JEREMÍAS 46:11 - Wuj Pa K'ubultzij

¹¹ ¡Tinimit Egipto, jat k'a pa Galaad chutzukuxik kunb'al! ¡Xwiri tupu lik k'i kunb'al katijo, lik nti kuchakuj uri chawe, lik nti chik kunb'al kmajaw chawe yet!

JEREMÍAS 46:11 Referans Kwoze

JEREMÍAS 8:22

¿Xatab'a nti jun kunb'al pa Galaad? ¿Xatab'a nti jun chila chi kkunanik? ¿B'uchak krutzirsaj ti intinimit?

Miqueas 1:9

Man i soktajnaq che i Samaria lik kutzir taj: O che ronojel i Judá xaq uponnaq k'a pa Jerusalén, are i nim laj tinimit ipa je jeqel wi inwinaq.

ISAÍAS 47:1

Chatqaj loq, at apoj laj tinimit Babilonia, chi k'amaja awachijil, xaq chatkul puk'aj ulew; chatqaj loq chawo'taj kan akub'ib'al chi o u'ij, apoj laj tinimit Caldea xaq chatkul pulew, man ya kkib'ij ti chik chawe ch'u' xaq chom.

NAHUM 3:19

¡Lik nti kunb'al re i soktajnaq chawe; ak'ax lik kkuntaj taj! Konojel ni'pa i kkita atzaqik pa k'ax kkipok'pa pki'ab' chawe rumal kikikotemal, man ¿Tinimit Nínive pachin taq wa xutij ti uyej rumal amak atzalal chi nti uk'isik?

JEREMÍAS 14:17

Chab'ij iri chke i winaq: Lik kturur uwa'al inwach chipa'ij chicha'ab', lik kumayij taj, rumal i nim laj uyej chi je o intinimit chupam, rumal i uk'axk'ol i soktajnaq che, chi lik nim.

Mateo 5:26

Qatzij uri: Katel ta loq k'a katoj ni ronojel ak'as.

Ezequiel 27:17

Xaq keje i tinimit Judá xaq i Israel kelo'on awu' xaq kkitoj chawe ru' trigo re Minit, ru' kaxlanputz, uwa'al kab', aceite xaq i pomada.

JEREMÍAS 51:8

Xwiri i tinimit Babilonia lik juntir xtub'krijik. ¡Lik chixo' rumal ire! Chik'ama li kunb'al re kukunaj i sokonik, ilb'al re we kkuntajik.

GÉNESIS 43:11

Are uri ma Israel chi kiqajaw xub'ij chke: —Nti kin-an uri che, chik'ama b'i ri icha' le, xwiri chi'ana iri: Chik'ama b'i jalajuj taq sipon chomiq chupam ikoxtal chiya che i achi le, chik'ama b'i jub'i' bálsamo, jub'i' uwa'al kab', jub'i' kunb'al muy, jub'i' mirra, jub'i' nuez xaq jub'i' almendra.

GÉNESIS 37:25

Are x-antaj ile xekub'i chwa'im, xaqte'et xkil pan chinaj chi ktijin kik'unik jub'an winaq aj Ismael, je petnaq k'a Galaad lik keb'alk'at kikamey chuxe' i kunb'al muy, bálsamo xaq i mirra kkik'am b'i pa Egipto.

JEREMÍAS 31:4

Katinyak chik, Israel. Xaq kixk'un tan chik ru' i chilchil, lik kixxajaw ru' i kikotemal.

JEREMÍAS 31:21

Ix, aj Israel, chikojo kan retalil ib'e, man keje ile k'ax ti uriqik ki'an che; chikojo retalil ib'e ipa xixik'aw wi. ¡Ix, aj Israel, chixtzalij chaloq, chixtzalij chal pa nim laj itinimit!