JEREMÍAS 51:11 - Wuj Pa K'ubultzij

¹¹ I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

JEREMÍAS 51:11 Referans Kwoze

JEREMÍAS 46:4

¡Cheiwiqa i kaway! ¡Yix chi ix ajrij kaway, chix-anoq! ¡Chikojo i tob'al ijolom xaq chi'ana jun cholaj che iwib'! ¡Chi'ana uware i che' ch'ich' utzam! ¡Xaq chikojo i tob'al iwib'!

JEREMÍAS 50:45

Chita i anik chi Yin in Ajwal, inyijb'am li chkij aj Babilonia; i anik chi inyijb'am li chkij i tinimit Caldea: I ral taq kichij chi mas je ch'utiq kek'am nu b'ik, xaq i kik'ijib'al lik ksach na.

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

JEREMÍAS 46:9

¡Lik chkich'ija b'e i kaway! ¡Chkiwach i ch'ich'! ¡Chkich'ija b'e i achiyab' chi ko kiwach chi je yij che i ch'oj; i achiyab' chi je yij che i ch'oj re Etiopía xaq aj Put, chi kiwiqom kib' ru' i tob'al ib'; i achiyab' chi je yij che i ch'oj aj Lud, chi lik kkiriq uk'aqik i ch'ab'!

ZACARÍAS 14:12

Xwiri chke i nimaq taq tinimit chi xki'an ch'oj chrij i tinimit Jerusalén, i Ajwal lik kuya ni k'ax laj tojb'alil chke: I winaq le lik je k'aslik k-ay ni kich'akul, i kib'a'wach k-ay ni pkik'ijib'al xaq k-ay ni utzam ka' pkichi'.

ZACARÍAS 14:2

Che i ij le i Ajwal kumol ni kichi' i nimaq taq tinimit re kki'an ch'oj chrij i tinimit Jerusalén. Xaq kkich'ak ni i tinimit, kkel-aj nu b'i ub'itaq ke pa kachoch, kechap ni kixoqil pa cho'ab' i kkimin kib' ku' xaq kek'am nu b'i nik'aj chke uwinaq. Xwi nik'aj chik kekanaj ni pa Jerusalén.

JEREMÍAS 51:24

Xwiri lik chiwach yix kinya ni utojb'alil chke aj Babilonia xaq chke konojel aj Caldea pacha kmajaw chke, rumal i utz taj chi xki'an che i Sion. Yin in Ajwal, kinb'ij.

JEREMÍAS 51:12

¡Chiya ilb'al re i ch'oj chrij i tapial re i tinimit Babilonia! ¡Cheikojo mas ajchajinelab'! ¡Cheikojo chik mas ajchajinelab' chi je yij che i ch'oj! ¡Lik chisutij kij! Man i Ajwal lik xuyijb'a xaq lik xu'an i anik chi uch'ob'om xaq utzijom chkij konojel i winaq re i tinimit Babilonia.

JEREMÍAS 50:25

I Ajwal xujaq i k'olb'al re uch'ojb'al, te'uri xeresaj li uch'ojb'al re roywal, man i Ajwal chi ronojel ktiki che o jun anik ku'an pa nim laj tinimit ke aj Caldea.

ISAÍAS 46:11

Insik'im jun achi aj prelb'al ij, chi naj kpe wi pacha jun tz'ikin ajtijol taq ti'ij chi lik ku'an na pacha inch'ob'om u'anik. Keje ile inb'im xaq keje ni ile kin-an che, inch'ob'om chik wach i kin-ano xaq lik keje ile kin-an na.

ISAÍAS 45:5

Yin in Ajwal, nti jun chik, nti jun chik pacha yin chi in Dios, yin at inyijb'am re kakoch'ij awib', tupu yet aweta'am ti inwach.

ISAÍAS 45:1

I Ajwal xujach ma Ciro pa ajawinel, xuchap che u'ab' man ktiki chkipek'ik i nimaq taq tinimit; xaq kumutma ni ki'a' i ajawinelab' chke. I Ajwal ku'ano chi kjaqi ni uchija chwach i ma Ciro re i jalajuj nimaq taq tinimit; chi mijun ktiki chutz'apixik uchija chwach. Xaq wo'or kub'ij che:

ISAÍAS 41:25

Xin-ano chi xwinaqir jun achi prelb'al ij, xinsik'ij ru' ub'i are uri xupon pa moxab'. Keuya'ya i atol taq tzij che aqan pacha taq xo'ol ku'an chke; pacha ku'an aj-anol b'oj chi kuyot' upam i xo'ol ru' raqan.

