JEREMÍAS 50:21 - Wuj Pa K'ubultzij

²¹ ¡Lik chi'ana ch'oj chkij i winaq aj Merataim xaq chkij i winaq aj Pecod! ¡Cheiterb'ej, lik chisachsaj kiwach konojel! ¡Lik chi'ana ronojel intaqanik! Yin in Ajwal, kinb'ij.

JEREMÍAS 50:21 Referans Kwoze

Ezequiel 23:23

ni'pa taq aj Babilonia, aj Caldea, aj Pecod, aj Soa, aj Coa, xaq konojel aj Asiria; konojel ile je alab'om chi lik je chomiq, aj-atzil, aj-ok'al utzam i jalajuj taq tinimit, nimaq kipatan xaq i achiyab' chi je yij che i ch'oj; konojel ike le je ajrij taq kaway.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

JEREMÍAS 50:3

Man pa moxab' kel b'i jun nim laj tinimit chu'anik ch'oj chrij, chi lik ku'an ni jun tz'inilik jyub' che utinimit. Lik mijun winaq xaq mijun chikop kek'asi chik chila, lik konojel ke'anmaj na.

JEREMÍAS 48:10

(¡K'oqom i jun chi k-on ti uchak ru' ronojel uk'ux chi yatal chuqul rumal i Ajwal! ¡K'oqom i jun chi kraj ti kumin rib' chu'anik i kamik!)

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

ISAÍAS 48:14

Chimolo iwib' iwonojel yix xaq chitatb'ej: ¿Pachin chiwe yix uya'om chik utzijol iri wach kk'ulmaxik: I achi chi in-ulum yin ku'an na pacha inch'ob'om u'anik che i tinimit Babilonia xaq i ucho'ab' uteleb' kuya ni pkiwi aj Caldea?

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

ISAÍAS 10:6

Kintaq b'i chu'anik ch'oj chrij jun tinimit chi lik itzel laj taq winaq je o che, chrij jun nim laj tinimit chi k'ax kch'aw chwij, man krel-aj ni ub'itaq ke xaq kumaj ni kib'eyomal chke, man keuya'ya ni che aqan pacha xo'ol pa taq b'e.

SEGUNDO LIBRO DE CR%D3NICAS 36:23

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén chi o pa Judá. Rumali chi xapachin chiwe yix chi ix utinimit i Ajwal, lik chixuto ni uri Iwajwal Dios, xaq lik chixtzalij chik chila.”

2 Reyes 18:25

Xwi ta la ile ¿Kach'ob' yet ile chi yin xink'un chu'anik ch'oj, xaq chuchupik uwach i tinimiti we inb'im ti che i Ajwal? ¡Are ire xintaqaw chu'anik ch'oj xaq chuchupik uwach atinimit!”

2 Samuel 16:11

Te'uri xub'ij che ma Abisai xaq chke konojel i rajpatan: —Lik wak'al neri kraj relsaxik ink'aslemal, ¡Etelechiki jun chke utzob'ajil ma Benjamín! ¡Chiya ni che chi kinuk'oqoj, man moq are i Ajwal taqawnaq che!

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

Deuteronomio 33:27

I Dios chi k-e ij saq chrij are ire katchajiwik, katuto ni ru' nim laj ucho'ab'. Keroqtaj nu b'i ajch'oj chawij, yet katutaq chusachik kiwach.

ISAÍAS 48:15

Yin xinb'iw ile, yin xinsik'iwik, yin xin-an che chi xk'unik, xaq xaipa k-e wi kel ni utz ru'.