JEREMÍAS 48:24 - Wuj Pa K'ubultzij

²⁴ aj Queriot, aj Bosra xaq konojel nimaq taq tinimit re Moab, naqaj xaq i je aj naj.

JEREMÍAS 48:24 Referans Kwoze

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

JEREMÍAS 48:41

Nimaq taq tinimit xaq ronojel ukowib'al ktzaq ni pki'ab' i ajch'oj chrij. Che taq i ij le i achiyab' chi je yij che i ch'oj re i tinimit Moab kesiksat na pacha jun ixoq chi ya kalax rak'al.

JOSUÉ 21:36

Xaq xya' kan i tinimiti chke chi o pkulew utzob'ajil ma Rubén: Beser, Jahaza,

Deuteronomio 4:43

I oxib' tinimit le je are iri: Beser chi o chwa ta'aj che i tz'inilik jyub' chaqij, chila kkito wi kib' ulemajil ma Rubén; Ramot, chi o chila Galaad, chila kkito wi kib' ulemajil ma Gad; Golán, chi o chila Basán, chila kkito wi kib' nik'aj che ulemajil ma Manasés.

GÉNESIS 36:33

Are xkam ma Bela xkanaj ma Jobab puk'exel, ire le are uk'ojol ma Zera aj pa tinimit Bosra.

ISAÍAS 63:1

—¿Pachin taq ile chi upetik pa Bosra chi are unimal tinimit re Edom, chi kaq ktzun u'u', chi lik chom uwiqik rib' u'anom, chi xaq are kb'inik lik ktatajik chi lik o ucho'ab'? —Yin ile chi kintzijoj i ch'akanik che i ch'oj, xaq lik o incho'ab' re i tonik.

JEREMÍAS 49:13

Yin in Ajwal, lik kinsaqij pinb'i: I tinimit re Bosra k-on ni pacha jun tz'inilik jyub', xaq lik kwulij na, lik are jun k'utb'al re che chi xqajsax u'ij xaq xutij i k'oqb'al, xaq i jub'an chik nimaq taq tinimit kekanaj ni puyej ronojel ij saq.”