ISAÍAS 21:5

I mexa yijil chik xaq i pop li'an chub'ik, i nim laj wa'im ya xjeqanik. ¡Chixtak'aloq ix kaj-atzil achiyab' chi je yij che i ch'oj: Chiwesaj i walch'inik che i tob'al iwib'!

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

ISAÍAS 10:26

I Ajwal chi ronojel ktiki che, kuya ni utojb'alil pkiwi pacha xu'an chke aj Madián chila pa taq ab'aj Oreb, xaq kuk'ut ni ucho'ab' chke aj Asiria keje pacha uk'utik xu'an chke aj Egipto.

Esdras 1:1

Che i nab'e junab' rajawinik ma Ciro chi ajawinel ke aj Persia, are uri k-antaj na pacha utzij i Ajwal chi ub'im ma Jeremías chi profeta, i Ajwal xu'an che ma Ciro chi kupaxsaj uwach i utaqanik chke konojel uwinaq, pa tzij xaq chwach taq wuj, are utaqanik iri:

SEGUNDO LIBRO DE CR%D3NICAS 36:22

Che i nab'e junab' rajawinik ma Ciro, chi ajawinel ke aj Persia, man k-antaj na pacha utzij i Ajwal chi b'ital rumal ma Jeremías, chi profeta, i Ajwal xu'an che ma Ciro chi kupaxsaj uwach chke konojel uwinaq to' keje ile pa tzij xaq chwach taq wuj, i taqaniki:

PRIMER LIBRO DE CR%D3NICAS 5:26

Rumali chi ki-Dios aj Israel xumin pujolom i ajawinel aj Asiria, chi ma Pul ub'i, chi xaq ma Tiglat-pileser kb'ix che, chi ku'an ch'oj chkij, rumali xtiki chkich'akik utzob'ajil ma Rubén, ma Gad xaq nik'aj che utzob'ajil ma Manasés. Xaq xeuk'am b'i pa tinimit Halah, Habor, Hara xaq chi raqana Gozán, ipa je jeqel wi wo'or.

1 Reyes 11:23

Xwi ta la ile, xaq i Dios xu'ano chi ma Rezón xwalij chu'anik ch'oj chrij ma Salomón. I ma Rezón le uk'ojol ma Eliada chi anmajnaq li chi rachoch i rajaw. I rajaw ma Eliada le are ma Hadad-ezer, chi ajawinel pa tinimit Soba.

1 Reyes 11:14

Are uri i Ajwal xu'ano chi xwalij jun ajch'oj chrij ma Salomón: Are ma Hadad chi aj Edom, chi lik are jun chke i kalk'uwal i ajawinelab' aj Edom.

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.

JEREMÍAS 25:25

chke konojel i ajawinelab' aj Zimri, aj Elam xaq i aj Media:

JEREMÍAS 46:3

¡Chiyijb'a i tob'al ib'! ¡Chijeqa i ch'oj!

JEREMÍAS 50:3

Man pa moxab' kel b'i jun nim laj tinimit chu'anik ch'oj chrij, chi lik ku'an ni jun tz'inilik jyub' che utinimit. Lik mijun winaq xaq mijun chikop kek'asi chik chila, lik konojel ke'anmaj na.

JEREMÍAS 51:36

I Ajwal kub'ij: “Yin kin-an ni atb'al tzij chawe, kin-an ni uk'exel chke i ajch'oj chawij. Lik keinchaqijsaj i raqana xaq i ralaxb'al taq ya re i tinimit Babilonia,

Daniel 5:30

Lik che i a'ab' le xkamsax ma Belsasar, chi ajawinel ke aj Caldea,

Joel 3:9

Chitzijoj iri chke i nimaq taq tinimit: ¡Chisaqij i lo'laj ch'oj! ¡Cheisik'ij i ko kiwach! ¡Chepetoq xaq chekich'aka i je aj-anol taq ch'oj!

Joel 3:10

I kasaron chki'ana ch'ich' chi k'ulala o uware che xaq che i ki'os chki'ana che' chi ch'ich' utzam che, i jun chi nti ucho'ab' chub'ij: ¡Yin lik o incho'ab'!