JEREMÍAS 50:10 - Wuj Pa K'ubultzij

¹⁰ Kkel-aj ni ub'itaq ke aj Caldea; lik ronojel kkel-aj nu b'i chke. Yin in Ajwal, xinb'iw ile.

JEREMÍAS 50:10 Referans Kwoze

JEREMÍAS 25:12

Are ktz'aqat i lajuj oxwinaq (70) junab' kinya ni utojb'alil che i ajawinel aj Babilonia xaq che i nim laj utinimit, xaq kinsach ni uwach i tinimit ke aj Caldea ronojel ij saq. Yin in Ajwal, xinb'iw ile.

Apocalipsis 17:16

I lajuj ok'a' chi xawilo xaq i nim laj itzel chikop, k-on panoq tzel kkil ni ixoq le chi kuch'ak umer chwach uch'akul. Ike xa kko'taj kanoq; kkikanaj kanoq lik ch'analik. Kkitij ni uti'ijlal, xaq kkiporoj na.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

ISAÍAS 45:3

Yin kinjach ni b'eyomal chawe chi uwam, b'eyomal chi k'oltal che i k'ijib'al chi etamam taj, man keje ile kawetamaj chi yin in Ajwal, in Dios ke aj Israel, chi katusik'ij ru' ab'i.

ISAÍAS 33:4

I ajch'oj chkij je keje pacha i sak' chi lik kesib'ib'ik, kkik'aq kib' chkij ike xaq kkimaj kib'eyomal chke.

JEREMÍAS 50:26

¡Chixch'ojin chrij che ronojel taq k'ijib'al! ¡Chijaqa i kik'olb'al! ¡Cheit'ub'a i winaq xaq chik'isa kiwach! ¡Lik mijun kk'asi kanoq!

JEREMÍAS 51:24

Xwiri lik chiwach yix kinya ni utojb'alil chke aj Babilonia xaq chke konojel aj Caldea pacha kmajaw chke, rumal i utz taj chi xki'an che i Sion. Yin in Ajwal, kinb'ij.

Ezequiel 11:24

Te'uri i ucho'ab' i Ajwal xinuyako i xu'an chwe chi xintzalij chub'i pa tinimit Babilonia chila ipa je o wi i jub'an chi je elsam b'i pa cho'ab' chwach kulew. Iri xwil pinwach are xuk'ut Utewal i Ajwal chwe. Chrijil chik iri xsach pinwach wach xwilo.

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

Habacuc 2:8

I nimaq taq tinimit kkimol ni kib' chawij, kkel-aj nu b'i ub'itaq awe pacha xawel-aj b'i yet chke. Kki'an ni chawe chi katoj ronojel ni'pa i utz taj chi ka'ano, i ch'oj chi xa'an pa tinimit xaq chkij i nimaq taq tinimit i konojel uwinaq.