JEREMÍAS 50:9 - Wuj Pa K'ubultzij

⁹ Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

JEREMÍAS 50:9 Referans Kwoze

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

JEREMÍAS 50:29

¡Cheisik'ij konojel ajk'aqol ch'ab', re kki'an ch'oj chrij i tinimit Babilonia! ¡Chisutij rij i nim laj tinimit man keje ile mijun k-anmajik! ¡Chi ya utojb'alil chke pacha kmajawik! ¡Chi'ana che ire pacha xu'an ire! Man ire xu'an nim che rib' chinwach Yin, chi in Ajwal, lo'laj Dios ke aj Israel.

JEREMÍAS 50:26

¡Chixch'ojin chrij che ronojel taq k'ijib'al! ¡Chijaqa i kik'olb'al! ¡Cheit'ub'a i winaq xaq chik'isa kiwach! ¡Lik mijun kk'asi kanoq!

JEREMÍAS 50:21

¡Lik chi'ana ch'oj chkij i winaq aj Merataim xaq chkij i winaq aj Pecod! ¡Cheiterb'ej, lik chisachsaj kiwach konojel! ¡Lik chi'ana ronojel intaqanik! Yin in Ajwal, kinb'ij.

JEREMÍAS 50:14

¡Jix pik'ijib'al, ajk'aqol ch'ab', lik chisutij rij i tinimit Babilonia! ¡Chixk'aqan ru' konojel i ch'ab' chkij ike! Man xemakun chinwach Yin, chi in Ajwal.

JEREMÍAS 50:3

Man pa moxab' kel b'i jun nim laj tinimit chu'anik ch'oj chrij, chi lik ku'an ni jun tz'inilik jyub' che utinimit. Lik mijun winaq xaq mijun chikop kek'asi chik chila, lik konojel ke'anmaj na.

JEREMÍAS 15:14

Kin-an ni chawe chi pacha winaq chi o pa k'ax kumal i ajch'oj chawij, chwach jun ulew chi aweta'am ti uwach, man i woywal lik mi'naq chik pacha jun a' chi lik katuk'at b'ik.

ISAÍAS 41:25

Xin-ano chi xwinaqir jun achi prelb'al ij, xinsik'ij ru' ub'i are uri xupon pa moxab'. Keuya'ya i atol taq tzij che aqan pacha taq xo'ol ku'an chke; pacha ku'an aj-anol b'oj chi kuyot' upam i xo'ol ru' raqan.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

2 Samuel 1:22

I ma Saúl xaq i ma Jonatán lik nti jumul je tzalijnaq loq we kitz'im ta li kich'ich' xaq i che' chi o ch'ich' chutzam chupam kikik'el xaq kixepuyil i ajch'oj chkij chi lik ko kiwach.

Cantares 3:8

Konojel ike le keta'am ch'oj ru' ch'ich' chi k'ulala o uware xaq lik keta'am u'anik i ch'oj, chkijujunal kiya'om kich'ich' chwi taq ka' chi k'ulala o uware, re tob'al kib' chwach wach taq kkiriq pa taq equm.

JEREMÍAS 25:14

Ketzaq ni pki'ab' nimaq taq tinimit xaq pki'ab' i ajawinelab' chi lik ko kiwach, keje ni uya'ik utojb'alil ile kin-an pkiwi, pacha kmajaw chke rumal i kimak.”

JEREMÍAS 25:26

Chke konojel i ajawinelab' je aj pa moxab', chi je aj naqaj xaq we naj je o wi. Ke'eloq chi konojel i ajawinelab' chwach i jyub' ta'aj. Pa k'isb'al re kutu' ni ajawinel aj Babilonia.