JEREMÍAS 5:18 - Wuj Pa K'ubultzij

¹⁸ I Ajwal kub'ij: Che taq i ij le, lik kinsach ti iwach iwonojel.

JEREMÍAS 5:18 Referans Kwoze

JEREMÍAS 5:10

¡I je ajch'oj chkij lik che'okoq xaq chkisacha uwach ronojel i tikon chi o chila pa tikb'al uva, xwiri lik ronojel taj kkisach uwach. ¡Chki'oqij u'ab' taq i uva, man ile tikb'al ti chik in-uva!

JEREMÍAS 4:27

I Ajwal kub'ij: Lik kch'aj nu b'i uwach ronojel jyub' ta'aj, xwiri kinsach ti uwach ronojel.

Ezequiel 11:13

Tz'aqat yin kintijin chulapik utzij i Ajwal chke, i ma Pelatías, chi uk'ojol ma Benaía, xtzaq pulew i xkamik. Yin xinxuki'ik, xinqajsaj inpalaj k'a chwach ulew, lik ko xinsik'inik i xinb'ij: “¡Ay, Ajwal! ¿Xatab'a kasach kiwach i jub'i' chik chi k'a je o kan pa tinimit Israel?”

Ezequiel 9:8

Tz'aqat are ketijin chu'anik, yin xinkanaj kan intukel. Te'uri xinxuki'ik, xinqajsaj inpalaj k'a chwach ulew, lik ru' uk'axk'ol ink'ux xinsik'inik: “Ajwal ¿Kawesaj ni ronojel awoywal puwi i tinimit Jerusalén, lik k'a ksach ni uwach ronojel ni'pa jub'i' chik chi je o pa Israel?”

JEREMÍAS 5:17

Kkitij nu b'i uwach atikon, awa, xaq kekib'i' ne b'i ak'ojol xaq i ami'al. Kekitij nu b'i achij, achikop, a-uva, xaq i a-higo. Ru' kich'ojb'al kkiwulijsaj ni nimaq taq tinimit chi sutim rij ru' tapial chi akub'am ak'ux yet che.”

JEREMÍAS 5:19

Are ktz'onox chiwe: “¿B'uchak xu'an ronojel I Qajwal Dios ile chqe?” Keje ula'ik uwach iri chi'ana chke: Keje pacha ro'taxik kan i Ajwal xi'ano xaq xiya iwib' chu'anik ipatan chkij jub'an chik dios aj naj chila piwulew, xaq keje u'anik ipatan ile ki'an chkij i winaq je aj naj chwach jun ulew chi iwe taj.

JEREMÍAS 30:11

Yin, chi in Ajwal kinb'ij, chi in o iwu' re kixinto. Kinsach ni kiwach konojel ni'pa i nimaq taq tinimit ipa xixinkichersaj wi b'ik. Xwiri yet kinsach ti awach; xwi kinya utojb'alil chawe chrij pacha kmajawik, Man lik to' ti ksach utojb'alil i amak.

Ezequiel 20:17

Xwiri xwil tob'al kiwach rumali xinsach ti kiwach, lik xeinkamsaj ti pa tz'inilik jyub' chaqij.

Habacuc 1:12

Ajwal, ¿Xatab'a at o ti Yet ronojel ij saq, lo'laj in-Dios Yet chi lik katkam taj? Ajwal xaq at tol we, Yet aya'om kicho'ab' aj Caldea man keje ile ike kki'an ni i a'atb'al tzij.