JEREMÍAS 46:2 - Wuj Pa K'ubultzij

² Iri are utzijonik chkij aj Egipto, xaq chkij i achiyab' chi je yij che i ch'oj re ma faraón Necao, ajawinel re Egipto, chi o te'eq pa Carquemis, chunaqaj raqana Éufrates, chi are ma Nabucodonosor, ajawinel re Babilonia, xuch'ak che ukaj junab' re rajawinik ma Joacim, uk'ojol ma Josías, ajawinel re Judá:

JEREMÍAS 46:2 Referans Kwoze

2 Reyes 23:29

Che taq i ij le, i ma Necao, chi ajawinel re i tinimit Egipto, x-e chi raqana Éufrates chuto'ik i ajawinel aj Asiria chu'anik i ch'oj. Are uri ma Josías xel b'i chkik'ulaxik chu'anik ch'oj chkij; xwiri che i k'ijib'al chi Meguido ub'i, i ma Necao are xril ma Josías, su' xukamsaj.

JEREMÍAS 46:14

Chitzijoj pa Egipto, pa Migdol, pa Menfis xaq pa tinimit Tafnes: ¡Lik chitatb'ej, lik chiyijb'a iwib'! ¡Man i je o chqij chqawach kkitij ni i ch'ich' chi k'ulala o uware!

JEREMÍAS 45:1

Che ukaj junab' re rajawinik ma Joacim, chi uk'ojol ma Josías, ajawinel re Judá, are uri ma Baruc, uk'ojol ma Nerías, kutz'ib'aj wach kub'ij ma Jeremías che, chi profeta, xub'ij ma Jeremías che ma Baruc:

JEREMÍAS 36:1

Che ukaj junab' re rajawinik ma Joacim, chi uk'ojol ma Josías, ajawinel re i tinimit Judá, i Ajwal xlapan ru' ma Jeremías, xub'ij che:

JEREMÍAS 25:19

Xaq xinya chutu'ik che ma faraón, chi ajawinel re i Egipto, xaq chke i raqan u'ab' xaq chke i raj-atzil, xaq chke konojel uwinaq.

JEREMÍAS 25:1

Che ukaj junab' re urajawinik ma Joacim, chi uk'ojol ma Josías, aj pa tinimit Judá, are uri i Ajwal xlapan ru' ma Jeremías xaq xuya jun tzijonik che chrij ronojel i tinimit Judá. Ile x-ani che i nab'e junab' re urajawinik ma Nabucodonosor chila Babilonia.

ISAÍAS 10:9

Chwe yin je xaqjun i tinimit Calno ru' i tinimit Carquemis, Hamat ru' i Arfad, Samaria ru' i Damasco.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

2 Reyes 18:21

Kwil yin chi yet li akub'am ak'ux chke aj Egipto chi katkito. Utzi' xwiri i tinimit Egipto keje pacha jun ajij chaqij chi patz'tajnaq, we o jun kuk'am ucho'ab' che kok b'i che u'ab'. Ile are ma faraón, chi ajawinel pa Egipto, i tziji ke konojel ni'pa kkikub'a kik'ux che ire.

2 Reyes 23:33

I ma faraón, chi ma Necao, xuya ti che ma Joacaz chi krajawinik, xumina prexil pa tinimit Ribla chi o chupam ulew Hamat, man keje ile krajawin ti pa tinimit Jerusalén. I ma Necao le xeutaq i tinimit chutojik alkawal chi are oxwinaq wajxaqlajujmo' (7,260) pexu saq-o'oj xaq oxlajuj oxwinaq (73) pexu an-o'oj.

2 Reyes 24:7

Are uri i ajawinel aj Egipto lik xel ti chik pa nim laj utinimit, man i ajawinel aj Babilonia xumaj kan ronojel ni'pa rulew che; i ulew le kjeqan b'i che u'ab' i raqana Egipto kupon k'a che i raqana Éufrates.

JEREMÍAS 43:11

Ire kk'un na xaq kusach ni uwach i tinimit Egipto. Jun we petnaq puk'aslemal kkamik, kkam na; jun we lik petnaq puk'aslemal chi kelsax b'i pa cho'ab' chwach rulew, kelsax nu b'i pa cho'ab' chwach rulew, jun we lik petnaq puk'aslemal kkam pa ch'oj, kkam ni uri pa ch'oj.

ISAÍAS 19:1

Tzijonik re i Ajwal chkij aj Egipto. Chiwila pe i Ajwal: Kk'un pa Egipto petnaq pa sutz' chi lik kuch'ij b'e. Chwach Ire le lik kesiksat ni i tiox re Egipto xaq i winaq aj chila lik kesiksat ni rumal kixib'rikil.

ISAÍAS 19:19

Che i ij le o ni uri jun sujb'al sipon chi re i Ajwal lik chila pa Egipto, xaq naqaj che uchi' rulew ktak'b'ax ni jun ab'aj re kojb'al u'ij i Ajwal.