JEREMÍAS 48:36 - Wuj Pa K'ubultzij

³⁶ Rumali i wanima lik kjilawik man k'ax kuna i tinimit Moab xaq kumal konojel i winaq re Kir-hares; ru' uch'awb'al i su' re kamnaq man i b'eyomal chi xumol uchi' xsachik.

JEREMÍAS 48:36 Referans Kwoze

ISAÍAS 15:7

Rumali i winaq xe'ok chumolik ronojel ub'itaq ke xaq xkik'am b'i k'a jela ch'aqap che i raqana re i So'os.

ISAÍAS 16:11

I wanima lik kuyin rib' pacha jun arpa rumal i Moab xaq rumal i Kir-hareset.

ISAÍAS 15:5

I wanima kutz'onoj tob'al ke aj Moab, man ike pa'anem ke'anmajik ke'e k'a pa Zoar, k'a pa Eglat-selisiya. Ke'o'ik kepaqi b'i chwa jyub' Luhit, che i b'e chi k-e pa Horonaim chila kesik'in wi rumal uk'axk'ol i k'ax chke.

JEREMÍAS 17:11

I winaq chi utz ti uriqik ub'eyomal ku'an che, lik keje pacha jun ati t'uq chi keupo'saj i saqmol chi je re taj. Lik are k'a o ucho'ab' kro'taj kan ub'eyomal, pa k'isb'al re ke'eloq chi xa are jun utz ti laj nojb'al.

JEREMÍAS 4:19

¡Kinb'ak'ak'ej wib' rumal uk'axk'ol xaq i wanima lik ko ktujuwik! ¡Lik kink'achirik, kintiki ti chu'atixik wib' chub'ixkil wach xinta! Lik intom juxut'aj uch'awb'al trompeta, xaq jun sik'inik re i ch'oj.

ISAÍAS 63:15

Chawila Ajwal, k'a chila loq chikaj, ¿Ipa at o wi che i lo'laj ak'ijib'al chi lik ch'am xaq chom ipa at jeqel wi? ¿Ipa o wi i nim laj k'axnab'al ak'ux xaq i acho'ab'? ¿Ipa o wi i utz laj ach'ob'onik chqe yoj? ¿Xk'is i rutzil ak'ux chqe yoj?

Proverbios 18:11

I b'eyom kuch'ob' ire chi ub'eyomal keje pacha jun tinimit chi sutim rij ru' tapial naj uwi.

Proverbios 13:22

Jun utz laj winaq kuya kan kuxtab'al re chke i ri umam; xwiri kib'eyomal ajmakib' kya' ni chke i je utz laj taq winaq.

Proverbios 11:4

I b'eyomal lik nti uchak are kuriq i ij chi ku'at tzij i Ajwal pqawi, xwiri i u'anik i suk'ulik, kojresaj chwach i kamik.

2 Reyes 3:25

Te'uri xkiwulijsaj ronojel i jalajuj taq tinimit, xkinojsaj che ab'aj ronojel uwach ulew ipa ketikan wi, xkitz'apij ronojel i ralaxb'al ya xaq xkik'atzij ronojel i che' chi kuya uwach. Xwi xkanaj kan i tinimit chi Kir-hareset ub'i. Xwiri jub'an ajk'aqol ab'aj, xkisutij rij i tinimit le xaq xkisachsaj uwach.

JEREMÍAS 48:31

Rumali kino' na xaq kintz'uyunej na kumal konojel i winaq re i tinimit Moab xaq rumal konojel i winaq re Kir-hares.