JEREMÍAS 46:21 - Wuj Pa K'ubultzij

²¹ I kiwinaq chi je yij che i ch'oj je aj naj chi je moktalik je keje pacha taq torib' chi je ti'ojab', xwiri ike le ke'anmaj pa'anem man nti chik kicho'ab', man kupon i ij re ksachsax kiwach, xaq u'oril utojb'alil kimak.

JEREMÍAS 46:21 Referans Kwoze

JEREMÍAS 46:5

Xwiri ¿Wach i kwilo le? Xetzalij chkij rumal i nim laj xib'rikil. I kajch'oj xekicher b'ik man xech'akik; pa'anem xe'anmajik, lik xetzun ti chkij. ¡Xaipa o i k'ax! Yin in Ajwal, xinb'iw ile.

2 Reyes 7:6

Xuk'ulmaj chi Ajwal xu'an chke konojel achiyab' chi je yij che i ch'oj aj Siria, xkita uch'awb'al i ch'ich' chi re anb'al ch'oj, winaq je ajrij taq kaway xaq xkita uk'iyal winaq; rumali aj Siria xkich'ob'o chi i ajawinel aj Israel utz'onom utob'al che i ajawinel aj Het xaq che i ajawinel aj Egipto anb'al ch'oj chkij.

Miqueas 7:4

I jun chi mas utz chke ike keje pacha jun k'ix; i jun chi lik utz unojb'al keje pacha jun k'ix zarza. Xwiri kk'un ni ij chi kyijb'axik ni'pa i ki'anom, i ij chi xub'ij i ajchajinel chawe. Are uri krajawin ni sachb'al no'oj chkixol ike.

ABDÍAS 1:13

Xaq mat xatok pintinimit che i ij are o pa k'axk'olil, xaq mat xatkikot che uk'ax are o puyej, xaq mat xawel-aj ub'eyomal che i ij are o pa jalajuj taq k'ax.

AMÓS 6:4

Ixkotz'ol puwi i chomiq taq kotz'ib'al re marfil, lik kiya iwib' chu'anik i nimaq taq inima'ij i kitij ral taq chij xaq i me' ti'ojib';

Oseas 9:7

¡Ya xeuriq i ij re i tojb'alil! ¡Ya xeuriq i ij re i tojb'alil chi kmajaw chke! ¡I tinimit Israel lik kretamaj na chi ya xeuponik! Yix kib'ij: “I profeta lik b'uy. I achi chi kub'ij chomiq laj taq tzij xa ch'uj.” Xwiri kkib'ij ile man je nojnaq che i utz taj, man lik nim i titb'al kipam.

JEREMÍAS 50:27

¡Cheikamsaj konojel i achiyab' chi je yij che i ch'oj, cheataqa b'i pa kamsab'al! ¡To' kiwach ike! ¡Lik ya xuriq u'ij xaq u'oril re utojb'alil pkiwi!

ISAÍAS 34:7

Xaq lik ketzaq na pacha taq búfalo, me' xaq torib'; i kulew lik knoj ni che i kik' xaq i uk'aj ulew knoj ni che i xepu.

Salmos 37:13

Xwiri i Ajwal xa kutze'ej, man Ire reta'am chi i utz ti laj winaq le, ya kuriq u'ij chwach.

2 Samuel 10:6

I aj Amón xkinab'ej chi ma David lik xpe roywal chke, rumali xkitoj lajujmo' kachiy (20,000) achiyab' chi je yij che i ch'oj aj Siria, aj Bet-rehob xaq aj Soba, xaq xkitoj lajujwinaq kamo' (1,000) achiyab' che i ajawinel chi o chila Maaca xaq lajujmo' juchiy (12,000) aj Is-tob.

Ezequiel 35:5

Yet lik arewi ronojel ij lik at ajch'oj chrij i tinimit Israel, xaq lik xa'an ch'oj chkij are xya' k'isb'al utojb'alil kimak chke.

JEREMÍAS 50:11

Yix, aj Caldea, chi xiwel-aj b'i intinimit, ¡Chixkikotoq xaq chi'ana wach kiwaj! ¡Chixsak'linoq pacha taq jun ral b'akil pa taq es! ¡Chixsik'inoq pacha taq kaway!

JEREMÍAS 46:9

¡Lik chkich'ija b'e i kaway! ¡Chkiwach i ch'ich'! ¡Chkich'ija b'e i achiyab' chi ko kiwach chi je yij che i ch'oj; i achiyab' chi je yij che i ch'oj re Etiopía xaq aj Put, chi kiwiqom kib' ru' i tob'al ib'; i achiyab' chi je yij che i ch'oj aj Lud, chi lik kkiriq uk'aqik i ch'ab'!

JEREMÍAS 18:17

Yin, chi in pacha i tew chi kel li prelb'al ij, keinkichersaj nu b'i aj Israel; kin-an ni chke chi ke'anmaj chkiwach i je ajch'oj chkij. Yin xa are uchel wij kinya ni chke, are ti inpalaj, are kuriq i ij re utojb'alil pkiwi.”

ISAÍAS 10:3

¿Wach ki'an yix are kijach ronojel chwach i Dios ni'pa i'anom, are kiwilo chi ya knaqajab' uk'unik utojb'alil i mak atzalal? ¿Pachin ru' kix-e wi chutz'onoxik tob'al iwe? ¿Ipa kiya wi kan ib'eyomal?

Proverbios 15:17

Mas utz xa ichaj katijo xwiri ru' k'axnab'al k'uxij; chwach we ti'ij katijo we xa ru' titb'al pamaj.

Deuteronomio 32:15

Xwiri i winaq chi aj Jesurún, chi aj Israel, lik xeti'ojirik xaq xeb'uyerik, (rumal kiti'ojil lik to' kwalch'in chik kij) xaq xko'taj kan i ki-Dios chi xe'anawik; lik xkixutuj i tol ke.

Mateo 22:4

Te'uri xeutaq chub'i jub'an chik umokom chkisik'ixik. Xub'ij chke: “Chib'ij chke ni'pa i je insik'im na, chi yij chik i wa'im. Chib'ij chke chi je inkamsam chik i chikop chi je in ti'ojersam. Ronojel is yij chik; ike chepetoq, chixchoq chke.”

JEREMÍAS 46:22

I tinimit Egipto kxub'anik k-anmaj na pacha jun kumatz, are ketejeb' i achiyab' chi je yij che i ch'oj re kkikamsaj ru' ikaj, pacha taq uk'atzixik i che'.

JEREMÍAS 48:44

Pachin k-anmaj chkiwach ajmontiyar ktzaq ni chupam i jul, i jun chi kel li chupam i jul ktzaq ni pa tzaqsab'al, Man Yin kink'am li puwi i tinimit Moab, i ij re utojb'alil. Yin in Ajwal, xinb'iw ile.

JEREMÍAS 49:8

¡Winaq aj pa Dedán, chixel b'i pa'anem, jix chiwuwaj iwib'! Man kinsachsaj uwach i tinimit re Esaú; lik ya xuriq i ij re kinya utojb'alil che.

Ezequiel 30:22

Rumali Yin in Ajwal, kinb'ij: Yin kinsaqij chi in ajch'oj chrij ma faraón chi ajawinel re i tinimit Egipto. Kinpatz' ni chekeb' uteleb', i uteleb' chi nti k'ax che xaq i uteleb' chi patz'tajnaq chik, kin-an ni che chi kro'taj uch'ich' pu'ab'.