JEREMÍAS 50:4 - Wuj Pa K'ubultzij

⁴ I Ajwal kub'ij: Che taq i ij le i winaq aj Israel xaq i aj Judá lik ke'o'ik kek'un ni chintzukuxik Yin, chi in Ajwal ki-Dios.

JEREMÍAS 50:4 Referans Kwoze

Oseas 3:5

Chrijil iri ketzalij chik i aj Israel xaq kkitzukuj ni Ajwal chi ki-Dios xaq i ma David chi kajawinel. Pa k'isb'al taq ij kkitzukuj ni chik i Ajwal xaq ronojel i ub'itaq ke chi are ire kyawik.

Oseas 1:11

Are uri kkimol ni kib' i winaq re i tinimit Judá xaq re i Israel, i kkich'ik ni rij jun aj-ok'al utzam chke chi lik xwi ni ire, i kepe ni che ronojel taq k'ijib'al, ketzalij li pa Jerusalén. Man ¡Lik nim ni i ij re i Jezreel!

JEREMÍAS 31:31

I Ajwal kub'ij: “Kuriqa ni jun ij chi kin-an ni jun trat k'ak' ku' aj Israel xaq ku' aj Judá.

ZACARÍAS 12:10

Kinnojsaj ni ru' utz laj Tewal xaq ru' tz'onb'enik che i Dios pkiwi i je umuq uxikin i ma David xaq pkiwi uwinaq i tinimit Jerusalén. Are uri kkil ni jun chi xkimin i che' ch'ich' utzam puk'alk'ax, keb'ison na xaq ke'o' ni che ire pacha ukamik jun ak'al chi lik xwi ire o te'eq o we ntaj pacha ukamik jun ak'al atz.

Joel 2:12

Xwiri wo'or —kub'ij i Ajwal—, chixtzalij chali wu' Yin ru' ronojel ik'ux. ¡Chimayij i wa'im chu'anik i tz'onb'enik chwe, chixsik'inoq xaq chixo'oq!

Ezequiel 39:25

Rumali, Yin in Ajwal, kinb'ij: Wo'or kwil ni tob'al uwach ronojel i tinimit Israel, ni'pa i je umuq uxikin i ma Jacob. Kin-an chke chi kjaltaj ni kik'aslemal, man keje ile lik keintaq chu'anik chi kya' u'ij i lo'laj inb'i.

JEREMÍAS 33:15

Are kuriqa i ij le, kin-an na chi ma David o ni jun umuq uxikin lik re ukik'el chi kkanaj ni puk'ijib'al, re ku'an atb'al tzij suk'ulik pa tinimiti.

ISAÍAS 63:4

Yin xinch'ob'o chi kuriqa ni jun ij kin-an i suk'ul laj atb'al tzij; i ya xuriq i ij chi keinkir intinimit.

ISAÍAS 55:6

Chitzukuj i Ajwal tz'aqat k'a kiriqo, chixch'aw che tz'aqat k'a naqaj o wi.

ISAÍAS 45:19

Yin nti jun tzij ani'al kinb'ij xaq mitene pa k'ijib'al equm re i jyub' ta'aj. Yin kinb'ij ti chke umuq uxikin ma Jacob: Chinitzukuj ipa nti o wi jun b'iroxik. Yin, chi in Ajwal lik kinb'ij i saq laj tzij, kinb'ij i suk'ulik.

ISAÍAS 14:1

Saq laj tzij, i Ajwal kril ni tob'al uwach ma Jacob. Te'uri kekanaj chik aj Israel pu'ab' chi je u'ulum, xaq ku'an ni chke aj Israel le chi ketzalij chik pa jeqelem chwach i kulew. I winaq je aj naj ketejeb' ni ku' ike, kki'an ni junam che kib' ru' utinimit ma Jacob.

Salmos 105:4

Chitzukuj i Ajwal xaq i ucho'ab'; lik arewi chitzukuj i Ajwal ronojel ij.

Santiágo 4:9

Chixb'isonoq, chixo'oq, k'ax chuna ik'ux rumal imak i'anom. Are itzej, chijalwachij che o'ej; are ikikotemal, chijalwachij che i b'is.

JEREMÍAS 41:6

Are uri ma Ismael lik ko'ik xel li pa Mizpa, x-e chkik'ulaxik pa taq b'e. Are xkiriq kib' xub'ij chke: —Chixpetoq chiwila ma Gedalías, chi uk'ojol ma Ahicam.

Ezequiel 16:61

Xwiri are kinya ni awatz xaq i acha' chawe pacha je awak'al, tupu nti chupam qatrat, are uri i yet kk'un ni chak'ux ni'pa taq i utz taj chi a'anom pak'aslemal, te'uri katk'ix ni che.

Oseas 6:1

Chixpet iwonojel chojtzalij chik ru' i Ajwal. Ire xu'an ch'aqa taq chqe, xwiri xaq kojrutzirsaj na; xojusoko, xwiri kojukunaj na.

SEGUNDO LIBRO DE CR%D3NICAS 7:14

xwiri intinimit, chi are jun tinimit chi o inb'i chrij we k-on pich' che u'ij, xaq we klapan wu', we kinutzukuj xaq we kro'taj kan ub'e chi utz taj; Yin lik kinta ni uri k'a chila chikaj, kinkuy ni uri umak xaq kin-an chik utz uri che i rulew.

Oseas 11:10

Ike keterej ni chrij i Ajwal, Ire kuraq ni puqul chke pacha jun koj. Lik kuraq ni puqul, are uri i rak'al kesiksatik kepe chila puqajb'al ij.