JEREMÍAS 46:6 - Wuj Pa K'ubultzij

⁶ ¡Kkich'ij ti anmajik i jub'an chi lik kkich'ij i b'e, xaq kkich'ij ti uto'ik kib' jub'an chi lik ko kiwach! Pa moxab', chunaqaj i raqana Éufrates, kkitakij kaqan xaq ketzaqik.

JEREMÍAS 46:6 Referans Kwoze

Daniel 11:19

Lik k'a chila i ajawinel kujek' rib' che i tob'al taq ib' re utinimit; xwiri o ni jun k'ax, kuk'ulmaj chi lik kutoj ni ru' uk'aslemal xaq lik arewi kkuxtax ti chik ire.

JEREMÍAS 46:12

I nimaq taq tinimit keta'am chik chi qajnaq chik a'ij, chi xaq chwach ronojel i jyub' ta'aj ktataj asik'; Lik ketzaq i ajch'oj pa taq ulew are kkik'ulaj kib' chu'anik i ch'oj, junam na kkib'alk'atij kib' pa taq ulew.

JEREMÍAS 50:32

Nim laj tinimit chi ka'an nim che awib', katakij ni awaqan xaq kattzaq na, xaq lik mijun katuyak na. Kinnak' a' che konojel atinimit, i a' le kusachsaj ni kiwach ronojel ni'pa i je o chawij chawach.”

JEREMÍAS 46:16

I achiyab' chi je yij che i ch'oj chi je awe yet, kkitakij b'i kaqan xaq ketzaq b'ik, kkib'ij ni uri chkiwach: ¡Jo', chojel chi, jo' pa qulew che i tinimit ipa xojalax wi! ¡Choj-anmaj chwach i ch'oj xaq i kamik!

JEREMÍAS 46:10

Iri are u'ij i Ajwal chi ronojel ktiki che, i iji are ku'anb'ej uk'exel i utz taj chke i rajch'oj chrij. I ch'ich' chi k'ulala o uware o pu'ab' i Ajwal i ku'an ni sokonik chke konojel ni'pa i keuriqo, lik k'a ko'on ni kaq rumal i uk'iyal kik'. Rumali i Ajwal chi ronojel ktiki che ku'an jun nim laj kamik che i tinimit moxab' chunaqaj i raqana Éufrates.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 20:11

Xwiri yet, Ajwal, at o wu' yin, pacha jun aj-anol ch'oj chi k-an ti tikilem che; ni'pa i kinkiterb'ej ketzaq na, xaq ketiki ti chuqajsaxik in-ij; ke'el ti utz ru' wach kkaj u'anik, ketzaq ni chupam i k'ixb'alil, lik kqajsax ni ki'ij ronojel ij saq chi lik ksach taj.

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 4:6

Chiyaka i k'ul chi kuk'ut u'ij jun tzob'aj, kuk'ut b'i pa tinimit Sion; ¡Chitzukuj i k'ijib'al re tob'al iwib', mixuxlan chutzukuxik! Man pa moxab' kink'am wi li nimaq taq uyej xaq i sachanel wachij.

JEREMÍAS 1:14

Are uri i Ajwal xub'ij chwe: “Lik k'a chila pa moxab' ktix wi li tojpen pkiwi konojel i winaq re i nim laj tinimiti.

ISAÍAS 8:15

Lik je k'i kkitakij ni kaqan, ketzaq na xaq kekam na; lik je k'i ketzaq ni chupam i tzaqsab'al le xaq kech'api ni kan chila.”

ECLESIASTÉS 9:11

Che i jyub' ta'aj wilom jub'an chik k'ulmaxik: Chi je are ti kkich'ij anem kech'akanik, xaq je are ti ko kiwach kech'akan che i ch'oj; xaq arewi nti o kkitij i o kino'oj, xaq arewi taj b'eyomab' je b'iw, xaq arewi taj k'ax kena' i winaq chi o kino'oj; konojel ike le xa k-on tan we ke'el utz ru'.

Salmos 27:2

I itzel laj taq winaq, chi je ajch'oj chwij, xkimol kib' anb'al ch'oj chwij; xwiri are ike xkitakij i kaqan xaq xetzaqik.

Daniel 11:22

Lik kusachsaj ni uwach ronojel i cho'ab' chi ke'atiw ire, xaq kukamsaj ni aj-atzil re i trat.

2 Reyes 23:29

Che taq i ij le, i ma Necao, chi ajawinel re i tinimit Egipto, x-e chi raqana Éufrates chuto'ik i ajawinel aj Asiria chu'anik i ch'oj. Are uri ma Josías xel b'i chkik'ulaxik chu'anik ch'oj chkij; xwiri che i k'ijib'al chi Meguido ub'i, i ma Necao are xril ma Josías, su' xukamsaj.

2 Reyes 24:7

Are uri i ajawinel aj Egipto lik xel ti chik pa nim laj utinimit, man i ajawinel aj Babilonia xumaj kan ronojel ni'pa rulew che; i ulew le kjeqan b'i che u'ab' i raqana Egipto kupon k'a che i raqana Éufrates.