JEREMÍAS 46:12 - Wuj Pa K'ubultzij

¹² I nimaq taq tinimit keta'am chik chi qajnaq chik a'ij, chi xaq chwach ronojel i jyub' ta'aj ktataj asik'; Lik ketzaq i ajch'oj pa taq ulew are kkik'ulaj kib' chu'anik i ch'oj, junam na kkib'alk'atij kib' pa taq ulew.

JEREMÍAS 46:12 Referans Kwoze

JEREMÍAS 46:6

¡Kkich'ij ti anmajik i jub'an chi lik kkich'ij i b'e, xaq kkich'ij ti uto'ik kib' jub'an chi lik ko kiwach! Pa moxab', chunaqaj i raqana Éufrates, kkitakij kaqan xaq ketzaqik.

JEREMÍAS 14:2

Ix aj Judá chixo' rumal ib'is, man i tinimit lik o puyej, i winaq lik je jab'ernaq chik pa taq ulew. Ix aj Jerusalén chixsik'in ni rumal uk'axk'ol.

ISAÍAS 19:2

“Ire kub'ij: Kin-an ni chke aj Egipto chi kkijach kiwach xaq kki'an ch'oj chkiwach, chkiwach je amiy, chkiwach je tinimit xaq chkiwach je aj-atol tzij.

SOFONÍAS 1:10

Keje iri kub'ij i Ajwal: Che taq i ij le ktataj ni sik' re tz'onb'al tob'al ib' k'a che li Uchija ke i Kar. Kesik'in na li winaq che Ukab' Tasaj re i Tinimit xaq ktataj ni uch'awb'al i ul chi kwulij li chwi taq jyub'.

JEREMÍAS 51:54

K'a pa tinimit Babilonia ktataj i sik' re uk'axk'ol, lik k'a pa tinimit ke aj Caldea kupon utayik jun nim laj luk'latik.

JEREMÍAS 49:21

I utzaqik i tinimit Edom lik naj ktataj wi uch'awb'al, man ulew lik ksiksat ni rumal; ksik'in ni chutz'onoxik tob'al ib', i kisik' lik ktataj ni k'a pa Mar Kaq.

JEREMÍAS 48:34

I winaq pa tinimit Hesbón kesik'in che i b'is, xaq i kisik' kupon k'a pa Eleale, Jahaza, pa Zoar k'a pa Horonaim xaq Eglat-selisiya, man ralaxb'al ya pa Nimrim lik je chaqijnaq chik.

ISAÍAS 10:4

We kqajsax ti i'ij xaq we kixk'am tu b'i prexil, kixtzaq ni ku' ni'pa i kekamsaxik. Xwiri i roywal i Ajwal lik ik'awnaq taj, Ire k'a kuch'ach'a usachik iwach.

1 Samuel 5:12

I kisik'inik i winaq re i tinimit kupon k'a chikaj rumal uk'axk'ol, man lik chaqchik sipoj che i kich'akul konojel i je kamnaq taj.

ISAÍAS 24:11

I winaq ke'o' pa taq b'e rumal nti chik uwa'al uva muqb'am, ronojel i kikotemal xk'isik xaq je elnaq b'i chwach kulew.

JEREMÍAS 2:36

¿B'uchak lik katk'achir chkijalwachixik ni'pa kiya'om kiwach awu'? Xaq i je aj Egipto katko'taj ni atukel, keje pacha xki'an aj Asiria chawe.

JEREMÍAS 47:2

Yin in Ajwal, kinb'ij: Pa moxab' kupon ni jun nim laj ya chi kunojsaj uwach i k'ijib'al le, pacha jun nim laj raqana chi elnaq chik puk'ijib'al; kunojsaj ni i tinimit che i ya xaq ronojel ni'pa o chwach, pa nimaq taq tinimit xaq ni'pa je jeqel chwach. Konojel i winaq re i tinimit kesik'inik, i winaq kesik'in ni che o'ej rumal i k'ax.

JEREMÍAS 50:46

Utzaqik i tinimit Babilonia lik ktataj na, man ulew lik ksiksat na, usik'inik lik ktataj ni k'a pa taq jub'an chik nimaq taq tinimit.

NAHUM 2:5

I ajawinel keusik'ij i rajpatanib', ike kkitakij kaqan che i ch'ich' xaq che i tapial are ke'e pa'anem, che i tob'al kib' chi yij chik.