JEREMÍAS 51:22 - Wuj Pa K'ubultzij

²² Katinchapb'ej re keinmutma i achiyab', ixoqib', rijab', k'ojolab', alab'om xaq altom.

JEREMÍAS 51:22 Referans Kwoze

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

ISAÍAS 13:18

Ru' kich'ab' kkiqajsaj ni k'ojolab' xaq i apojib'. Lik kkil ti tob'al kiwach i je noch' chi k'ate je alaxnaq xaq i ak'alab'.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

Lamentaciones 2:11

I o'ej lik kuk'is uwa'al inwach, kinna yin uwach ink'ux kraqkrijik; i ukowil ink'ux lik qajnaq are xwil usachik i nim laj tinimit ke inwinaq, are kewil ral taq ak'alab' chi k'a kkitij tz'um kekam rumal i numik xol taq b'e.

JEREMÍAS 6:11

I awoywal yet, Ajwal, u'anom chwe chi lik mi'naq woywal xaq kintiki ti chik chu'atixik.” I Ajwal xub'ij chwe: Chawesaj awoywal chke i alab'om aj pa taq b'e, chke i alab'om chi to' kkok'aj kib' pa taq tzob'ajil; xaq kekichap i winaq chi je k'ulanik, junam ku' i kixoqil xaq i rijab' chi k'iyal junab' chik o chke.

ISAÍAS 13:16

Lik chkiwach kexa' ni kak'al chwach ulew chi k'a je ch'utiq, lik kjok nu b'i upam kachoch chke xaq i kixoqil lik kechap ni pa cho'ab'.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

ISAÍAS 20:4

Xaq keje i ajawinel re i tinimit Asiria keuk'am nu b'i pa cho'ab' aj Egipto xaq i je aj Etiopía, tupu k'a je ak'alab' xaq we je rijab' chik, nti kixajab' xaq je ch'analik, lik kusanb'a li kitun chisaq re yab'al kik'ix.

ISAÍAS 13:15

Konojel ni'pa kkiya kib' chi keriqtajik lik kpil ni ch'ich' chke, konojel ni'pa kkiya kib' kechapik lik kekamsax na.

JEREMÍAS 44:7

Keje ile, Yin in Ajwal, chi ronojel kintiki che, chi ki-Dios aj Israel, kinb'ij: ¿B'uchak kik'am li piwi yix i utz taj chi lik nim? ¿B'uchak ki'ano chi kekam konojel i winaq re Judá, achiyab', ixoqib', ak'alab', xaq i k'ate je alaxnaq, man keje ile lik nti kekanaj kanoq?

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

JEREMÍAS 51:23

Katinchapb'ej re keinmutma ajyu'ul chij xaq konojel i chij, aj-anol uwach ulew xaq i b'oyexab', aj-ok'al utzam i jalajuj taq tinimit xaq i nimaq kipatan.

Lamentaciones 2:21

Rijab' xaq i alab'om je jab'ernaq b'i xol taq b'e; alab'om xaq i altom lik xetzaq ni rumal i ch'ich' chi k'ulala o uware. Che i ij are xpe nim laj awoywal, xeasoko xaq xeakamsaj, ¡Xeakamsaj, lik xawil ti tob'al kiwach!