JEREMÍAS 50:1 - Wuj Pa K'ubultzij

¹ Tzijonik chrij i Babilonia, nim laj tinimit ke aj Caldea, tzij chi xub'ij i Ajwal che ma Jeremías chi profeta:

JEREMÍAS 50:1 Referans Kwoze

2 Pédro 1:21

Man mijun profeta to' xutz'ib'aj wach unojb'al ire. Xwiri ni'pa i xkib'ij ike, lik are utzij i Dios, man ike lik xkiya kib' pu'ab' i Dios, xaq wach i xkib'ij, lik are Lo'laj Utewal i Dios xyaw chke.

Hechos 7:4

Are uri i mam Abraham xel che i ulew Caldea, x-e pa jeqelem chila Harán, are o chila xkam uqajaw; chrijil chik ile i Dios xuk'am li waral che i ulew pa ix jeqel wi yix wo'or.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

ISAÍAS 23:13

Chiwila pe ulew le chi are ulew re kokb'al i barco. I je aj Caldea xkiwalijsaj tak' taq ja chila xaq xkiwulijsaj i nim laj rachoch i ajawinel re i tinimit Sidón, xki'an wulijnaq taq ja che. Ile kimak ike, kimak ti aj Asiria.

ISAÍAS 14:4

kab'ij ni chomalil tziji re uyo'yaxik i ajawinel re Babilonia, ¡Chiwila pe k'a ipa xeuk'isa wi i krajawin te'eq! ¡Chiwila pe k'a ipa xuk'isa wi i jun chi kukoj u'ij!

Job 1:17

K'amaja ne kutzin i achi chub'ixkil ronojel ile, chi xupon chik urox achi chuya'ik i tziji che: —Oxib' tzob'ajil aj Caldea xeupon qu', xkikamsaj kan i wachi'il ru' kuchil xaq xkel-aj b'i konojel i kamey. Xwi yin xinch'ij anmajik chub'ixkil chawe wach taq xqak'ulmaj.

2 Samuel 23:2

I Utewal i Ajwal u'anom chi ni'pa kinb'ij chiwe lik are ire kb'inik; ni'pa utzij lik chutzam wa' o wi.

GÉNESIS 11:31

I mam Taré xel pa Ur ke aj Caldea, x-e k'a Canaán, xuk'am b'i uk'ojol ru' chi a Abram, a Lot chi ri umam xaq i ralib' chi al Sarai rixoqil a Abram. Xwiri are xeupon che i tinimit Harán xejeqi chila che i tinimit le.

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

Apocalipsis 14:8

Xk'un chik jun ángel chrij i jun le, i xub'ij: “¡Ya xqaj u'ij i nim laj tinimit chi ajch'oj chrij i Dios, chi are i tinimit Babilonia! ¡Ya xsachsax uwach i tinimit le chi xuk'ut chke konojel i nimaq taq tinimit chu'anik kimak xaq che i kojonik chke i tiox chi xaril je antalik.” Xub'ij i ángel.

GÉNESIS 11:9

Are u'ankil uri chi xkiya pub'i i nim laj tinimit le, Babel, man chila xyoj wi kich'ab'al konojel i winaq rumal i Ajwal xaq xeukichersaj b'i chwach i jyub' ta'aj.

2 Reyes 17:24

I ajawinel re i tinimit Asiria xeuk'am li i winaq pa tinimit Babilonia, Cuta, Ava, Hamat xaq Sefarvaim man kejeqi chila Samaria pkik'exel aj Israel. Keje uri ile chi xejeqi ike chila pa tinimit Samaria xaq che jub'an chik nimaq taq tinimit chi re i Samaria.

JEREMÍAS 25:12

Are ktz'aqat i lajuj oxwinaq (70) junab' kinya ni utojb'alil che i ajawinel aj Babilonia xaq che i nim laj utinimit, xaq kinsach ni uwach i tinimit ke aj Caldea ronojel ij saq. Yin in Ajwal, xinb'iw ile.

Daniel 1:1

Che urox junab' re rajawinik ma Joacim, ajawinel re i Judá, i ma Nabucodonosor ajawinel re i Babilonia, xupon pa Jerusalén xaq xusutij rij i tinimit ku' uwinaq chi je yij che i ch'oj.