JEREMÍAS 49:2 - Wuj Pa K'ubultzij

² Rumali, Yin in Ajwal, kinb'ij: Kuriqa ni ij chi kin-an che i tinimit Amón aj Rabá chi kuta i sik' re i ch'oj; lik k-on ni pacha jun tinimit wulijnaq, xaq kiwinaq chi je jeqel chwach, kejuluw ni pa a'. Are uri tinimit Israel kuyak chik utinimit. Yin in Ajwal, xinb'iw ile.

JEREMÍAS 49:2 Referans Kwoze

JEREMÍAS 4:19

¡Kinb'ak'ak'ej wib' rumal uk'axk'ol xaq i wanima lik ko ktujuwik! ¡Lik kink'achirik, kintiki ti chu'atixik wib' chub'ixkil wach xinta! Lik intom juxut'aj uch'awb'al trompeta, xaq jun sik'inik re i ch'oj.

Ezequiel 21:20

Cha'ana jun b'e, ipa kik'aw wi i ajawinel ru' uch'ich' chi k'ulala o uware. I tinimit are iri: Rabá chi je aj Amón xaq i tinimit Jerusalén, chi sutim rij ru' tapial nim uwach re i Judá.

Deuteronomio 3:11

I ma Og le lik xwi te'eq ire kanajnaq kan chke konojel aj Refaim. Ire le lik naj rij man uch'at lik keb' xik'ab' ru' nik'aj raqan xaq jun xik'ab' ru' keb' ripaj ab'aj uwach i uch'at le lik ch'ich'. I ch'at le k'a o chila pa tinimit Rabá chi kitinimit aj Amón.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

2 Samuel 11:1

Xuk'ulmaj jun ij chi are xjeqan i sa'ij, chi are ij ile chi konojel i ajawinelab', arewi ke'e chu'anik ch'oj, i ma David xutaq b'i ma Joab junam ku' i rajpatanib' xaq konojel i achiyab' aj Israel chi je yij che i ch'oj, xekikamsaj aj Amón xaq xkisutij rij i tinimit Rabá. Xwiri ma David o kan chila pa tinimit Jerusalén.

JEREMÍAS 49:1

Utzijonik i Ajwal chkij aj Amón: ¿Ipa je o wi i rak'al ma Israel? ¿Ipa je o wi i je rajaw kan ub'itaq re? ¿B'uchak chi i dios Milcom wo'or lik are ire rajaw i Gad? ¿B'uchak chi aj Amón je jeqel pa nimaq taq kitinimit ike?

Salmos 97:8

Qajwal, i Sion xaq i utinimit chi Judá lik kekikotik rumal ataqanik.

Salmos 48:11

¡Chkikot ni i jyub' Sion! ¡Chesak'lin ni che i kikotemal i jalajuj taq tinimit Judá rumal i suk'ul laj a'atb'al tzij!

NÚMEROS 21:25

Are uri aj Israel xkik'am kan i tinimit Hesbón rachi'ilam ronojel ukomon chi ke aj Hamor xaq xejeqi chwach.

ABDÍAS 1:19

I je aj Israel re Neguev kek'iji ni che i k'ijib'al re i jyub' re ma Esaú, i je aj chwa ta'aj kkik'am ni kulew i je aj Filistea. Xaq kek'iji ni chwach ulew re ma Efraín xaq i ulew re i Samaria, i je re ma Benjamín kkik'am ni kan i ulew ke aj Galaad. I uk'iyal winaq re i tinimit Israel chi xe'elsax b'i pkitinimit kkik'am ni ulew ke aj Canaán k'a che i Sarepta, xaq i winaq aj Jerusalén chi je o pa Sefarad kek'iji ni chwach i nimaq taq tinimit Neguev.

NÚMEROS 10:9

Are kek'un ajch'oj chu'anik ch'oj chiwij chwach iwulew, rajwaxik uri chi yix ki'an ni ch'oj chkij ike le. Xwiri rajwaxik chi kixut'ij i trompeta xaq ko chixsik'inoq man keje ile, Yin chi in i-Dios yix kixk'un ni chink'ux, kixinto na xaq kixwesaj ni pki'ab' ajch'oj chiwij.

Deuteronomio 13:16

Kimol ni uchi' ronojel ub'itaq ke chila pa k'eb'al, xaq kinak' ni a' che i tinimit xaq ronojel ni'pa kimaj chke i ajch'oj chiwij, lik ronojel kichup ni uwach pacha jun porom sipon kojb'al u'ij Iwajwal Dios. I tinimit le kkanaj na ronojel ij saq jut'ub'aj ch'aqa taq ab'aj xaq lik kyijb'ax ti chik.

JOSUÉ 17:11

Xwiri utzob'ajil ma Manasés o kitinimit rachi'ilam i komon pa kulew ma Aser xaq i ma Isacar, jujun tinimit is rachi'ilam ukomon, chi are i tinimit Bet-seán rachi'ilam ukomon, tinimit Ibleam rachi'ilam ukomon, tinimit Dor rachi'ilam ukomon, tinimit Endor rachi'ilam ukomon, tinimit Taanac rachi'ilam ukomon xaq i tinimit Meguido rachi'ilam ukomon; oxib' setaj ulew rachi'ilam ukomon

JOSUÉ 17:16

I ulemajil ma José xkila' uwach che: —Saq laj tzij, i jyub' chi kab'ij chqe le xaq kojok ti chwach, xwi ta la ile, xaq konojel i je aj Canaán chi je o chwa ta'aj o kich'ich' re i ch'oj xaq keje i je o chila Bet-seán rachi'ilam ukomon xaq pacha i je o chila chwa ta'aj re i Jezreel.

ISAÍAS 17:1

Tzijonik chrij i Damasco: I tinimit Damasco ksach ni uwach; lik kkanaj na pacha uk'iyal ja wulijnaq.

ISAÍAS 11:14

Chekeb' kkok'aj nu b'i kib' puqajb'al ij, ke'e chkij aj Filistea lik chkij ke'ok wi; junam kkimaj ni kib'eyomal i tzob'aj chi je o prelb'al ij. I kicho'ab' kupon ni k'a pa Edom xaq k'a pa Moab, xaq kkiqajsaj ni ki'ij aj Amón.

Ezequiel 21:25

Yet, ajawinel re Israel, chi lik at itzel laj ajkamsanel, ya kk'un i ij chi kya' i k'isb'al utojb'alil chawe.