JEREMÍAS 46:10 - Wuj Pa K'ubultzij

¹⁰ Iri are u'ij i Ajwal chi ronojel ktiki che, i iji are ku'anb'ej uk'exel i utz taj chke i rajch'oj chrij. I ch'ich' chi k'ulala o uware o pu'ab' i Ajwal i ku'an ni sokonik chke konojel ni'pa i keuriqo, lik k'a ko'on ni kaq rumal i uk'iyal kik'. Rumali i Ajwal chi ronojel ktiki che ku'an jun nim laj kamik che i tinimit moxab' chunaqaj i raqana Éufrates.

JEREMÍAS 46:10 Referans Kwoze

Deuteronomio 32:42

Inch'ab' lik keinmub'a ni chupam i kik', inch'ich' lik kuk'is ni kiwach ajch'oj chwij, are kikik'el ajprex xaq kikik'el ajch'oj; kikik'el i kaj-atzil ajch'oj chi lik nimaq kiwi.

Joel 1:15

¡Ay, ya knaqajab' u'ij i Ajwal! ¡Ij chi lik xib'in ib', man rok'am li sachsab'al chi kk'un pub'i i Ajwal chi Ronojel Ktiki Che!

JEREMÍAS 46:2

Iri are utzijonik chkij aj Egipto, xaq chkij i achiyab' chi je yij che i ch'oj re ma faraón Necao, ajawinel re Egipto, chi o te'eq pa Carquemis, chunaqaj raqana Éufrates, chi are ma Nabucodonosor, ajawinel re Babilonia, xuch'ak che ukaj junab' re rajawinik ma Joacim, uk'ojol ma Josías, ajawinel re Judá:

JEREMÍAS 46:6

¡Kkich'ij ti anmajik i jub'an chi lik kkich'ij i b'e, xaq kkich'ij ti uto'ik kib' jub'an chi lik ko kiwach! Pa moxab', chunaqaj i raqana Éufrates, kkitakij kaqan xaq ketzaqik.

Lucas 21:22

I ij le, are i ij re nim laj tojpen man k-antaj na pacha i tz'ib'tal kan chupam uwuj i Dios.

Joel 2:1

Chixut'ij i trompeta tzam taq jyub' Sion; chixut'ij k'utb'al re pa ch'am laj jyub' re i Ajwal. Chixsiksat iwonojel yix chi ix jeqel pa tinimit Judá, man ya naqaj chik o wi u'ij i Ajwal:

JEREMÍAS 51:6

¡Chix-anmaj pa Babilonia! ¡Pachin ktiki che chuto rib'! ¡Mixkam taq rumal umak ire le! Iri lik are u'oril i woywal re u'anik uk'exel che, lik kinya ni utojb'alil pacha kmajaw che.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

ISAÍAS 63:4

Yin xinch'ob'o chi kuriqa ni jun ij kin-an i suk'ul laj atb'al tzij; i ya xuriq i ij chi keinkir intinimit.

ISAÍAS 13:6

Chixsik'in rumal i b'is, man i ij re i Ajwal naqaj chik o wi, kk'unik pacha jun ch'ayanik re i Ajwal chi Ronojel Ktiki Che.

2 Reyes 24:7

Are uri i ajawinel aj Egipto lik xel ti chik pa nim laj utinimit, man i ajawinel aj Babilonia xumaj kan ronojel ni'pa rulew che; i ulew le kjeqan b'i che u'ab' i raqana Egipto kupon k'a che i raqana Éufrates.

ISAÍAS 61:2

chutzijoxik i utz laj junab' re Ajwal, chutzijoxik i ij chi i Dios ku'an ni uk'exel chke ajch'oj chqij pacha xki'an chqe yoj. In utaqom li chukub'saxik kik'ux konojel ni'pa i keb'isonik.

Job 24:1

¿B'uchak i Dios chi Ronojel Ktiki Che, kuch'ik ti jun ij anb'al re ni'pa kuch'ob' u'anik, man keje ile kkil i ramiy wach ku'ano?

ISAÍAS 31:8

I tinimit Asiria ktzaq ni ru' uware ch'ich', xwiri ru' ti ucho'ab' i winaq. I ch'oj ku'an na chi ke'anmaj b'i uwinaq xaq i alab'om chi je yij che i ch'oj k-ani ni taqon chke.

JEREMÍAS 12:12

Chwi taq ronojel i loma re i tz'inilik jyub' chaqij xek'un winaq chi to' aj-anol ch'oj. Man Yin, chi in Ajwal, o jun inch'ojb'al chi kusach ni uwach i nim laj tinimit, kjeqan b'i chuchi' jewa kupon k'a chuchi' jela, xaq mijun kuriq i chomb'al ib'.

JEREMÍAS 46:14

Chitzijoj pa Egipto, pa Migdol, pa Menfis xaq pa tinimit Tafnes: ¡Lik chitatb'ej, lik chiyijb'a iwib'! ¡Man i je o chqij chqawach kkitij ni i ch'ich' chi k'ulala o uware!

JEREMÍAS 50:18

Rumali, Yin in Ajwal, chi ronojel kintiki che, chi ki-Dios aj Israel, kinb'ij: Kinya ni utojb'alil che i ajawinel re i tinimit Babilonia xaq chke konojel utinimit, pacha xin-an che i ajawinel re i tinimit Asiria.

Ezequiel 21:28

Yet, winaq, chatch'aw pinb'i xaq chab'ij intzij chke aj Amón chi kkiyo'ya i tinimit Israel, i ch'ich' chi k'ulala o uware elsam chal prachoch: Yij chik che i kamsanik xaq uytal chik rij re urepratik che i kamsanik.

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”

ISAÍAS 2:12

Che taq i ij chi Ajwal chi ronojel ktiki che are ku'an ni ch'oj chkij konojel i winaq chi kkikoj ki'ij, xaq kki'an nim che kib' re qajsab'al ki'ij;