JEREMÍAS 50:2 - Wuj Pa K'ubultzij

² “Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

JEREMÍAS 50:2 Referans Kwoze

ISAÍAS 46:1

I tiox Bel kb'ustaj rij, xaq i tiox Nebo ktzaq pulew. I tiox xa ke'eqax rij taq kaway, xaq lik al laj eqan chke i kaway chi lik je kosnaq chik.

ISAÍAS 21:9

Are uri xwil jun kareta charem kumal keb' kaway.” Are uri o jun keje iri xub'ij: ¡Xtzaqik, xtzaq i tinimit Babilonia! Ronojel ni'pa uk'exwach taq kitiox xetzaq pulew, lik xe'on ch'aqa taq.

JEREMÍAS 51:47

Lik keje uri ile, kuriq ni ij chi kinya utojb'alil chke i tiox chi xaril je antal pa tinimit Babilonia, ronojel i tinimit kqajsax ni u'ij xaq knoj ni uwach che kich'akul i kamnaq.

JEREMÍAS 51:44

Kinya ni utojb'alil che i dios Bel pa Babilonia, kin-an ni che chi kuxab'uj na li utijom b'ik, xaq lik mijun chke i nimaq taq tinimit ktzalij chal chutzukuxik. ¡Ya xetzaq i tapial re Babilonia!

Apocalipsis 18:2

Ire xsik'in chub'ixkil: “¡Ya wulijnaq chik i tinimit; ya wulijnaq chik i nim laj tinimit Babilonia! ¡Wo'or xa itzel taq tew je jeqel chila, xa kik'ijib'al chik itzel taq tew xa kik'ijib'al chik i itzel taq tz'ikin, xaq xa kik'ijib'al chik itzel taq chikop ch'am taj xaq lik tzel ke'ilik.

SOFONÍAS 2:11

I Ajwal lik kuk'ut ni roywal chke. Kusachsaj ni kiwach konojel i dios pa tinimit, lik are Ire koksax ni u'ij che ronojel taq k'ijib'al, xaq kumal ni tinimit chi je o chuchi' taq mar.

JEREMÍAS 52:31

Che i jo'ob' juwinaq (25) ij re i ik' kab'lajuj re i wuqlajuj juwinaq (37) junab' re relsaxik b'i ajawinel ma Joaquín pa Judá, xujeq ajawinik pa tinimit Babilonia i ajawinel Evil-merodac, chi lik xu'an utz che rib' ru' ma Joaquín, rumali xresaj li prexil,

JEREMÍAS 51:52

Xwiri i Ajwal kub'ij: “Lik kuriq ni ij chi kinya utojb'alil chke i tiox chi xaril je antal chila pa tinimit Babilonia, xaq lik che ronojel i rulew kejilaw ni je soktajnaq.

JEREMÍAS 51:31

Lik kiterb'em kib' i ajb'il tzijonik tzij chub'ixkil che i ajawinel re Babilonia, chi utinimit lik ronojel xch'akik.

JEREMÍAS 51:8

Xwiri i tinimit Babilonia lik juntir xtub'krijik. ¡Lik chixo' rumal ire! Chik'ama li kunb'al re kukunaj i sokonik, ilb'al re we kkuntajik.

JEREMÍAS 50:46

Utzaqik i tinimit Babilonia lik ktataj na, man ulew lik ksiksat na, usik'inik lik ktataj ni k'a pa taq jub'an chik nimaq taq tinimit.

JEREMÍAS 46:14

Chitzijoj pa Egipto, pa Migdol, pa Menfis xaq pa tinimit Tafnes: ¡Lik chitatb'ej, lik chiyijb'a iwib'! ¡Man i je o chqij chqawach kkitij ni i ch'ich' chi k'ulala o uware!

JEREMÍAS 31:10

Nimaq taq tinimit, chita utzij i Ajwal, xaq chitzijoj chuchi' taq mar naj: I Ajwal xeukichersaj b'i aj Israel, xwiri kumol ni kichi' xaq keuchajij na pacha ku'an i ajyu'ul chij.

JEREMÍAS 6:18

Rumali i Ajwal kub'ij: “Chitatb'ej ix nimaq taq tinimit, chiwetamaj wach kuk'ulmaj intinimit.

JEREMÍAS 4:16

Su' chisaqij chke i nimaq taq tinimit, xaq che i tinimit Jerusalén, chi che jun tinimit naj kek'un wi i je ajch'oj chkij. Kesik'in chu'anik ch'oj chkij i nimaq taq tinimit Judá.

