JEREMÍAS 50:42 - Wuj Pa K'ubultzij

⁴² Lik kiwiqom li kib' ru' i k'aqb'al ch'ab' xaq ru' i che' chi ch'ich' utzam; lik je k'an, lik nti k'axnab'al kik'ux, i kich'ab'al lik keje pacha i rojojik re i mar, xaq lik je annaq rij taq kaway. Lik je yijil chu'anik i ch'oj chrij i tinimit Babilonia.

JEREMÍAS 50:42 Referans Kwoze

ISAÍAS 5:30

I nim laj tinimit le are kuriq i ij chi ch'iktal chrij, lik ko' na, pacha uch'awb'al i mar chkij aj Israel; we o jun kutaqej uwach i jyub' ta'aj kril na chi tz'apim i pa'ij pa equmal rumal i nimaq taq sutz'.

JEREMÍAS 47:3

Utayik i pok'owik re kixajab' i kaway, xaq i luk'uwik ke i kareta xaq i siririk re i sotsaq chi o che, lik nti chik kicho'ab' i kiqajaw kichuch, rumali xko'taj kan i kak'al.

JEREMÍAS 8:16

¡Ya kk'un ajch'oj chqij! ¡Ya ktataj chik i kuxlab' i kaway pkitzam k'a chila pa Dan! Are kyirir i kaway kyikyat ronojel ulew. Xek'un chusachik uwach i tinimit xaq ronojel ni'pa o chupam, konojel i nimaq taq tinimit xaq konojel ni'pa je jeqel chwach.”

ISAÍAS 47:6

Are xmi' woywal che i nim laj intinimit are uri xinjach pa k'ixb'alil, xaq xinya che xtzaq pa'ab'. Yet lik xawil ti tob'al kiwach, xaq xaya i k'ax laj chak chkiqul i rijab'.

Apocalipsis 16:6

Ike xkituruwsaj i kikik'el i lo'laj atinimit chi ch'am, xaq ke i profeta. Wo'or a'anom chke chi kkitu' ni ya chi kik'ernaq chik uwach. ¡Lik kmajaw ni ile chke!” Xub'ij.

Santiágo 2:13

Man i Dios lik kril ti tob'al kiwach i winaq we kilom ti tob'al kiwach i kachi'il. Xwiri, we yoj qilom tob'al kiwach i winaq, i Dios kril uri tob'al qawach yoj are ku'an i atb'al tzij pqawi.

JEREMÍAS 50:14

¡Jix pik'ijib'al, ajk'aqol ch'ab', lik chisutij rij i tinimit Babilonia! ¡Chixk'aqan ru' konojel i ch'ab' chkij ike! Man xemakun chinwach Yin, chi in Ajwal.

ISAÍAS 14:6

chi kuya te'eq utojb'alil chke i nimaq taq tinimit ru' roywal xaq kumayij ti uya'ik kilo'xik, chi kuya'ya te'eq kiwi i tinimit ru' roywal xaq keroqtaj te'eq, kril ti tob'al kiwach.

ISAÍAS 5:28

Lik jutzutz utzam i ch'ab' xaq ronojel i k'aqb'al kich'ab' lik ko. I kisapak i kikaway lik ko pacha i ab'aj, xaq lik pacha kaqsut i sotsaq re b'inb'al kich'ich'.

Salmos 74:20

Chk'un atrat chak'ux, man lik nti usuk' i kamsanik pa tinimit uponnaq k'a pa k'isb'al taq rokraq.

Salmos 46:6

I winaq re i nimaq taq tinimit kesik'inik, i ajawinelab' keyutzyat rumal kixib'rikil, i ulew kwulijik are ktataj uch'awb'al.

ISAÍAS 47:1

Chatqaj loq, at apoj laj tinimit Babilonia, chi k'amaja awachijil, xaq chatkul puk'aj ulew; chatqaj loq chawo'taj kan akub'ib'al chi o u'ij, apoj laj tinimit Caldea xaq chatkul pulew, man ya kkib'ij ti chik chawe ch'u' xaq chom.

JEREMÍAS 30:14

Konojel ni'pa i qus katkilo xatsach chkik'ux, keb'ison ti chik chawe. Man yin xin-an k'ax chiwe pacha taq yin in jun ajch'oj chiwij, xinya i k'ax laj utojb'alil chiwe rumal i k'iyal taq imak, xaq i k'iyal taq mak atzalal,

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

JEREMÍAS 51:27

¡Chiya jun k'utb'al pa tinimit re i ch'oj! ¡Chixut'ij i trompeta xaq cheiyijb'a i nimaq taq tinimit re kki'an ch'oj chrij i tinimit Babilonia! ¡Chiyaka i ajawinik re i Ararat chrij ire, re Mini xaq re i Askenaz! ¡Chitzukuj jun aj-ok'al utzam i ch'oj! ¡Chkich'ija i b'e i kaway chi je ajch'oj pacha i sak' chi petnaq koywal!

Ezequiel 26:3

Rumali Yin in Ajwal, kinb'ij: Tinimit Tiro, kinsaqij chawe chi Yin in ajch'oj chawij. Kin-an na chi kewalij k'iyal nimaq taq tinimit chawij, re kki'an ch'oj chawij, keje pacha ku'an uwi i mar are kwalij b'ololik,

Joel 2:5

i uch'awb'al i kaqan are kesak'lin chwi taq jyub' lik keje pacha uch'awb'al i ch'ich' re ch'oj, keje pacha upach'ach'ik uxaq es chaqij are ktijin uk'atik pa a'. Je keje pacha jutzob'aj achiyab' chi je yij che i ch'oj chi lik o kicho'ab' i lik je o pa cholaj re kkijeq ch'oj.