JEREMÍAS 50:16 - Wuj Pa K'ubultzij

¹⁶ Lik mijun winaq miya kan pa tinimit Babilonia re ktikanik xaq re kmolonik. Are kik'aw i ch'oj re sachanel wachij, i je aj naj ketzalij chub'i pkitinimit, lik chkijujunal ke'anmaj nu b'ik ke'e pa kulew.

JEREMÍAS 50:16 Referans Kwoze

ISAÍAS 13:14

Are uri i winaq, lik pacha taq je ral taq chab'at je oqtam, xaq pacha je chij chi nti keyu'uwik, chkijujunal ketzalij chik pkitinimit, we ntaj ke'anmajik i ketzalij chub'i pkitinimit.

JEREMÍAS 51:9

Ya xqakoj kunb'al che i tinimit Babilonia, xwiri lik xkuntaj taj. ¡Chiya kanoq! Jo'; chojel b'i chi, chqajujunal jo pqatinimit, man i kamik chi x-anik kupon k'a chikaj, kwalijik kupon k'a pa taq sutz'.

JEREMÍAS 46:16

I achiyab' chi je yij che i ch'oj chi je awe yet, kkitakij b'i kaqan xaq ketzaq b'ik, kkib'ij ni uri chkiwach: ¡Jo', chojel chi, jo' pa qulew che i tinimit ipa xojalax wi! ¡Choj-anmaj chwach i ch'oj xaq i kamik!

Joel 1:11

Yix, chi kixchakun pa taq es xaq pa tikb'al taq uva, lik ru' b'is chixo'oq man xu'on ti utz i tikon xaq i molonik re i trigo xaq re i cebada.

AMÓS 5:16

Keje iri kub'ij i Ajwal Dios chi ronojel ktiki che: “Pa ronojel taq k'eb'al o ni o'ej, ronojel xol taq b'e o ni sik' re i k'axk'ol. Kekisik'ij ni i winaq chi je ajchak pa taq es che i b'is, xaq i je aj-o'ej winaq chi lik are kiwach ke'o'ik.

JEREMÍAS 51:23

Katinchapb'ej re keinmutma ajyu'ul chij xaq konojel i chij, aj-anol uwach ulew xaq i b'oyexab', aj-ok'al utzam i jalajuj taq tinimit xaq i nimaq kipatan.

JEREMÍAS 25:38

Xel loq pacha relik jun koj pujul, are uri kitinimit ike le lik xk'is uwach, man xpe roywal i Ajwal, rumali xutaq b'i jun nim laj ch'oj chkij.