JEREMÍAS 51:44 - Wuj Pa K'ubultzij

⁴⁴ Kinya ni utojb'alil che i dios Bel pa Babilonia, kin-an ni che chi kuxab'uj na li utijom b'ik, xaq lik mijun chke i nimaq taq tinimit ktzalij chal chutzukuxik. ¡Ya xetzaq i tapial re Babilonia!

JEREMÍAS 51:44 Referans Kwoze

JEREMÍAS 51:58

Yin in Ajwal, chi Ronojel Kintiki Che, kinb'ij: I tapial chi nimaq uwach re i tinimit Babilonia, lik kewulijsax ni konojel, xaq i nimaq taq uchija kjuluw ni pa a'. Lik nti rajwaxik i kichak i nimaq taq tinimit chi xki'ano, man i kichak lik kk'at ni pa a'.”

JEREMÍAS 51:34

Kub'ij i Jerusalén, tinimit Sion: I ma Nabucodonosor, chi ajawinel re i tinimit Babilonia, xu'an ch'aqa taq chwe xaq xinutijo, xu'an kan chwe pacha jun laq chi nti chik upam. Xinub'i' b'ik pacha jun nim laj itzel chikop aj pa mar; lik xunojsaj upam che i chom laj tijawik re chwe. Ronojel i xk'is taj xuk'aq b'ik. ¡Wo'or chtzaq ni puwi i tinimit Babilonia uqajik in-ij xaq ronojel i k'ax chi xu'an chwe le! ¡Xaq lik chtzaq ni pkiwi i winaq aj Caldea kumal i winaq chi xinkikamsaj!

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

ISAÍAS 2:2

Pa k'isb'al taq ij lik kch'ik na pachike jyub' kriqtaj wi rachoch i Ajwal. Are ni i jyub' chi lik mas naj rij, chi lik mas naj rij chkiwach ni'pa i jub'an chik jyub'. Konojel ni'pa i nimaq taq tinimit kek'un ni ru' ire.

Daniel 5:31

I ma Darío re i tinimit Media xuya rib' puwi i ajawinik. Ma Darío o keb' oxwinaq (62) junab' che.

Daniel 5:26

ile are kraj ub'ixkil iri: MENE: I Dios upajom u'ijlal i ajawinik awe yet, Nim laj Winaq, xaq uk'utum chawe chi kk'is na;

Daniel 5:19

Ni'pa taq xya' che chi ktiki che, konojel ni'pa i winaq pa taq tinimit, nimaq taq tinimit xaq i ch'ab'al lik kekojon che xaq lik kesiksat chwach Ire. Ire kukamsaj xaq kuya uk'aslemal pachin che kraj Ire; o jujun kuyak ki'ij xaq jub'an chik kuqajsaj ki'ij.

Daniel 4:22

i che' le are yet, Nim laj Winaq, chi lik at k'iynaq xaq nim a'ij. I unimal a'ij yet, Nim laj Winaq, lik k'iynaq chi lik kupon unimal k'a chikaj, xaq i ajawinik lik enaq puwi ronojel i jyub' ta'aj.

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 3:29

Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

JEREMÍAS 51:53

Tupu i tinimit Babilonia kel b'i k'a chikaj re kukoj u'ij xaq kukub'a li ucho'ab' chila, lik nti k-ono man k'a chila na kintaq nu b'i i ajch'oj chrij re kusachsaj uwach. Yin in Ajwal, xinb'iw ile.”

JEREMÍAS 51:47

Lik keje uri ile, kuriq ni ij chi kinya utojb'alil chke i tiox chi xaril je antal pa tinimit Babilonia, ronojel i tinimit kqajsax ni u'ij xaq knoj ni uwach che kich'akul i kamnaq.

JEREMÍAS 51:18

ile xa je b'iroxik chi nti ki'ij, xa ktze'ex kipalaj, man i Ajwal, kusachsaj ni kiwach are ku'at tzij.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

ISAÍAS 60:5

Yet, are keawilo lik katkikot na, awanima lik kuna ni i nim laj kikotemal; i tinimit je aj chi taq mar kkik'am na li i b'eyomal chawe, xaq kkijach ni i b'eyomal le chawe ke i nimaq taq tinimit.

SEGUNDO LIBRO DE CR%D3NICAS 36:7

I ma Nabucodonosor le xuk'am b'i keb' oxib' che i chapanb'al re i rachoch i Ajwal, xuya prachoch ire chila pa Babilonia.

ISAÍAS 21:9

Are uri xwil jun kareta charem kumal keb' kaway.” Are uri o jun keje iri xub'ij: ¡Xtzaqik, xtzaq i tinimit Babilonia! Ronojel ni'pa uk'exwach taq kitiox xetzaq pulew, lik xe'on ch'aqa taq.

Job 20:15

Kuxab'uj li ronojel i b'eyomal chi rel-am, are i Dios kelsaw li che upam.