JEREMÍAS 51:48 - Wuj Pa K'ubultzij

⁴⁸ I kaj xaq i ulew xaq ronojel ni'pa i o chwach kekikot na are ktzaq i tinimit Babilonia, are kek'un i ajsachsanel ke pa moxab'. Yin in Ajwal, xinb'iw ile.

JEREMÍAS 51:48 Referans Kwoze

Apocalipsis 18:20

Yix, ix aj chikaj chixkikotoq rumal wach k-an ni che i tinimit le. Chixkikot ni yix ix apostolab', xaq keje yix chi ix profeta, xaq keje yix iwonojel chi ix re Ire. I Dios kuya ni tojpen puwi i tinimit le rumal wach u'anom chiwe yix.

ISAÍAS 44:23

¡Kaj, chatsik'in rumal i kikotemal, rumal i u'anom i Ajwal! ¡Nimaq taq siwan re uwach ulew, chib'ixaj i b'ix! ¡Nimaq taq jyub' xaq i k'achelaj ronojel ni'pa i che' chi o chwach, lik chixsik'in rumal i kikotemal, man i Ajwal uk'utum u'ij uchomal, ktijin chkitorik aj Israel, chi je utinimit ma Jacob!

JEREMÍAS 50:3

Man pa moxab' kel b'i jun nim laj tinimit chu'anik ch'oj chrij, chi lik ku'an ni jun tz'inilik jyub' che utinimit. Lik mijun winaq xaq mijun chikop kek'asi chik chila, lik konojel ke'anmaj na.

ISAÍAS 49:13

¡Kaj, chatsik'in ru' kikotemal! ¡Ulew, lik chatkikotoq! ¡Jyub', chixsik'in ru' kikotemal! Man i Ajwal ukub'sam uk'ux utinimit, rilom tob'al uwach are o pa k'ax.

ISAÍAS 48:20

Chixel pa tinimit Babilonia, chix-anmaj chkiwach aj Caldea. Chiya utzijol i tzijoniki ru' sik' re kikotemal, chiya retamaxik k'a chuchi' taq i jyub' ta'aj. Chib'ij: “¡I Ajwal ukirom ma Jacob chi rajpatan”!

JEREMÍAS 50:41

Lik k'a naj che i ulew pa moxab', jun nim laj tinimit chi ronojel ktiki che, xaq lik je k'iyal taq rajawinelab' kkiyijb'a kib' re kepe pa ch'oj.

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

Proverbios 11:10

I utz laj taq winaq are ke'el chisaq, kkikot i tinimit, are kekam i utz ti laj taq winaq lik kesak'lin ni winaq chikaj rumal kkikotemal.

JEREMÍAS 51:56

Xek'un chusachsaxik uwach i tinimit Babilonia; xaq chkichapik i achiyab' chi je yij che i ch'oj xaq lik xki'an ch'aqa taq che i k'aqb'al kich'ab'. Man i Ajwal lik are jun Dios chi lik chkijujunal kuya utojb'alil chke pacha kmajawik.

Ezequiel 35:14

Iri kinb'ij Yin in Ajwal: Ronojel uwach i jyub' ta'aj kekikot na are kinsach awach.