JEREMÍAS 50:25 - Wuj Pa K'ubultzij

²⁵ I Ajwal xujaq i k'olb'al re uch'ojb'al, te'uri xeresaj li uch'ojb'al re roywal, man i Ajwal chi ronojel ktiki che o jun anik ku'an pa nim laj tinimit ke aj Caldea.

JEREMÍAS 50:25 Referans Kwoze

JEREMÍAS 51:55

Are i Ajwal, chusachsaj uwach i tinimit Babilonia xaq chu'atij i ch'oqowik. I je ajch'oj, pacha i ya chi lik krojoj uwi, ketzaq ni puwi ire pacha uch'awb'al jun nim laj ya.

JEREMÍAS 51:25

Yin inya'om ti inwach awu', utzam jyub' sachanel, chi kasachsaj uwach ronojel i jyub' ta'aj. Yin in Ajwal, kinb'ij. Kinyak ni in-ab' re uya'ik utojb'alil chawe, katinb'alk'atij na li pa taq siwan ab'aj, lik kin-an ni chawe pacha jun jyub' k'atnaq uwach.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

Apocalipsis 18:8

Rumal ile, k'i i k'ax kpe puwi che jun ij: Kpe i kamik, kpe i uyej, kpe i numik, xaq kporox ni pa a'. Keje ile kpe puwi i tinimit le, man nim ucho'ab' i Ajwal Dios chi kuya ni pa tojpen rumal umak.” Keje ile xub'ij i tzij chi xch'aw chikaj.

AMÓS 3:6

we i trompeta kch'aw pa tinimit, i winaq ke'ok uri chk'achirik; we o jun utz taj kk'ulmax pa tinimit, alaj uri chi are i Ajwal utaqom loq.

JEREMÍAS 51:20

¡Tinimit Babilonia, yet lik at keje pacha jun inch'ayb'al nim, xaq at inch'ojb'al re i ch'oj! At inchapb'al na re kinwulijsaj i nimaq taq tinimit xaq re kinsachsaj ni kiwach i nimaq taq ajawinik.

Salmos 45:5

I winaq ketzaq pulew chwach awaqan, nim laj ajawinel; i je ach'ab' lik jutz utzam xaq kech'api chwach kik'ux i je ajch'oj chawij.

Salmos 45:3

¡Yet chi lik ko awach, chaya i ch'ich' chi o uware k'ulala chwi awa' ru' a'ij achomal!

ISAÍAS 13:15

Konojel ni'pa kkiya kib' chi keriqtajik lik kpil ni ch'ich' chke, konojel ni'pa kkiya kib' kechapik lik kekamsax na.