JEREMÍAS 48:14 - Wuj Pa K'ubultzij

¹⁴ Mub'ij uri i tinimit Moab: “Lik ko qawach, oj aj-anol ch'oj chi ronojel kojtiki che.”

JEREMÍAS 48:14 Referans Kwoze

Salmos 33:16

Mijun ajawinel ktotaj rumal kik'iyal uwinaq chi je yij che i ch'oj; mitene ketotaj i ko kiwach chu'anik i ch'oj tupu o kicho'ab'.

ISAÍAS 10:16

Rumali i Ajwal chi ronojel ktiki che, kresaj kicho'ab' ike chi lik je ch'anch'aq, ku'an ni chke chi kjuluw kich'akul rumal i a' tew chkij.

ISAÍAS 10:13

I ajawinel re i tinimit Asiria ub'im iri: Yin in-anom ni'pa ile ru' incho'ab', yin lik in b'iw xaq inch'ob'om wach kin-ano; lik injalwachim i kimojon i nimaq taq tinimit, inya'om wib' puwi kib'eyomal, lik rumal ukowil inwach, in tikinaq chkich'akik i ajawinelab'.

SOFONÍAS 2:10

Iri are i tojb'alil kya' ni chke aj Moab xaq chke aj Amón rumal xkiyo'ya utinimit i Ajwal, rumal xki'an nim che kib' chwach utinimit i Ajwal chi ronojel ktiki che.

Ezequiel 30:6

Iri are kub'ij i Ajwal: Ni'pa kkiya kiwach ru' i tinimit Egipto kekam ni pa ch'oj, kjeqan li che i tinimit Migdol k'a che i tinimit Sevene. I nim laj ukojik u'ij i tinimit Egipto kkanaj na chi lik nti chik u'ij. Yin in Ajwal, kinya intzij.

JEREMÍAS 49:16

Xaya awib' chi xatt'ortaj rumal ukojik a'ij, man lik nim i xib'rikil kaya te'eq. Yet chi at jeqel pa taq pek ab'aj, chi uchapom rib' che i nimaq taq jyub'. Xwiri tupu pacha at kotxik chi ku'an usok chwi taq jyub' naj uwi, chila katinqajsaj wi loq. Yin in Ajwal, xinb'iw ile.

JEREMÍAS 9:23

I Ajwal kub'ij: “I jun chi o uno'oj mukoj u'ij ru' uno'oj, xaq i jun chi nim u'ij mukoj u'ij ru' u'ij, xaq i b'eyom mukoj u'ij ru' ub'eyomal.

JEREMÍAS 8:8

¿B'uchak uri kib'ij yix chi lik o ino'oj xaq iweta'am wach kub'ij u'atb'al tzij i Ajwal? ¡Chi je ajtz'ib', xa ru' t'oronel laj tz'ib'b'al, xkitz'ib'aj wi!

ISAÍAS 16:6

Lik qeta'am wach ukojik ki'ij kki'an aj Moab, kkaj ike k-ani xukulem chkiwach, u'anik nim che kib', kiqelanik xaq i kilapanik chi nti uchak.

ECLESIASTÉS 9:11

Che i jyub' ta'aj wilom jub'an chik k'ulmaxik: Chi je are ti kkich'ij anem kech'akanik, xaq je are ti ko kiwach kech'akan che i ch'oj; xaq arewi nti o kkitij i o kino'oj, xaq arewi taj b'eyomab' je b'iw, xaq arewi taj k'ax kena' i winaq chi o kino'oj; konojel ike le xa k-on tan we ke'el utz ru'.

Salmos 11:1

Che i Ajwal inya'om wi ink'ux; tupu lik kb'ix chwe: “Chat-anmajoq, jat chwi taq jyub' pacha kki'an i tz'ikin.