'ok b'i pa lo'laj k'ijib'al re i Ajwal, ¡Ajwal, yet xab'ij chi kawaj taj chi ke'ok b'i winaq le pa wachoch re molb'al ib'!

Salmos 79:4

I winaq chi je o chqij chqawach kojkiyo'ya, xaq to' oj ya'ol tzej chke.

Miqueas 7:10

Are uri i ixoq chi ajch'oj chwij lik kril na, i lik kk'ix ni che. Ire xub'ij te'eq chwe: ¿Ipa o wi Awajwal Dios? Xwiri wo'or lik kinkikot ni chrilik chi kya'yax ni uwi pacha xo'ol pa taq b'e.

Daniel 11:31

I uwinaq chi je yij che i ch'oj kkiqajsaj ni u'ij i rachoch i Ajwal xaq ronojel ukowil chi yawnaq ucho'ab', kkimayij ni uporoxik i sipon ij ij i puk'exel ile kkisujuj ni b'iroxik chi lik ch'am taj.

Ezequiel 36:30

Xaq kin-an na chi ni'pa taq i che' xaq i ulew kewachin mas, keje ile yix kixik'aw ti chik pa k'ixb'alil chkiwach i jub'an chik nimaq taq tinimit, rumal i numik.

Ezequiel 24:21

Chab'ij che i tinimit Israel: Iri are kub'ij i Ajwal: Kinqajsaj u'ij i wachoch, chi yix lik qus kiwil rilik xaq lik kiwaj, chi are kojb'al i'ij xaq are icho'ab'; imi'al ik'ojol yix chi xeikanaj kan pa Jerusalén kekamsax na.

Ezequiel 9:7

Te'uri xub'ij chik chke: “Jix prachoch i Ajwal chiqajsaj u'ij, chinojsaj uwaja i rachoch i Ajwal chke i kamnaq.” Ike xe'el b'ik xe'ok chkikamsaxik i winaq pa tinimit.

Ezequiel 7:18

Kkikoj ni ki'u' as k'utb'al re uk'axk'ol; ronojel kich'akul kb'arb'at na, are ke'ek i kipalaj kaqchinchoj u'anom rumal kik'ixb'alil xaq kisolom b'i kiwi che kijolom.

Lamentaciones 5:1

Lik chk'un chak'ux Ajwal, wach xqak'ulmaj; chojawila pe', chawila wach qayo'yaxik kki'ano.

Lamentaciones 2:20

Chawila Ajwal, chach'ob'o chi lik mijun a'anom keje ile che. ¿Xatab'a kkitij kak'al i chuchxelab' chi k'a ketz'umanik? ¿Xatab'a i je ajsujul sipon xaq i je profeta kekamsax taq chila pa lo'laj ak'ijib'al?

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 31:19

Yin injek'om te'eq wib' awu', xwiri xinjalwachij inno'oj xaq lik kinya wib' chupam inmak, xaq kinch'ay i wa' ru' in-ab'; lik kink'ix che xaq lik xqaj in-ij rumal inmak chi xin-an pwak'alil.”

JEREMÍAS 14:3

I b'eyomab' kekitaq b'i kitaqon chuk'amik ya; i je taqon le ke'e chi taq k'otom, xwiri i k'otom le is je chaqijnaq chik, rumali nti ya kkiriqo, lik nti upam kikukub' ketzalij loq, lik kb'ison kik'ux xaq lik kek'ix che, kkich'uq kipalaj ru' k'ul.

Salmos 109:29

¡Konojel i ajch'oj chwij lik chetzaq ni chupam i k'ixb'alil! Xaq chech'uq ni rumal i k'ixb'alil le pacha taq jun k'ul.

Salmos 79:12

Ajwal Dios, cha'ana ni wuqmul uk'exel chke i winaq chi je o chqij chqawach rumal i yo'yanik chi ki'anom chawe;

Salmos 79:1

¡Ajwal Dios, i tinimit chi kkikoj ti a'ij xkiya kib' chwach awulew! ¡Xkiqajsaj u'ij i lo'laj awachoch, xaq xkiwulijsaj i tinimit Jerusalén!

Salmos 71:13

¡Lik chya' ni kik'ix, xaq chchup ni kiwach i je ajch'oj chrij ink'aslemal! ¡Xaq lik cheya' ni pa k'ixb'alil ni'pa i kkaj u'anik i utz taj chwe!

AMÓS 7:9

I lo'laj k'ijib'al re i ma Isaac kewulijsax na; xaq keje i k'ijib'al ipa kkikoj wi ki'ij i kitiox aj Israel kewulijsax na. ¡Kinwalij ni ru' ch'ich' chi k'ulala o uware chkij i ralk'uwal i ma Jeroboam!

Miqueas 6:16

Man xa at teren chrij utaqanik xaq i wach taq ku'an i ma Omri xaq i ralk'uwal i ma Acab, xaq are ka'ano pacha kki'an ike. Rumali Yin kin-an ni chawe yet xaq chke awinaq jun utz ti laj k'ulmanik re xib'rikil xaq re yo'yanik, i k'ixb'alil re intinimit ktzaq ni pawi yet.”

Salmos 89:46

Ajwal Dios, ¿K'a junpa nawi kamayij ile chi kawuwaj awib' chinwach? ¿K'a junpa nawi kamayij ile chi lik kjuluw awoywal chwe pacha i a'?

ISAÍAS 13:1

Tzijonik re i Ajwal chkij aj Babilonia, chi xya' retamaxik che ma Isaías chi uk'ojol ma Amoz.

ISAÍAS 14:1

Saq laj tzij, i Ajwal kril ni tob'al uwach ma Jacob. Te'uri kekanaj chik aj Israel pu'ab' chi je u'ulum, xaq ku'an ni chke aj Israel le chi ketzalij chik pa jeqelem chwach i kulew. I winaq je aj naj ketejeb' ni ku' ike, kki'an ni junam che kib' ru' utinimit ma Jacob.

ISAÍAS 21:1

Tzijonik re i Ajwal chrij i tz'inilik jyub' chaqij: Pacha jun tew jab' chi kpe pa wiqab'im, kpe pa tz'inilik jyub' chaqij chi are jun k'ijib'al xib'in ib'.

ISAÍAS 47:1

Chatqaj loq, at apoj laj tinimit Babilonia, chi k'amaja awachijil, xaq chatkul puk'aj ulew; chatqaj loq chawo'taj kan akub'ib'al chi o u'ij, apoj laj tinimit Caldea xaq chatkul pulew, man ya kkib'ij ti chik chawe ch'u' xaq chom.

JEREMÍAS 25:26

Chke konojel i ajawinelab' je aj pa moxab', chi je aj naqaj xaq we naj je o wi. Ke'eloq chi konojel i ajawinelab' chwach i jyub' ta'aj. Pa k'isb'al re kutu' ni ajawinel aj Babilonia.