29 Cheimaja i ral taq ja wu'waq chke, xaq chik'ama i kichij, xaq i kik'ul re mujb'al i ronojel ub'itaq ke. Chimaja i kikamey xaq lik chixsik'in chke: ¡Lik xaipa o xib'rikil!
Xwiri ¿Wach i kwilo le? Xetzalij chkij rumal i nim laj xib'rikil. I kajch'oj xekicher b'ik man xech'akik; pa'anem xe'anmajik, lik xetzun ti chkij. ¡Xaipa o i k'ax! Yin in Ajwal, xinb'iw ile.
Ink'ijib'al lik wulijnaq, ronojel ni'pa i laso je t'uqkrijnaq. I wak'al in ko'tam kanoq, ¡Lik je nti chik! Lik nti chik jun kuyijb'a chik ral taq wachoch wu'waq, pachin chik jun kurip chub'i i k'ul puwi.
Lik uterb'em rij utzijol i xaqmanal taq anik, xaq ronojel i nim laj tinimit lik xaqmanal ktijin chuk'ulmaxik. Xaqte'et xkiwulijsaj ink'ijib'al, lik mutmut x-on kan i wu'waq taq ja re wachoch.
Konojel ni'pa i kichikop aj Cedar ke'on ni awe yet, ni'pa i ti'ojib' taq chij ke aj Nebaiot ke'ax ni pa'ab' re kasujuj puwi i sujb'al sipon re i Ajwal, pacha jun sipon re umuyal uk'ok'al xaq Ire ku'an na chi lik mas k-on chom i chom laj rachoch.
Lik nti chik winaq kejeqi chwach, lik nti chik jun kjeqi taq chwach i tinimit le. I je aj Arabia ke'uxlan ti chik chila, mitene i je ajyu'ul chij kekuxlansaj ti chik i jalajuj taq kichikop chila.
je o lajujwinaq wuqlajujmo' (7,000) uchij, lajujwinaq wuqmo' (3,000) ukamey, jo'winaq jumo' (500) yunt ub'oyexab' xaq jo'winaq jumo' (500) u'axna. Xaq lik je o k'iyal uwinaq chi je o pa k'ax pu'ab' ire, lik xwi ire b'eyom chila chwach ronojel ulew chi o pusuk' i relb'al ij.
Kolo kawinaq (40) pexu ralil ronojel i b'aq chi an-o'oj, xok ti uri pajil ronojel ni'pa i jub'an chik wiqb'al rib' jun winaq, xaq xoksax ti pajil i k'ul kaqkoj chi ki'u' i ajawinelab', xaq xoksax ti pajil i ketz'b'alil kiqul i kamey.
Are uri ma Zeba xaq ma Zalmuna xkib'ij che ma Gedeón: —Chojakamsaj yet man jun achi ketamax uwach rumal ukowil uwach. Are uri ma Gedeón xwalijik i xeukamsaj xaq xuk'am li wiqb'al chi o pkiqul kikamey ma Zeba xaq ma Zalmuna.
I aj Madián, aj Amalec xaq i je aj prelb'al ij, lik kikichersam b'i kib' chwa ta'aj pacha jub'an sak'; lik k'i kikamey pacha i seneb' chi o chuchi' i mar.
I winaq le kki'an kimujb'al chupam kitikon aj Israel xaq kkiya kichikop chwach kulew anb'al k'ax che ronojel ni'pa o chila. Are keuponik lik k'i kikamey kok'am b'ik pacha kik'iyal jub'an sak'.
Are x-antaj ile xekub'i chwa'im, xaqte'et xkil pan chinaj chi ktijin kik'unik jub'an winaq aj Ismael, je petnaq k'a Galaad lik keb'alk'at kikamey chuxe' i kunb'al muy, bálsamo xaq i mirra kkik'am b'i pa Egipto.
B'ay, xwiri pa taq ronojel k'ijib'al ipa katk'iji wi kintaq b'i xib'rikil pawi. Yin in Ajwal, chi Ronojel Kintiki che, kinb'ij: Yix lik chijujunal kixel nu b'i pa'anem, xaq lik mijun kumol chik ichi'.