JEREMÍAS 46:23 - Wuj Pa K'ubultzij

²³ ¡Kkik'atzij ni pim laj kik'achelaj! Yin in Ajwal kinb'iw ile. Lik mas je k'i te'eq chkiwach i sak', xaq mijun xtiki chkajlaxik.

JEREMÍAS 46:23 Referans Kwoze

Jueces 7:12

I aj Madián, aj Amalec xaq i je aj prelb'al ij, lik kikichersam b'i kib' chwa ta'aj pacha jub'an sak'; lik k'i kikamey pacha i seneb' chi o chuchi' i mar.

Jueces 6:5

I winaq le kki'an kimujb'al chupam kitikon aj Israel xaq kkiya kichikop chwach kulew anb'al k'ax che ronojel ni'pa o chila. Are keuponik lik k'i kikamey kok'am b'ik pacha kik'iyal jub'an sak'.

Joel 2:25

Yin kinya ni uk'exel i junab' chiwe yix chi xisacho kumal i chikop laj taq sak', chi je are jutzob'aj sachanel uwach tikon chi xintaq b'i chiwij yix.

Ezequiel 20:46

Yet, winaq, chattzalij chub'i pa Jerusalén, xaq chab'ij atzij chrij i rachoch i utiox; chatch'aw pinb'i chrij i nim laj tinimit Israel.

ISAÍAS 10:18

Lik kusach ni uwach ronojel uchomalil i rax taq che' tzam taq jyub' xaq i tikonb'al ku'an ni chke pacha jun iwab' chi nti chik ucho'ab'.

JEREMÍAS 21:14

Yin kinya ni utojb'alil chiwe, pacha kmajaw che i utz taj chi xi'ano, kinnak' ni a' che ik'achelaj, i a' le kuk'at nu b'i ronojel chrij chwach. Yin in Ajwal, xinb'iw ile.

JEREMÍAS 46:22

I tinimit Egipto kxub'anik k-anmaj na pacha jun kumatz, are ketejeb' i achiyab' chi je yij che i ch'oj re kkikamsaj ru' ikaj, pacha taq uk'atzixik i che'.