JEREMÍAS 47:7 - Wuj Pa K'ubultzij

⁷ ¿Xwiri wach ukanajik i uxlanem ku'ano, man i Ajwal uya'om i taqanik che, man uya'om chuqul re ku'an ch'oj chrij aj Ascalón xaq ronojel i k'ijib'al chi taq mar?

JEREMÍAS 47:7 Referans Kwoze

Miqueas 6:9

I Ajwal ktijin chusik'ixik i tinimit, xaq lik ru' nojb'al ktayik xaq ru' utzil: “Chita, tinimit xaq i je ajpixb'anel re i nim laj tinimit:

Ezequiel 14:17

We kin-ano chi kpe i ch'oj puwi ronojel i tinimit le xaq kintaq kikamsaxik i winaq xaq i chikop,

ISAÍAS 10:6

Kintaq b'i chu'anik ch'oj chrij jun tinimit chi lik itzel laj taq winaq je o che, chrij jun nim laj tinimit chi k'ax kch'aw chwij, man krel-aj ni ub'itaq ke xaq kumaj ni kib'eyomal chke, man keuya'ya ni che aqan pacha xo'ol pa taq b'e.

AMÓS 3:6

we i trompeta kch'aw pa tinimit, i winaq ke'ok uri chk'achirik; we o jun utz taj kk'ulmax pa tinimit, alaj uri chi are i Ajwal utaqom loq.

Ezequiel 25:16

Rumali, Yin in Ajwal, kinb'ij: Kinyak ni in-ab' pkiwi aj Filistea yab'al utojb'alil kimak, lik kinsach kiwach aj Creta xaq kinsach ni kiwach ni'pa je o kan chunaqaj i mar.

ISAÍAS 37:26

Ma Senaquerib, ¿Aweta'am ta b'ari chi Yin In Ajwal xin-anaw ronojel ile? Lik chuxe'el inch'ob'om chali ile, wo'or in-anom chik; xwiri yet xachup uwach ronojel i jalajuj taq tinimit chi sutim rij ru' tapial nim uwach, xat'ub'ij li pa taq ulew.

ISAÍAS 13:3

Ya je insik'im chik i wajch'oj chi lik ko kiwach, ya inya'om chik i taqanik chke i wajch'oj chi je jachtal pu'ab' i Dios, chke ni'pa kekikot che inch'akanik, man keje ile kkiya ni utojb'alil chke ajch'oj chwij.”

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

JEREMÍAS 48:10

(¡K'oqom i jun chi k-on ti uchak ru' ronojel uk'ux chi yatal chuqul rumal i Ajwal! ¡K'oqom i jun chi kraj ti kumin rib' chu'anik i kamik!)

Ezequiel 21:30

¡Ch'ich' chi k'ulala o aware, chattzalij chik pa k'olb'al awe! Yin kin-at ni tzij pawi chila ipa xatinyijb'a wi, che ulew ipa xatalax wi,

Ezequiel 21:9

Yet, winaq chatch'aw pinb'i Yin xaq chab'ij chi Yin in Ajwal, at intaqom chub'ixkil: ¡I ch'ich' chi k'ulala o uware, i ch'ich' chi k'ulala o uware! Lik antal chik uware xaq uytal chik rij.

Ezequiel 21:14

Yet, winaq, chatch'aw pinb'i Yin; i chapok'ij pa'ab' che i ch'ich' chi k'ulala o uware che i sokonik ru' ukamul oxmul oywal. Are jun ch'ich' chi k'ulala o uware re kamsanik, lik are b'isb'al laj ch'ich' re kamik chi keuxib'ij konojel i tinimit chi xaipa je o wi.