JEREMÍAS 49:5 - Wuj Pa K'ubultzij

⁵ B'ay, xwiri pa taq ronojel k'ijib'al ipa katk'iji wi kintaq b'i xib'rikil pawi. Yin in Ajwal, chi Ronojel Kintiki che, kinb'ij: Yix lik chijujunal kixel nu b'i pa'anem, xaq lik mijun kumol chik ichi'.

JEREMÍAS 49:5 Referans Kwoze

JEREMÍAS 49:29

Cheimaja i ral taq ja wu'waq chke, xaq chik'ama i kichij, xaq i kik'ul re mujb'al i ronojel ub'itaq ke. Chimaja i kikamey xaq lik chixsik'in chke: ¡Lik xaipa o xib'rikil!

JEREMÍAS 46:5

Xwiri ¿Wach i kwilo le? Xetzalij chkij rumal i nim laj xib'rikil. I kajch'oj xekicher b'ik man xech'akik; pa'anem xe'anmajik, lik xetzun ti chkij. ¡Xaipa o i k'ax! Yin in Ajwal, xinb'iw ile.

AMÓS 4:3

Itususem iwib' kixel nu b'i pa taq ch'ut b'e, i kixk'aq ni chila che i jyub' Hermón.” I Ajwal xub'ij ile.

JEREMÍAS 20:4

Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil.

JEREMÍAS 15:8

Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.

ISAÍAS 16:3

Kkib'ij che i Sion: Cha'ana jun ach'ob'onik re tob'al qe, yet lik chojato. Chali b'i uwach amuj are tik'il ij, pacha taq cha'ab'; cheawuwaj i je oqtam xaq meajach i je anmajnaq loq.

Proverbios 28:1

I utz ti laj winaq k-anmajik tupu mijun koqtawik; xwiri i utz laj taq winaq lik kul kik'ux pacha jun koj.

Job 15:21

Kuta jalajuj taq ch'awb'al chi kxib'taj rumal; xaq are lik utz olik, i ili'omab' kkel-aj b'i ub'itaq re.

2 Reyes 19:7

Chata pe': Yin kin-an na chi kuta ni jun chub'al chi qatzij taj, man keje ile ktzalij nu b'i putinimit, chila kin-an ni che chi kkamsax na.” Xcha ma Isaías.

JOSUÉ 2:9

—Weta'am chi Ajwal uya'om ulewi chiwe, man Ire u'anom chqe chi kqaxij qib' chiwe yix, konojel i winaq re i tinimit lik to' ketzaq chik pulew rumal kixib'rikil.

JEREMÍAS 16:16

Kin-an na chi kek'un k'iyal taq ajchapol kar chapb'al ke aj Israel, Yin in Ajwal kinb'ij. Chrijil chik ile kin-an na chi kek'un k'iyal taq ajmontiyar re kekichapo xaq kekesaj li chwi taq jyub' xaq chwi taq loma xaq kekesaj li pa taq k'awalaq re i nimaq taq ab'aj.

Lamentaciones 4:15

“¡Chixel loq, chijek'a iwib' —xesik'in i jub'an chub'ixkil—; man lik nixti ch'am laj taq winaq, mojichapo!” “Yix ix are i winaq chi to' ix enaq b'ik —keje ile xkib'ij i winaq chi kkikoj ti u'ij i Dios—, jix, lik mixjeqi chi.”

JEREMÍAS 6:25

¡Mix-e pa taq es xaq mix-e pa taq b'e! ¡I ajch'oj lik uyijb'am rib' ru' rajch'ojb'al, lik xaipa o nimaq taq xib'rikil!”