JEREMÍAS 51:21 - Wuj Pa K'ubultzij

²¹ Katinchapb'ej na re keinmutma i kaway, xaq i winaq chi je ajrij taq kaway, ch'ich' re b'inb'al xaq i je aj-ok'anel ch'ich' le.

JEREMÍAS 51:21 Referans Kwoze

ÉXODO 15:1

Are uri ma Moisés xaq i aj Israel xkib'ixaj jun b'ix, kojb'al u'ij i Ajwal chi keje iri kub'ij: Kinb'ixaj ni Ajwal man xuk'ut nim laj ucho'ab' are xeumuq kan i kaway pa mar xaq i winaq chi je annaq te'eq chkij.

ZACARÍAS 10:5

Je keje na pacha i achiyab' chi je yij che i ch'oj chi pa taq ch'oj kkiya'ya uwi i xo'ol pa taq b'e; kkikoch'ij ni kib', man i Ajwal o ku' ike, xaq kekiya ni pa k'ixb'alil i je ajrij taq kaway.

ZACARÍAS 12:4

Xwiri yin keinxib'ij ni konojel i kaway xaq kin-an ni ch'uj chke i winaq chi ke'an chkij. Keinchajij ni i je umuq uxikin i tinimit Judá xaq kin-an ni potz' chke konojel i kaway pa nimaq taq tinimit.

Hageo 2:22

kinsachsaj ni uwach kicho'ab' i ajawinik chwach i jyub' ta'aj xaq kinwulijsaj ni ronojel i kub'ib'al chi o u'ij; keinb'alk'atij nu b'i ch'ich' re i ch'oj xaq i je o chupam, xaq kekam ni kaway xaq i winaq chi je annaq chkij; i chkijujunal kekam ni rumal i ch'ich' chi k'ulala o uware ke i katz kicha'.

NAHUM 2:13

I Ajwal chi ronojel ktiki che kub'ij: “Chi in o wi chu'anik ch'oj chawij: Keink'atsaj ach'ich' re i ch'oj, lik kin-an ni sib' chke; keinkamsaj ni ral taq awak'al; kinsachsaj ni uwach i el-anik chi o chwach awulew, xaq lik ktataj ti chik mas i kich'awb'al i keb'iw atzij.”

Miqueas 5:10

Iri are kub'ij i Ajwal: Che taq i ij le keinkamsaj ni akaway xaq keinsachsaj ni kiwach ach'ich' re ch'oj;

Apocalipsis 19:18

Chixpetoq, cholitija kiti'lal i ajawinelab', kiti'lal i kaj-atzil i achiyab' chi je yij che i ch'oj, kiti'lal i achiyab' chi o ukowil kik'ux. Chitija kiti'lal i kaway junam ru' kiti'lal i kajaw. Cholitija kiti'lal konojel, ke i winaq chi je o pa k'ax rumal i rajaw kichak xaq i jub'an chi nti kajaw; nti k-ono we je nimaq o we je ch'utiq; xub'ij i ángel chke i tz'ikin.

Salmos 46:9

Ire uchupum uwach i ch'oj chwach ronojel i jyub' ta'aj, upatz'om i k'aqb'al ch'ab', u'anom mutmut che i che' ch'ich' utzam, ¡Uk'atom i ch'ich' re anb'al ch'oj!

Ezequiel 39:20

Kinyijb'a ni jun chom laj wa'im chke, ru' ti' ke i kaway, xaq ti' ke i winaq chi ke'an rij kaway, xaq ke i achiyab' chi je yij che i ch'oj, xaq kiti'lal i jalajuj taq ajch'oj, re kkitijo k'a kenoj ni che. Yin in Ajwal, xinb'ij.

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

Salmos 76:6

Yet, Ajwal chi at u-Dios ma Jacob, ru' acho'ab' kesilab' ti chik i ch'ich' re i ch'oj, xaq i kaway keb'in ti chik.

ÉXODO 15:21

Are uri ati Mariy xujeq b'ix chkiwach: Chib'ixaj i Ajwal, man uk'utum u'ij uchomal chqe, are xeumuq i kaway pa mar xaq xeumuq i winaq chi je annaq chkij.

ÉXODO 15:4

I Ajwal xumuq b'i ch'ich' re i ch'oj pa mar, xaq i winaq chi je yij che i ch'oj xaq i je rajpatan ma faraón, lik konojel xemuqtaj chupam i Mar Kaq.

ISAÍAS 43:17

Xeresaj li konojel uk'iyal winaq chi lik je yijil che i ch'oj, ru' kikareta xaq ru' kikaway, re sachb'al kiwach. Xeutzaqsaj xaq lik xewalij ti chik, xk'is kiwach pacha i chij re i a' chi kchupik.