ISAÍAS 48:6

Yet atom ronojel iri, chakojo retalil uri che, xaq lik kakoj ni uri chi lik qatzij. Wo'or kintzijoj k'ak' taq b'iroxik chawe, chi are i b'iroxik uwam uwach chi aweta'am ti te'eq,

ISAÍAS 39:1

Che taq i ij le, ma Merodac-baladán, chi uk'ojol ma Baladán, chi ajawinel re i tinimit Babilonia, xuta utzijol chi ma Ezequías iwab' te'eq xwiri utzirnaq chik, are uri xeutaq b'i jub'an ajb'il tzij chi xkik'am b'i jun usipon xaq jun wuj che, man ire kraj kretamaj wach u'anom.

ISAÍAS 37:19

Xaq xkik'aq b'i ki-dios pa a', man lik saq laj tzij chi je dios taj, man je antal che i jalajuj taq che' xaq che i jalajuj taq ab'aj kumal i winaq; rumali chi xkichup uwach.

ISAÍAS 13:2

“¡Chiyaka i k'utb'al re i ch'oj puwi jun salsik jyub'! ¡Chiya i taqanik chke i achiyab' chi je yij che i ch'oj! ¡Chiyaka i'ab' man keje ile kixupon la chila chwach uchija ke i winaq chi o ki'ij!

ISAÍAS 12:4

Xaq kib'ij tan chik: “Chitioxij xaq chinataj u'ij i Ajwal, chilapa chke i nimaq taq tinimit ronojel ni'pa i b'iroxik chi u'anom, chikuxtaj chke chi are Ire o puwi ronojel.

Salmos 96:3

Lik chkiwach konojel i winaq xaq i nimaq taq tinimit chilapa u'ij uchomal xaq i nimaq taq il chi ku'ano,

Salmos 64:9

Are uri konojel i winaq kkikoj ni u'ij i Dios, xaq kkilap ni ronojel wach ku'ano; xaq kkita ni ub'e ronojel ni'pa u'anom.

Salmos 97:7

Chek'ix ni konojel ni'pa kki'an kichak xaq kkikoj ki'ij i tiox chi xa je antalik. Chixxukul chwach i Ajwal iwonojel yix chi ix dios.

ISAÍAS 48:20

Chixel pa tinimit Babilonia, chix-anmaj chkiwach aj Caldea. Chiya utzijol i tzijoniki ru' sik' re kikotemal, chiya retamaxik k'a chuchi' taq i jyub' ta'aj. Chib'ij: “¡I Ajwal ukirom ma Jacob chi rajpatan”!

JEREMÍAS 4:6

Chiyaka i k'ul chi kuk'ut u'ij jun tzob'aj, kuk'ut b'i pa tinimit Sion; ¡Chitzukuj i k'ijib'al re tob'al iwib', mixuxlan chutzukuxik! Man pa moxab' kink'am wi li nimaq taq uyej xaq i sachanel wachij.

JEREMÍAS 51:12

¡Chiya ilb'al re i ch'oj chrij i tapial re i tinimit Babilonia! ¡Cheikojo mas ajchajinelab'! ¡Cheikojo chik mas ajchajinelab' chi je yij che i ch'oj! ¡Lik chisutij kij! Man i Ajwal lik xuyijb'a xaq lik xu'an i anik chi uch'ob'om xaq utzijom chkij konojel i winaq re i tinimit Babilonia.

JEREMÍAS 51:27

¡Chiya jun k'utb'al pa tinimit re i ch'oj! ¡Chixut'ij i trompeta xaq cheiyijb'a i nimaq taq tinimit re kki'an ch'oj chrij i tinimit Babilonia! ¡Chiyaka i ajawinik re i Ararat chrij ire, re Mini xaq re i Askenaz! ¡Chitzukuj jun aj-ok'al utzam i ch'oj! ¡Chkich'ija i b'e i kaway chi je ajch'oj pacha i sak' chi petnaq koywal!

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Daniel 3:14

xutz'onoj chke: —¿Qatzij ile chi yix kikoj ti ki'ij in-dios xaq mitene i nim laj k'exwach an-o'oj chi yin xintaq u'anik?

JEREMÍAS 10:11

Yix ix aj Israel chib'ija chke i kkikoj ti u'ij i Dios: Ni'pa i dios chi xki'an ti kaj xaq jyub' ta'aj, ksach ni kiwach chwach i jyub' ta'aj, xaq lik mijun chik chke ike kkanaj kan chuxe' i kaj.

JEREMÍAS 10:15

Ile xa je b'iroxik chi nti ki'ij, xa je ajya'ol k'ix, i Ajwal kusachsaj ni kiwach are ku'at tzij.