JEREMÍAS 48:37 - Wuj Pa K'ubultzij

³⁷ Konojel i winaq is kisolom b'i kiwi che kijolom xaq ronojel i kismachi' is kisolom b'ik; xaq konojel ki'anom sokonik che i ki'ab' xaq kikojom ki'u' as.

JEREMÍAS 48:37 Referans Kwoze

JEREMÍAS 47:5

I winaq re Gaza kkisol b'i kiwi che kijolom, i winaq re Ascalón kekanaj na chi kel ti chik kich'awb'al. K'isb'al chik winaq chi naj kij re ujer, ¿K'a junpa ka'at ni ach'akul k'utb'al re uk'axk'ol?

JEREMÍAS 41:5

xeupon aj Siquem, aj Silo xaq aj Samaria kajwinaq (80) achiyab', chi lik kisolom b'i kismachi', i ki'u' lik raqch'ijnaq xaq i kich'akul lik k'iyal soktajnaq o che, chi xa are ike je anawnaq che kib'. Xwi ta la ile, xaq kik'amom li sipon ch'irajil xaq pom, re kkiporoj chwach i Ajwal chila prachoch.

GÉNESIS 37:34

Are uri mam Jacob xuraqch'ij u'u', xaq xukoj jun chik u'u' re b'is xaq k'iyal ij xo' che uk'ojol.

JEREMÍAS 16:6

Che nimaq che ch'utiq kekam ni chwach i nim laj tinimit le, lik mijun kemuquwik, mijun ko' ni chke, xaq mijun kuk'utu chi k'ax kuna uk'ux, xaq mijun kusok taq uch'akul rumal ub'is, xaq we kusol b'i uwi.

ISAÍAS 20:2

Che taq i ij le i Ajwal xu'ijla i ma Isaías, chi uk'ojol ma Amoz, xub'ij che: “Chawesaj i a'u' chi akojom le chi lik as xaq chawesaj i axajab' che awaqan.” I ma Isaías keje ile xu'ano xresaj uxajab' xaq laj xuch'anb'a rib'.

Apocalipsis 11:3

Xwiri, yin keintaq b'i keb' ajsaqinel tzij chi kikojom ki'u' as, chuya'ik i tzijonik re k-on panoq re oxib' junab' ru' nik'aj. Keje xub'ij i Dios ile chwe.

Marcos 5:5

I achi le chi o itzel tew che, arewi chipa'ij chicha'ab' kmalkat tzam taq jyub' xaq chwi taq kamnaq, to' ksik'inik xaq to' ku'an k'ax che rib' ru' ab'aj.

Miqueas 1:16

Xwiri yet, tinimit re Sion, chasolo b'i awi che ajolom k'utb'al re i k'ax, kumal awak'al chi lik k'ax keana'o. Lik chasolo b'i awi che ajolom k'a ku'an ni tz'um paja' pacha re jun k'uch, man i awak'al ke'elsax nu b'i pa cho'ab' chwach kulew.”

AMÓS 8:10

Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.

Ezequiel 27:31

Awumal yet kkisol b'i kiwi lik kki'an tz'um che i kijolom, kkikoj ni ki'u' re muqunik xaq lik ke'o' ni ru' uk'axk'ol kik'ux.

Ezequiel 7:18

Kkikoj ni ki'u' as k'utb'al re uk'axk'ol; ronojel kich'akul kb'arb'at na, are ke'ek i kipalaj kaqchinchoj u'anom rumal kik'ixb'alil xaq kisolom b'i kiwi che kijolom.

ISAÍAS 37:1

I ajawinel ma Ezequías are xuta i tzij le, xuraqch'ij u'u', xukoj u'u' as, k'utb'al re ub'is, xaq x-e prachoch i Ajwal.

ISAÍAS 3:24

Puk'exel i kunb'al muy kk'iji ni chuyil, puk'exel i ximb'al pamaj kk'iji ni ch'aqap laso; puk'exel i chom laj uyijb'axik wi'ij ku'an ni tz'um pkija'; puk'exel i k'ul chi paqalik kk'iji ni i k'ul chi lik as; puk'exel i chomalil k-on ni yuk rumal uk'aton jun ch'ich' k'atan pa a'.

2 Reyes 6:30

I ajawinel le are xuta wach taq xuk'ulmaj i ixoq, are uri xuraqch'ij u'u' rumal i roywal. Konojel i winaq xkinab'ej chi ajawinel le xukoj u'u' as, man tak'al li puwi i tapial chi nim uwach.

1 Reyes 21:27

I ma Acab are xuta ronojel ni'pa xb'ix che, xuraqch'ij u'u', xukoj u'u' as xaq xumayij uwa'im. Xaq ru' u'u' as le kwar wi xaq lik kb'isonik.

1 Reyes 18:28

Ike xkimayij ti sik'inik xaq xki'at kich'akul ru' kuchil chrij pacha kikojonik ike, lik k'a xeatin pa kik'.

LEVÍTICO 19:28

Mi'at taq ich'akul rumal ib'is che jun kamik; mi'an taq jun k'exwachij che ich'akul. Yin in Iwajwal Dios xinb'ij iri chiwe.

GÉNESIS 37:29

Are xupon chik a Rubén chila ipa o wi i k'otom are uri xrilo chi nti chik a José chila chupam i k'otom le, rumali xuraqch'ij u'u' rumal ub'is.

JEREMÍAS 49:3

¡Chato'oq Hesbón, man i tinimit Hai wulijsam! ¡K'ax chuna ik'ux yix ixoqib' aj Rabá! ¡Chikojo i'u' re o'ej rumal i kamik, chich'aya uwach taq ik'ux! ¡Chi'ana i anem pacha taq ix ch'uj, chisoko ich'akul! Man i dios Milcom kelsax nu b'i pa cho'ab' chwach rulew, junam ku' i rajsujul sipon xaq i winaq chi lik nim ki'ij.

Ezequiel 29:18

Ma Nabucodonosor, ajawinel re i tinimit Babilonia, junam ku' i achiyab' chi je yij che i ch'oj, kijeqom jun nim laj ch'oj chrij i tinimit Tiro; chi lik konojel xch'oltaj b'i kijolom xaq lik xu'an ch'ak uwi taq kiteleb'; xwiri mitene ire xaq mitene i rajch'oj nti kich'akom che i ch'oj le chrij i tinimit Tiro.

PRIMER LIBRO DE CR%D3NICAS 19:4

Are uri ma Hanún xutaq kiminik i rajpatan ma David prexil, usolik nik'aj che kismachi' xaq uraqch'ixik ki'u' pa nik'aj k'a kupon che uwi ka'. Chrijil chik ile, te'uri xeutaq b'ik.