JEREMÍAS 48:19 - Wuj Pa K'ubultzij

¹⁹ Tinimit re Aroer, chattak'al chutzal i b'e xaq chawila; chatz'onoj chke i k'a je k'as kanoq wach xk'ulmaxik.

JEREMÍAS 48:19 Referans Kwoze

Deuteronomio 2:36

Lik k'a che i tinimit Aroer, chi o chila chuchi' i raqana Arnón, k'a che ulew Galaad, mijun tinimit xuch'ij u'anik ch'oj qu', lik konojel xqachup kiwach, man i Ajwal xeuya pqa'ab'.

1 Samuel 4:16

I achi le, keje iri xub'ij che: —Lik k'ate xink'un chila ipa xqa'an wi ch'oj wo'or, xaqpachalo xinch'ij anmajik. I ma Elí xub'ij: —Wak'al, ¿Wach mer xk'ulmaxik?

PRIMER LIBRO DE CR%D3NICAS 5:8

xaq ma Bela chi uk'ojol ma Azaz, chi ri umam ma Sema, i ma Sema le uk'ojol ma Joel. Ma Bela xjeqi pa tinimit Aroer xaq uchi' rulew kupon k'a chila che i jyub' Nebo xaq che i tinimit Baal-meón.

2 Samuel 24:5

Are xki'axuj i raqana Jordán, xkijeq b'i kajlaxik chila pa tinimit Aroer xaq pa wiqab'im chila pa tinimit chi o pa nik'aj che i ta'aj re i tinimit Gad xaq putzal i tinimit Jazer.

NÚMEROS 32:34

I je utzob'ajil ma Gad xkiyijb'a chik i tinimit Dibón, Atarot, Aroer,

JOSUÉ 12:2

Ma Sehón, ajawinel ke i je aj Hamor, chi jeqel te'eq pa Hesbón chi xaq xrajawin pkiwi i je aj Aroer chi je o chwi ta'aj puwi i jyub' Arnón, xaq xa nik'aj che i ta'aj Arnón le xaq nik'aj che ulew Galaad, chi xaq xrajawin pkiwi i winaq chi je o k'a chi b'eya Jaboc chuchi' kulew i je aj Amón;

Jueces 11:26

Jo'lajujwinaq (300) junab' chik iri chi yoj oj jeqel chwach ulew Hesbón, Aroer xaq i jalajuj taq komon, xaq konojel i jalajuj taq tinimit chi je o chila chuchi' i raqana Arnón. ¿B'uchak uri chi ich'ojim ti ulew le che taq i junab' chi ik'awnaq chik?