JEREMÍAS 45:5 - Wuj Pa K'ubultzij

⁵ ¿Yet katzukuj nimaq taq b'iroxik? Matzukuj ut man Yin xa k'ax laj taq yob'il kintaq b'i pkiwi konojel i winaq. Xwiri kinya ni ak'aslemal xaipa kat-e wi: Yin in Ajwal, xinb'iw ile.”

JEREMÍAS 45:5 Referans Kwoze

JEREMÍAS 39:18

Yin lik katinto na man keje ile katkamsax taj. Lik ktotaj ni ak'aslemal man xakub'a ak'ux chwe yin. Yin in Ajwal, xinb'iw ile.”

Hebreos 13:5

Miya ik'ux che i pwaq; chixkikot ru' ni'pa o iwu', man i Dios are Ire kixuchajij. Ire ub'im: “Lik katinkanaj ti kanoq; xaq katwo'taj taj;” xub'ij.

JEREMÍAS 21:9

I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.

Romanos 12:16

Xaqjun uk'axnab'al ik'ux china chiwach. Mi'an to' nim che iwib'; chi'ana xaqjun che iwib' ku' nti ki'ij. Mich'ob' yix we lik o ino'oj.

JEREMÍAS 25:26

Chke konojel i ajawinelab' je aj pa moxab', chi je aj naqaj xaq we naj je o wi. Ke'eloq chi konojel i ajawinelab' chwach i jyub' ta'aj. Pa k'isb'al re kutu' ni ajawinel aj Babilonia.

SOFONÍAS 3:8

Rumali, chiniwoy-ej ni yix che i ij are kinwalij b'i che i lapanik chiwij. Yin in Ajwal, kinb'ij: Inch'ob'om umolik kichi' i nimaq taq tinimit xaq i ajawinik re kinya b'i ronojel i woywal pkiwi ike, xaq nim laj u'a'ul i woywal. ¡Ronojel i jyub' ta'aj ksach ni uwach rumal u'a'ul i woywal!

JEREMÍAS 38:2

I Ajwal kub'ij: “Pachin jun kkanaj kan pa tinimit, kkam ni uri pa ch'oj, rumal wa'jal, rumal itzel laj taq yob'il. Xwiri pachin jun chi kel b'ik xaq kujach rib' pki'ab' aj Caldea, ktiki ni uri chuto'ik uk'aslemal.

2 Reyes 5:26

I ma Eliseo xub'ij chik che: —Are xqaj li ma Naamán chupam uch'ich' chak'ulaxik, chila o wi wanima yin chrilik ronojel. Xwiri wo'or, are ti or iri chi kqak'am taq saqpwaq, molaj k'ul, ulo'ik ulew, ulo'ik tikb'al uva, ulo'ik chij, ulo'ik b'oyexab', ulo'ik ajtaqon achiyab' xaq ajtaqon ixoqib'.

GÉNESIS 6:12

Are xril i Dios ile chi lik utz ti chik uwach i jyub' ta'aj, xaq konojel i winaq lik utz ti chik kki'ano,

ISAÍAS 66:16

Qatzij, i Ajwal ku'an atb'al tzij ru' i a', ku'at tzij pkiwi konojel i winaq chwach i jyub' ta'aj ru' ch'ich' chi k'ulala o uware xaq ku'an na chi k'i kekamik.

1 Reyes 3:9

Cha'ana uri jun utzil chwe, Ta, chaya jun wanima chi lik o uno'oj chu'atik tzij puwi atinimit, man keje ile kwil ub'e pachike i utz xaq pachike i utz taj. Man ¿Pachin wa ktiki chu'atik tzij puwi atinimiti chi lik nim?”

1 Reyes 3:11

Are uri xub'ij che: Rumal ile chi xatz'onoj chwe, chi are ti jun k'aslemal nim, mitene b'eyomal xaq mitene kikamsaxik i je ajch'oj chawij, yet are xatz'onoj utayik ub'e xaq i retamaxik i no'oj re u'atik tzij.

Salmos 131:1

Ajwal, ink'ux yin kukoj ti u'ij, xaq inb'a'wach kunimarsaj ti u'ij, xaq kinterej ti chrij i nimaq taq b'iroxik, chi kintiki ti chu'anik.

JEREMÍAS 25:31

Lik pacha uch'awb'al ray, kupon k'a chi taq uchi' ulew, man i Ajwal ku'an atb'al tzij chke nimaq taq tinimit, are ire ku'at tzij pkiwi konojel o kich'akul xaq keujach ni utz ti laj taq winaq pa kamik, are i Ajwal xub'ij ile.

JEREMÍAS 25:15

I Ajwal, chi ki-Dios aj Israel, xub'ij chwe: “Chawila pe i tu'b'al ya ri nojnaq che uwa'al uva muqb'am re woywal. Chak'ama xaq chaya chke konojel nimaq taq tinimit re kkitu'u, i nimaq taq tinimit chi katintaq b'i yin ku'.

JEREMÍAS 25:16

Are kkitu' ile kkijeq ni xab'ik rumal, xaq ke'on ni pacha ch'uj rumal i nim laj ch'oj chi kintaq b'i yin chke.”