JEREMÍAS 51:12 - Wuj Pa K'ubultzij

¹² ¡Chiya ilb'al re i ch'oj chrij i tapial re i tinimit Babilonia! ¡Cheikojo mas ajchajinelab'! ¡Cheikojo chik mas ajchajinelab' chi je yij che i ch'oj! ¡Lik chisutij kij! Man i Ajwal lik xuyijb'a xaq lik xu'an i anik chi uch'ob'om xaq utzijom chkij konojel i winaq re i tinimit Babilonia.

JEREMÍAS 51:12 Referans Kwoze

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

ISAÍAS 13:2

“¡Chiyaka i k'utb'al re i ch'oj puwi jun salsik jyub'! ¡Chiya i taqanik chke i achiyab' chi je yij che i ch'oj! ¡Chiyaka i'ab' man keje ile kixupon la chila chwach uchija ke i winaq chi o ki'ij!

NAHUM 2:1

Chata pe' tinimit Nínive, i ajsachanel ktijin u'enam chawij yet. ¡Chayijb'a i awajchajinel che i k'ijib'al re ukowib'al i tinimit! ¡Chak'ak'alij i b'e! ¡Chaxima i ach'ich' re ch'oj xe apam! ¡Chayijb'a acho'ab' che i ch'oj!

JEREMÍAS 51:29

I ulew lik kyikyatik xaq lik ksiksatik, man i Ajwal lik ktijin chu'anik wach xuch'ob' u'anik che i Babilonia chi ku'an na pacha jun tz'inilik jyub' chaqij chi lik tzel ktzunik.

Joel 3:2

Kinmol ni kichi' konojel i nimaq taq tinimit, keink'am nu b'i chwa ta'aj re i Josafat xaq chila kin-at ni tzij pkiwi rumal wach xki'an che intinimit Israel. Man xkikichersaj b'i aj Israel chwach i jyub' ta'aj, xaq xkijach i wulew chkiwach ike.

Lamentaciones 2:17

I Ajwal lik xu'an na pacha uch'ob'om u'anik, lik xu'ano pacha ub'im. Lik xusach uwach, xril ti tob'al uwach chi ub'im te'eq uwulijsajxik ujer, xuya che i ajch'oj chawij chi katutze'ej na xaq lik xunimarsaj u'ij i ajch'oj chawij.

JEREMÍAS 51:27

¡Chiya jun k'utb'al pa tinimit re i ch'oj! ¡Chixut'ij i trompeta xaq cheiyijb'a i nimaq taq tinimit re kki'an ch'oj chrij i tinimit Babilonia! ¡Chiyaka i ajawinik re i Ararat chrij ire, re Mini xaq re i Askenaz! ¡Chitzukuj jun aj-ok'al utzam i ch'oj! ¡Chkich'ija i b'e i kaway chi je ajch'oj pacha i sak' chi petnaq koywal!

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

Proverbios 21:30

Chwach i Ajwal nti nojb'al, nti utayik ub'e, xaq nti pixb'anik chi kik'aw chwach Ire.

JOSUÉ 8:14

I ajawinel re i tinimit Hai are xunab'ej chi o kmalkat chwa ta'aj, juntir xkiyijb'ala kib' ku' uwinaq chi je yij che i ch'oj, te'uri xe'el loq, xe'e pa ch'oj chkij je aj Israel chwach i jyub' Arabá, xwiri reta'am taj chi sutim rij i tinimit kumal jub'an chik aj Israel.

JEREMÍAS 4:28

I jyub' ta'aj knoj ni uwach che i b'is, xaq i kaj kk'iji ni pa b'is. Inb'im chik xaq kinjalwachij ti chik intzij, inch'ob'om chik xaq kinjalwachij ti chik innojb'al.

JEREMÍAS 23:20

I roywal i Ajwal kik'aw taj, k'a ku'an na pacha uch'ob'om u'anik. Kuriqa ni jun ij chi yix kixch'ob'on na xaq kita ni ub'e ni'pa i b'iroxiki.

JEREMÍAS 50:25

I Ajwal xujaq i k'olb'al re uch'ojb'al, te'uri xeresaj li uch'ojb'al re roywal, man i Ajwal chi ronojel ktiki che o jun anik ku'an pa nim laj tinimit ke aj Caldea.

ISAÍAS 11:12

Kuyak ni jun k'utb'al ke i nimaq taq tinimit xaq kumol ni kichi' aj Israel chi je elsam b'i pkitinimit; kumol ni kichi' ni'pa je o pa taq kajib' uch'uk i kaj ulew, je are i winaq aj Judá chi kikichersam te'eq b'i kib'.