JEREMÍAS 49:35 - Wuj Pa K'ubultzij

³⁵ “Yin in Ajwal, chi ronojel kintiki che, kinb'ij: Kinpatz' ni k'aqb'al kich'ab' aj Elam, chi lik are kikowil re anb'al ch'oj.

JEREMÍAS 49:35 Referans Kwoze

ISAÍAS 22:6

I je aj Elam xkiyijb'a i kich'ab', te'uri xe'an pa taq kareta, rij taq kaway, i je aj Kir xkesaj li tob'al kib'.

JEREMÍAS 51:56

Xek'un chusachsaxik uwach i tinimit Babilonia; xaq chkichapik i achiyab' chi je yij che i ch'oj xaq lik xki'an ch'aqa taq che i k'aqb'al kich'ab'. Man i Ajwal lik are jun Dios chi lik chkijujunal kuya utojb'alil chke pacha kmajawik.

Salmos 46:9

Ire uchupum uwach i ch'oj chwach ronojel i jyub' ta'aj, upatz'om i k'aqb'al ch'ab', u'anom mutmut che i che' ch'ich' utzam, ¡Uk'atom i ch'ich' re anb'al ch'oj!

JEREMÍAS 50:29

¡Cheisik'ij konojel ajk'aqol ch'ab', re kki'an ch'oj chrij i tinimit Babilonia! ¡Chisutij rij i nim laj tinimit man keje ile mijun k-anmajik! ¡Chi ya utojb'alil chke pacha kmajawik! ¡Chi'ana che ire pacha xu'an ire! Man ire xu'an nim che rib' chinwach Yin, chi in Ajwal, lo'laj Dios ke aj Israel.

JEREMÍAS 50:14

¡Jix pik'ijib'al, ajk'aqol ch'ab', lik chisutij rij i tinimit Babilonia! ¡Chixk'aqan ru' konojel i ch'ab' chkij ike! Man xemakun chinwach Yin, chi in Ajwal.

Oseas 1:5

Che i ij le kinsach ni kiwach i achiyab' aj Israel chi je yij che i ch'oj che uwa ta'aj re Jezreel.”

Salmos 46:10

¡Chixuxlanoq! ¡Chiwetamaj chi Yin in Dios! ¡Yin in o puwi i nimaq taq tinimit! ¡Yin in o puwi ronojel i jyub' ta'aj!

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!