JEREMÍAS 48:45 - Wuj Pa K'ubultzij

⁴⁵ O jub'an chi lik nti chik kicho'ab', ke'anmaj chutzukuxik tob'al kib' che umuj i tinimit Hesbón; xwiri i Hesbón, i tinimit re ajawinel Sehón, lik o purep a', i a' lik ktijin u'enam xaq lik kuk'at b'i uwach i tinimit Moab, tinimit chi ch'am ti unojb'al.

JEREMÍAS 48:45 Referans Kwoze

NÚMEROS 24:17

O jun b'iroxik kwilo chi k-antaj na k-on panoq, kwil pinwach chi o kk'ulmaxik xwiri lik k'a naj na o wi, are jun ch'umil chi kel ni chkixol rak'al ma Jacob, jun ajawinel chi kel ni chkixol aj Israel. Kuchup ni kiwach aj Moab, xaq konojel umuq uxikin ma Set.

NÚMEROS 21:28

I a' xujeq b'i uk'atik i tinimit Hesbón, chi are utinimit ma ajawinel Sehón, chila xwinaqir wi i a' chi xuk'at b'i tinimit Ar chi o chila che ulew Moab, xaq xk'at b'i jalajuj taq jyub' chi re i jyub' Arnón.

Mateo 21:42

Te'uri i Jesús xaq xub'ij chke: —¿Xatab'a iwilom taj wach tz'ib'tal kan chupam uwuj i Dios? Keje iri kub'ij: I ab'aj chi xkaj ti xkikoj i je aj-anol ja, are i ab'aj le chi xe'eloq lik nim ni uchak che i kub'ib'al ja. Are i xe'eloq le are i Ajwal Dios x-anawik, rumali lik kojkikotik.

ZACARÍAS 10:4

Chke ike kel wi Ab'aj chi nim U'ij chi xaq kerok'aj, i Estaka re i Wu'wik ja xaq i K'aqb'al ch'ab' re Ch'oj. Chke ike ke'el wi konojel i je aj-atzil chi keok'aw utzam i ch'oj.

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

NÚMEROS 21:26

Hesbón are i tinimit ipa jeqel wi te'eq ma Sehón, chi ajawinel ke aj Hamor. I ma Sehón le u'anom ch'oj ru' i ajawinel chi o te'eq puwi i Moab xaq umajom kan ronojel ulew che chi kupon uchi' k'a che i raqana Arnón.

NÚMEROS 21:21

I aj Israel xekitaq b'i jub'an achiyab' ru' ma Sehón, chi ajawinel ke aj Hamor, chub'ixkil i tziji:

NÚMEROS 21:29

¡To' awach, yet, ulew Moab! ¡Lik at kamnaq chik, chi at utinimital i tiox Quemos! I tiox le xuya chke achiyab' chi xe'anmajik, xaq xuya chke ixoqib' chi xetzaq pu'ab' i ajawinel Sehón.

Salmos 78:63

I alab'om xek'atsax pa a'; ¡Xaq i altom xb'ixax ti b'ix chke re i k'ulankil!

Salmos 135:11

Ma Sehón chi ajawinel aj Hamor, ma Og chi ajawinel aj Basán, xaq konojel i ajawinelab' re i tinimit Canaán;

JEREMÍAS 2:16

I winaq re i tinimit Menfis xaq i tinimit Tafnes lik xkiraqij ajolom.

JEREMÍAS 48:2

I ukojik u'ij i tinimit Moab xk'isik. Pa Hesbón i je ajch'oj kki'an jun ch'ob'onik man keje ile i nim laj tinimit Moab ksachsax ni uwach. Xaq keje yet Madmena, katsachsax na, xaq i ch'oj lik katro'taj taj.