JEREMÍAS 51:4 - Wuj Pa K'ubultzij

⁴ Che ronojel i tinimit ke aj Caldea i winaq kejab'i ni kan xol taq b'e,

JEREMÍAS 51:4 Referans Kwoze

JEREMÍAS 49:26

Che i ij le kekanaj ni kan i kak'al chi je alab'om xaq altom, lik je jab'ernaq ni kan pa taq b'e, xaq konojel i kajch'oj chi are i achiyab' chi je yij che i ch'oj, kekam na. Yin in Ajwal, chi ronojel kintiki che, xinb'iw ile.

JEREMÍAS 50:30

Rumali iwak'al chi je k'ojolab' kekam ni xol taq b'e xaq konojel i achiyab' chi je yij che i ch'oj kekam ni che i ij le. Yin in Ajwal, xinb'iw ile.

ISAÍAS 13:15

Konojel ni'pa kkiya kib' chi keriqtajik lik kpil ni ch'ich' chke, konojel ni'pa kkiya kib' kechapik lik kekamsax na.

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

ISAÍAS 14:19

Xwiri yet, katk'aq nu b'i naj che i jul pacha taq uk'aqik i tz'il chi kch'ijaw ti ruxlab', pacha taq uch'akul jun kamnaq ya'yam uwi, chkixol i winaq chi je kamsam, worom pkiqul, je k'aqtal b'i pa jun nim laj siwan chi lik nim upam xaq k'i ab'aj chupam.

JEREMÍAS 51:53

Tupu i tinimit Babilonia kel b'i k'a chikaj re kukoj u'ij xaq kukub'a li ucho'ab' chila, lik nti k-ono man k'a chila na kintaq nu b'i i ajch'oj chrij re kusachsaj uwach. Yin in Ajwal, xinb'iw ile.”